2009年11月19日 星期四

紫紫紫紫包

看! 好艷呀! 想起什麼........


林燕妮.......紫色乳牛.........垃圾蟲.......(以上聯想完全冇關係, 除了紫色)


紫得有點令人有點懷疑......但是.......



終於在日本超市買到紫心蕃薯, 日本人叫murasaki imo(紫芋), 如果不是日本出產的, 我一定認定有古怪, 冇可能蕃薯可以紫成咁, 紫到發黑. 日本產的, 冇問題啦!


先把蕃薯煮熟, 水只是淡淡的藍色, 蕃薯本身都好吃, 不過不及日本黃心小蕃薯的香和粉.



高粉250g 熟紫薯蓉100g 速酵母2g 原黑蔗糖(muscavado)15g 鹽5g 水約155g (原方加牛油, 我搓吓搓吓, 好滑喎, 索性不加油........總是很迷戀不加油的麵包!) 雜果仁少許, 紫薯切粒約100g


早來的冬天, 很冷呀, 怎算........搓好後, 室內放了1小時, 要回娘家吃飯了, 放入雪櫃, 2.5小時後回來, 索性取出來, 翻一翻麵團, 放在窗邊任由冷空氣雪了10小時, 第二天天亮, 哇, 發得剛剛好,


我和慢酵麵團漸漸好像有了默契, 自由發揮. 發酵是慢的好, 因為有很多層次的香味係要有好充分的時間才可以產生的(雖然我都係吃不出......:p)



排氣靜置15分鐘, 麵團真的很滑很靚, 灑手粉, 包入切碎紫薯粒, 做個最簡單的摺綿胎, 末發酵50分鐘.


冬天發酵, 我是放入了預熱100度的焗爐, 關火, 狂噴水的, 不是太有經驗和沒有紅外線溫槍的朋友千萬別試, 一個不好熱死了麵團.


灑上少許果仁......220度焗, 先放低層, 再放中層, 共焗約30-40分.



好一隻啡皮紫心的肥豬仔!!!



包肉好好吃呀, 又靚又鬆又軟又有的濕潤, 蕃薯果然是好東西, 吃了3天, 質地仍不錯.


正!



32 則留言:

  1. 嘩~~~好靚呀~~~
    [版主回覆11/19/2009 22:27:00]係呀, 靚到好艷.......

    回覆刪除
  2. 好似未焗靚 d 喎!
    [版主回覆11/19/2009 22:27:00]咁又係, 不過焗到上晒啡色又好靚.

    回覆刪除

  3. 呢张相像个小嘴....
    [版主回覆11/19/2009 22:28:00]脹得好勁, 脹到嘔呀!

    回覆刪除
  4. 幾時有得試食 wa...kakaka
    [版主回覆11/19/2009 22:30:00]哎, 可惜我星期六做唔切啦, 下次有機會啦!

    回覆刪除
  5. 可以任由佢發一晚
    切開內裡好靚色水呀
    [版主回覆11/19/2009 22:32:00]係呀, 這是慢發酵包.....天氣冷呀, 得十幾度, 所以可以睡覺去.

    回覆刪除
  6. ~~~~~~~
    [版主回覆11/19/2009 22:32:00](Empty)

    回覆刪除
  7. 哈~你終于買到紫番薯呀!
    你覺得加油同唔加油,有何分別?
    你對住烘爐拍照,點解玻璃門吾會反影的?
    [版主回覆11/20/2009 18:32:00]係呀, 好難買到的, 街市都好罕見, 就算見, 我都唔敢買來吃, 容乜易係化學染料......?
     
    我用閃光燈, 斜斜地避開反光.......仲有, 玻璃要抹淨.
     
    哈哈, 係了, 加左牛油, 包包梗係香好多啦, 加植物油, 包包都會軟d, 不過對於保鮮期和防老化........據我的經驗, 就冇乜關係.........咁即係, 香軟d啦.

    回覆刪除
  8. WAWAWA~~ 好大的包...
    [版主回覆11/19/2009 22:35:00]可一個大肥豬, haha

    回覆刪除
  9. 好艷的紫薯包包.   全天然的紫色, 真的好靚, 個包包又健康. 11111111
    [版主回覆11/20/2009 18:40:00]係呀, 我都估不到個包咁靚.......不加油的田園包, 唔係個個都食得慣, 不過食吓食吓, 都幾好食, 我都幾鍾意吃.

    回覆刪除
  10. 慢發的蕃薯肥包,D包肉好紫呀!
    [版主回覆11/20/2009 18:45:00]係呀, 好鬼艷麗, 幸好係天然的.

    回覆刪除
  11. 未焗前個色好sharp好靚啊,但都幾嚇人啊;
    焗起後切片睇就變得好誘人呢!!
    [版主回覆11/20/2009 18:47:00]係啦, 好彩係日本貨, 幸好有日本, 令人安心.
    焗咗就正常好多.

    回覆刪除
  12. Hi!
    你好似未答 tastebug 的有牛油與冇牛油分別喎,因我也想知其答案呢。
    還有,為何入爐要先在下層,之後再轉上層呢?作用何在呢?因我在麵包課程的老師曾教過,入爐次序剛與你的相反喎,所以才有此一問。
    多謝賜教﹗
    [版主回覆11/20/2009 19:58:00]哎呀, 係喎係喎, 補返了.
     
    我的爐比較高身, 火力又唔夠猛, 先放下層, 係模彷石爐, 利用高溫將麵包谷脹, 但包面又唔夠溫度, 所以等包包脹到咁上下, 就轉去中層, 等包面上足火色
     
    妳的做法掉轉......每個爐的特性都不同, 所以要試到ok

    回覆刪除
  13. 紫薯包包好靚呀!焗前係少年期,出焗係成熟期。
    街買的薯味包包一般薯味唔夠出同香。
    [版主回覆11/20/2009 20:02:00]我呢個包唔係好香蕃薯味呀...........只係取蕃薯澱粉的質感和顏色, 如果要蕃薯味夠, 咁就要包入整條蕃薯了.

    回覆刪除
  14. 好誘人的紫色呀﹗你說得對,若不是日本貨,紫成咁都幾擔心
    [版主回覆11/20/2009 20:11:00]真係紫得好誇張, 幸好世界上有日本食物........

    回覆刪除
  15. hihi mr a moon:- i am making my pineapple bread as a beginner. how to determine the 2nd fermentation (發酵) is finished? pls. give me some tips & advice.
    btw, i figured out from japanese blog jp size 12cm X 12cm mould (1 GUN) ideally uses 270-280g strong flour for plain white bread.
    your purple bread just look SO NICE!!! i hope one day i can make as good as yours:)
    cheers
    [版主回覆11/20/2009 20:19:00]菠蘿包都幾高難度咖.......不易咖
     
    末發酵, 大約30~35度, 發酵約45~50分鐘, 書上說大約脹大至2倍(係體積喎), 其實好難睇, 我多數加埋用手輕輕拍拍麵團, 見它輕輕搖吓搖吓, 就ok了, 但係要經驗,
     
    有人話係用手指測試, 但係我唔敢篤個麵團, 始終個麵包都做左形......

    回覆刪除
  16. 我都好鍾意吃蕃薯包,不過好耐冇整啦.
    [版主回覆11/20/2009 20:20:00]呢個包幾好玩呀! 都幾好食.

    回覆刪除
  17. 個包好靚呀! 有無蕃薯味?
    [版主回覆11/20/2009 20:23:00]哈哈, 呢個包冇乜蕃薯味, 因為只係落100g蕃薯, 不過質感好好.
     
    如果要蕃薯味夠, 就要包蕃茄蓉餡了.

    回覆刪除
  18. 我都好想食呀. 睇見咁軟熟流哂口水(無哂儀態).
    [版主回覆11/20/2009 20:23:00]hehe, 第日有機會, 請妳吃啦!

    回覆刪除
  19. 嘩 ! 送兩片來吃好嗎 ?
    [版主回覆11/20/2009 20:25:00]hehe, 接住.......  : D

    回覆刪除
  20.         你呢隻紫色豬仔勁掂啦,乳牛都唔夠佢揮呀!         我個爐好彩有發酵功能,冬天唔駛怕。
    [版主回覆11/20/2009 20:26:00]哇, 你個爐咁好, 係什麼牌子和型號.........?

    回覆刪除
  21. 哈, 又香又艷嘅肥豬包呀 !!  真係好可愛呢 !
    [版主回覆11/20/2009 20:26:00]哈哈, 真係脹到肥嘟嘟呀!

    回覆刪除
  22. 嘩!!好艷麗o既包包!!
    係咪加蕃薯可以令包包keep住軟d呢??不過上次我整17小時蕃薯包,第二日就好乾喇!!嚇到我從此卻步!!
    [版主回覆11/20/2009 20:31:00]可能係啦.........包包保鮮, 係有幾個因素喎, 焗包的溫度, 麵團的水粉適中, 搓麵團起筋充份, 麵包要好好包好.......17小時包的保鮮能力應該唔錯的, 再試.

    回覆刪除
  23. 真係好掂喎,你呢個長時間發酵有d17小時feel喎。
    [版主回覆11/22/2009 09:03:00]係同類包, 有兩個分別 1. 只需搓一次包, 2. 材料簡單, 好多時冇油冇奶, 所以17小時包的味道豐富d, 田園就單調d,

    回覆刪除
  24.         我果個其實係幾合一 嘅 微波爐 ,最正仲係可以 喺爐內噴蒸氣,整歐包就最方便!所以後尾我個 friend Ah Sa 都買 咗兩部呀!
    [版主回覆11/22/2009 09:04:00]你個係貴嘢噃, 我個friend都剛買左個, 試緊

    回覆刪除
  25. 我係蕃薯迷黎架 !! 你個包包切開左, 裡面好靚呀!!! 呢排都想煲番碗蕃薯糖水食 ^^
    [版主回覆11/22/2009 09:07:00]哈, 我太太差點沒說 : 蕃薯煲糖水最好味, 搓什麼包, o徙晒.........haha
     
    蕃薯糖水真係好好味, 尤其用黑蔗糖, 拍片薑, 日本黃心小薯, 正呀!

    回覆刪除
  26. 肥豬仔咁真係好搞笑... 第一張遠睇好似一個手袋..
    btw, 我跟你個君度橙牛蛋食譜做左柚子蛋糕.. 等緊食.. 好難忍啊...
    [版主回覆11/22/2009 09:10:00]唏, 駛乜忍, 先切一片吃, 餘下才aging嘛......haha

    回覆刪除
  27. 我尋晚真係煲左紫皮黃心蕃薯呀!! 好好味 !!! http://hk.myblog.yahoo.com/littlesnakeiscyan/article?mid=3453
    [版主回覆11/23/2009 07:37:00]我都係呀, 吃蕃薯糖水真是又滿足又舒服!

    回覆刪除
  28. 好似幾好喎,乜嘢叫做翻麵呀? 我而家夜晚做定放入雪柜作最後一次發酵,係咪可以就咁放係枱面呢?會唔會過度發酵架?
    [版主回覆11/23/2009 07:43:00]翻麵係見麵團發左6-7成, 就將它排氣, 從新摺一摺, 有好多手法的.......麵包質感會好d.
     
    冬天天氣冷, 就可以雪一雪跟住放在室溫發酵, 天氣暖就要在雪櫃放久些, 未熟手前, 就看多幾眼.

    回覆刪除
  29.         如果唔係有 credit card 啲積分可以換,我就唔捨得買喇!
    [版主回覆11/23/2009 07:45:00]我冇理咖, 見到適合就買.......當然, 都係好少買.

    回覆刪除
  30. 真係紅到發紫.....好靚.
    [版主回覆11/23/2009 20:08:00]哈, 靚到有d......過份.

    回覆刪除
  31. 裡面的顏色真係好靚喔 !!!
    [版主回覆11/23/2009 20:09:00]好彩係日本的, 安心好多.

    回覆刪除
  32.         " 我冇理咖, 見到適合就買 "         你點同呢,你有穩定收入嘛!
    [版主回覆11/23/2009 20:11:00]可能係啦, 都未必係.........又可能係購物習慣.

    回覆刪除