2007年6月17日 星期日

豆腐做的豆香雪芳蛋糕

一次, 網友問起, 豆腐可不可以做雪芳蛋糕, 我想了想便說, 豆腐的水份太多, 烘焗的時候會出水, 蛋糕一定會塌陷的呀......


......回家想一想, 打開曾美子的"雪芳蛋糕", 赫然看到 : "有機豆腐雪芳", 哎呀! 糟了

要試一試呢!



A. 蛋黃3 糖20g 植物油40g 木綿豆腐80g(用匙徹底壓爛) 豆乳40g


B. 蛋白4 糖40g


C. 低粉70g


1. 蛋黃打至淡黃, 座暖水依次把A中的材料加入, 每次均徹底打勻


2. 蛋白加糖打發至幼滑企身


3. 3/4低粉加入"1"中攪勻, 加入1/3蛋白霜fold勻, 1/4粉, 2/3蛋白霜依次fold勻


4. 入模, 碰檯幾次清除氣泡, 入爐170度焗約30分鐘


(今次我用的豆乳, 只是用百記超市的低糖甜豆漿, made in Hong Kong, Sheung Shui)


十分好吃呢, 比起上次用黃豆粉做的效果很不同, 黃豆粉雪芳蛋糕有炒豆香, 但較"鞋";


豆腐雪芳蛋糕很滑, 有鮮豆香, 和蛋味很夾呢! 博多屋的木綿豆腐質地較粗, 蛋糕中有點豆腐粒粒呢! 下次嘗試用絹豆腐.......


香港的街市硬豆腐, 不知可以嗎? 可是總覺沒有冷藏的豆腐, 信心不足


說開又說, 和弟弟說起"博多屋"的產地問題, 他問過citysuper的職員, 博多屋的產品, 是日本材料, 香港製造的......希望不要在內地設廠吧. 不過它的質素仍是不錯的.



這蛋糕很好味呢!


43 則留言:

  1. 嘻……開頭睇到第一幅相仲以為係個蛋糕啊 豆味濃嗎? 我好似好耐無整過雪芳蛋糕lu…

    回覆刪除
  2. 嘩嘩嘩,太厲害了。用豆腐磚整雪芳都成功埋。 勁呀 要提供食譜給我們啊 

    回覆刪除
  3. 陳小三, 哈哈, 我都想做到第一幅的樣子的蛋糕呀. 我想我完成了雪芳蛋糕階段, 會開始慕斯蛋糕, 豆腐慕斯是我的心水之一呢! 唯一的障礙就是高脂呢!

    回覆刪除
  4. RAIN, 哈哈, 妳也來了, 告訴妳, 豆腐雪芳蛋糕比我上次做的黃豆粉雪芳蛋糕好吃得多呢! 豆腐雪芳是行的, 試吓啦! 謝謝妳上次的啟示呀! 食譜送上.

    回覆刪除
  5. A moon:我一邊看你的大作,我家老爺一邊流口水 ,著我試下都好喎﹗

    回覆刪除
  6. 博多屋真係香港日日新鮮製造, 同埋佢係用塩鹵唔用石膏粉,健康好多

    回覆刪除
  7. 看到食譜,真的好想試試看。但這幾天很忙,沒時間到CitySuper 買豆腐.... 嗚嗚嗚

    回覆刪除
  8. 對了,食譜內提到座暖水依次把A中的材料加入, 每次均徹底打勻。 每次均徹底打勻是用機打嗎? 可以說說打豆腐時,是大慨用那個速度?打多久? 有了上次弄豆腐雪芳,脫模時出現塌陷的經歷,這次要問清楚才行。    thanks 

    回覆刪除
  9. 又有新嘗試了!   texture 很好呢!   嘗試mousse cake 呀!  你有本錢, 唔怕啦!

    回覆刪除
  10. 我個must do list又多一款啦.

    回覆刪除
  11. moon哥.... 快讓我咬一口..........你的雪芳~ 豆腐是我的至愛呢~ 哈哈~

    回覆刪除
  12. 又來雪芳!建議你個blog 改名做"雪芳大全"! 早兩星期很忙,沒有時間煮東西,希望明天或星期尾做個雪芳呀!

    回覆刪除
  13. 好健康啊~ 豆腐又有益~

    回覆刪除
  14. hi    A moon 曾美子本書..你覺得實用嗎...我都想買囉..不過商務封住冇得睇..又唔知內容係點喎..有冇意見呢 唔該哂

    回覆刪除
  15.  A Moon 我想問下曾美子本書實唔實用呢..我都想買..不過我去商務書店封住睇唔到內容囉..值唔值得買呢

    回覆刪除
  16. 你真係勁呀!!!我一提過有豆腐嗎???你真嘗試去做,咁都比你做到呀!!!勁呀!!!

    回覆刪除
  17. 嘩, 對住你個豆腐雪芳真係唔識講野囉, 剩係好想試下.

    回覆刪除
  18. RAIN, 分享一下我的過程: 高速將蛋黃座暖水打大約3-5分鐘至淡黃 -> 加糖打3分鐘至杰身 -> 加油後會變稀, 打3-5分鐘至杰杰地 -> 加豆腐茸打2-3分成漿狀 - > 最後加豆乳,會稀和很多泡泡,慢速打3-5分至細泡. 然後拌入麵粉和蛋白霜

    回覆刪除
  19. Angel : 哈哈, 妳有府上老爺子的order, 妳會做甜品做得更起勁啦! Angel的老爺, 謝謝你的評鑑. 堯堯傻媽: 係呀, 日本的豆腐都是用鹽鹵, 這是中國的古法呢, 所以日本的豆腐多是綿而不滑呢........反而今天中國豆腐都用石膏. RAIN : 一有空就玩啦, 等妳好消息.

    回覆刪除
  20. 藍藍 : 我相信我已走火入魔了....... 我也想做mousse和decorated chiffon, 太太說, 妳有心理準備整個吃掉嗎?  我們的本錢是得來不易呢! Purple_purple : 試吓啦, 交流一下很好呀, 雪芳蛋糕很清淡呢! 又易做, 45分鐘已做好了呢! Natalie : 好呀好呀, 試吓啦! hehe, 我真是太獨沽一味呢, 不過真想練好一種手勢呢......直到我想試其他時.

    回覆刪除
  21. SamMi : 連朋友送我的日文書, 我有4本雪芳蛋糕書呢, 曾美子的"雪芳蛋糕"是最簡潔清楚, 份量準確, 味道多變得來合理的書呢! 有一半味道可以做呢! 我喜歡裏面的松子, 花生, 咖啡, 巧克力, 楓糖, 黑糖薑汁, 帕瑪芝士, 起司乳酪, 蘋果, 莓類, 柚香, 酒漬水果, 香蕉巧克力豆腐, 地瓜...... 不過......麵豉, 香菜腐乳, 牛膀.....可爾必斯, 洛神花汁, 就不知怎試了.... ........呀, 還有, 所有食譜中的泡打份都不要下呢!

    回覆刪除
  22. KaKa, 好呀好呀, 相信有一天, 我可請妳做白老鼠呢! 阿莉, 妳也試吓啦! 我也覺得這雪芳蛋糕好好食呢! YY cake, hehe, 是工多藝熟而已 yc, 好的呢, 快試啦.

    回覆刪除
  23. 死0拉!我遲左,實無得淨0拉,連豆腐碎都殺,你上次說用豆腐會有太多水,所以用豆乳及豆渣,我以為你曾經做過,是失敗的經驗 ,一於等你鑽研配方,好等我這個病人能坐享其成,我正在煲另一款飲料,但要煲三小時,還有25分鐘才能下糖及待涼入樽:(

    回覆刪除
  24. A moon, 是次的豆腐味很明顯嗎?

    回覆刪除
  25. 小三, 怎會遲呢, 下次見面做給妳吃啦! 好好喝涼茶, 快快好番.  

    回覆刪除
  26. RAIN, 豆腐味是淡淡的, 因為是是鮮豆腐和豆乳, 上次的炒黃豆粉雪芳的豆味濃點, 各有特式啦.

    回覆刪除
  27. 嗯嗯 明白了,回來後馬上弄個吃吃看。 thanks a moon =]

    回覆刪除
  28. 等我再去睇下先,買返一兩本身傍下身先..唔該哂

    回覆刪除
  29. 豆腐雪芳蛋糕好美味 其實我都好鍾意整雪芳蛋糕, 簡單得來又好味又健康 睇過幾本關於教整雪芳蛋糕既書, 某些人教既雪芳蛋糕係唔加POWER粉, 整時手勢就要小心.  書中仲有教你自己創出喜愛既雪芳蛋糕, 都好花心思時間去研究.    

    回覆刪除
  30. JULI, 我做的雪芳, 是一直也不加baking powder呢, 因為覺得天然d和神奇d呢! 雪芳是幾乎什麼味也可以的, 最大問題是夾不夾呢, 我也漸漸知道那些味是不行的呢.....

    回覆刪除
  31.  A Moon ~我呢個雪芳新手响難度挑戰昨晚也都跟你個食譜做了豆腐雪芳,發覺佢比原味雪芳升得更高,而且都幾軟身..可能係新手嘅關係啦...脫模都未可以完全掌握到..不過我會繼續努力..多謝你嘅食譜呀

    回覆刪除
  32. 什麼是木綿豆腐???

    回覆刪除
  33. Σ゙巨蟹座ωWING 媽 . 木綿豆腐, 是日本豆腐的一種, 水份較少, 質地較粗鬆, 和港式豆腐要求的滑是背道而馳的. 在citysuper或西田等超市有售.

    回覆刪除
  34. 好想好想問問你,我琴日就係跟住你個食譜架喇。 但點解會濕立立既!????
    仲有最最最唔明就係第3點個意思,會唔會係我既step有問題? 第1點既依次係咪指連yolk都一起加入去!!?? sorry,我既理解能力有d問題,重覆看了幾次都好似唔太明白。
    期望你既寶貴回應,謝。
    [版主回覆10/23/2007 20:57:00]呀, 是的, 當然是先分開蛋黃和蛋白.
     
    1, 是依次先將蛋黃打至稍杰身, 加入糖打杰, 加入油打杰, 加入豆腐打勻, 最後加入豆乳, 打勻, 便成了乳黃色很均勻的蛋黃漿了.
     
    3, 是先將3/4(大約)低粉灑入"1"中, 拌勻, 成了杰杰的漿, 於是加入1/3蛋白霜fold勻, 這樣便可加入1/4麵粉, fold勻, 最後加入餘下的蛋白霜, fold勻.
     
    最後的麵漿, 一定是杰杰鬆鬆的呢. 再試吓啦!

    回覆刪除
  35. 我今天又試了,,,,不過改為,,,80g香蕉,,40g奶 但係,,,仲係,,,,,,好濕咁既,,,,, 究竟點解架???><"
    [版主回覆07/12/2008 08:49:00]哎, gomei, momo, 一直也看不到這留言........太多水了, 80g香蕉已是雪芳的承受極限了, 香蕉的纖維很重的呢.

    回覆刪除
  36. 咁endup有無試過絹豆付做呀, 我買左想試下, 但又唔知有咩要留意.
    [版主回覆07/12/2008 08:53:00]最後都冇呀, 因畏忙著試第二d味........注意的地方, 是豆腐一定要放入蛋黃漿內徹底打散, 任可粒粒都會令蛋糕穿孔的.
     
    .......還有......用絹豆腐, 水份要減少吧, 妳試一試丫.

    回覆刪除
  37. 就是太大意, 沒有好好記住你提醒, 手快快下了40g豆乳. 成品是軟身了一點, 明天打算再做一個.
    [版主回覆07/13/2008 09:15:00]接近大成功了, 妳吸收了經驗呢!

    回覆刪除
  38. 我想問木綿豆腐係咪超市可以買架? 係點樣架?豆乳係咪豆奶甘呀? 我整蛋糕都會塌架...
    [版主回覆02/22/2009 22:46:00]木棉豆腐是日本的硬豆腐, 多數在日式超市, citysuper等買到.
    豆乳即豆漿的日本稱呼..........雪芳蛋糕呢, 有些是易塌的, 不過我做的很簡單也塌, 嗯.......我都幾熟手......有些不忿氣呢

    回覆刪除
  39. 我見你呢個蛋糕整得好靚呀!又唔塌! 我係咪用你呢個食譜就得啦?
    [版主回覆02/23/2009 14:25:00]應該係,我都唔敢講, 你知我近排都好黑仔.......
     
    ........不過, 要木綿豆腐, 少水份一些.

    回覆刪除
  40. 木棉蛋糕係咩牌子~我唔知邊度有得買呀
    [版主回覆02/23/2009 17:01:00]係木綿豆腐, 我知在citysuper有得賣, 其實一般的硬豆腐也可以的呀.

    回覆刪除
  41. 係街市買個d得唔得? 定係好似超市買個d百福豆腐呀?

    回覆刪除