2007年11月18日 星期日

我最喜愛的一刻

太太說, 這麼累, 明天什麼也不要攪了.......不知不覺, 又做了一個mocha chiffon.


這是我最喜愛的OT



這是最喜愛的一刻......



本來應減少毀滅性的可可粉, 但心有不甘, 照舊再試一次 :


3黃4白 , 70g粉60g糖15g可可粉5g咖啡粉(espresso)6g奶粉, 30g油50g水



效果好了點點, 是蛋白打得更好, 用白砂糖而不用黃砂糖, 麵漿照樣爆到卜卜卜的........


都好吃的. 下次可多點奶粉, 多10g糖.


12 則留言:

  1. 不只這 一 刻,我也愛所有蛋糕時刻!
    [版主回覆11/19/2007 13:37:00]對呀小兔, 每一個"這一刻"加起來, 就是每一刻了.

    回覆刪除
  2. 好靚的雪芳蛋糕,那麼累還要做蛋糕?你威乎有無話你唔聽佢講嘢?果然是:人,不一定要返工;飯,不一定要食;包,不可不做呢!!
    [版主回覆11/19/2007 13:41:00]都算唔錯的, 但是真的太少玩的時間了.
     
    威乎說我做雪芳蛋糕都可以啦, 做包就唔得o勒, 一做就一個下午  :p
     
    我想也是呀, 做好了包, 也冇命吃呀!

    回覆刪除
  3. 一定好味味呢!!!
    [版主回覆11/19/2007 13:42:00]幾好啦, 起碼太太也說好吃, 苦苦甜甜的可可咖啡味, 適合大人, 不適合細路仔.

    回覆刪除
  4. 你今次是否滿意﹐或是又不甘心﹐又再試多次﹖﹖﹖﹖
    [版主回覆11/19/2007 13:45:00]今次我都滿意了, 可可粉的效果是這樣了.
     
    不知各位餅友做朱古力海綿或雪芳蛋糕時, 有沒有辦法避免蛋漿急速爆破?
     
    如果有方法, 我也會再試的.

    回覆刪除
  5. 死啦! 我地中毒太深, 我媽媽都叫我放工要抖吓, 我放咗工乜都唔願做, 但一開壇我就精力十足!
     
    今次呢個傑作有乜評價同分享呢?
    [版主回覆11/19/2007 13:49:00]我都係, 做做包餅的確很好玩, 又有得吃.
     
    今次蛋糕味道濃郁, 但始終洞洞太大.
     
    雪芳蛋糕的製作已較好了, 可可粉和咖啡粉可預先放在蛋黃漿中打勻, 如果是全蛋法, 我試過, 把篩好的麵粉+可可粉加入全蛋漿中一拌, 化了一攤水呀!
     
    大家有好方法做朱古力蛋糕嗎?

    回覆刪除
  6. 這個OT當然好啦﹗再倦都要做。好靚的雪芳呀﹗殺滅性的可可粉沒有破壞它喎﹗
    [版主回覆11/19/2007 13:54:00]哈, 有時我想, 如果我不用返工了, 改為做包餅學徒, 每天工作11小時, 可能會快樂點.......想吓啫:p
     
    可可粉, 有破壞呀, 麵漿不斷冒泡泡, 今次我真的快手到十多秒就拌好麵漿, 立即入爐, 結果也是有很多大孔孔.........
     
    如果我做的麵包有這麼大孔孔就好了:p

    回覆刪除
  7. 跟你個方法將啲粉預先攪入蛋王對我嚟講已經係最好喇! 仲有更好嘅方法真係要等你發掘出嚟。有啲recipe話油要暖暖地, 唔知有無幫助呢? 乜有你唔覺17cm模用三個蛋白發得太犀利咩? 我上次果個發到差唔多柱頂, 又加上爆開晒, 倒扣完都唔靚啦, 係我問題嗎?
    [版主回覆11/20/2007 22:57:00]油要暖暖地, 唔知有無幫助呢?.......是有幫助的, 蛋黃漿暖是易乳化的.
    相反蛋白要冷冷地.......
     
    不過我一直也沒那麼仔細.......呀, 下次我試吓先
     
    17cm模, 是4個蛋白呀!, 是一定會爆到飛起, 脫模後倒轉放便靚仔.
     
    下次我映一張不倒轉的真面目先.

    回覆刪除
  8. 我可不想把興趣變成職員,到時為了工作而失了那份自主及樂趣...很可憐的. 所以我還是覺得你留下來做這個OT就好了.
    [版主回覆11/20/2007 22:59:00]妳真聰明, 到吧做蛋糕變成職業, 就不是做餅那麼簡單, 要面對人事, 競爭, 利益, 老細, 顧客.......
     
    所以, 我都係講吓啫, 有些人能把職業作興趣, 真好呀!

    回覆刪除
  9. Oh! 為何不速遞些過來呀﹗
    [版主回覆11/20/2007 23:00:00]做好d先啦, 我這雪芳蛋糕仍是不太美味.
     
    做好d請妳吃.

    回覆刪除
  10. 打起的D 蛋白睇起黎好似藝術品咁~  好靚啊~
    [版主回覆11/20/2007 23:01:00]係 呀, 好迷人呀, 妳也玩吓啦!

    回覆刪除
  11. 真係再累都想整餅, Physically 累, Mentally 滿足~
    [版主回覆11/20/2007 23:02:00]係, 仲有做包, 仲要命........
     
    就快精神分裂, 是嗎?

    回覆刪除
  12. 昨天做了個咖啡雪芳,感覺濕濕哋唔多似... 今天用你嘅食譜再整咗個朱古力雪芳(因個糕盆大要加倍份量,焗嘅時間都要加倍)第二次整巳經超正,Thank you
    [版主回覆10/18/2008 15:58:00]太好了, 有冇蛋糕相睇呀?

    回覆刪除