一次, 網友問起, 豆腐可不可以做雪芳蛋糕, 我想了想便說, 豆腐的水份太多, 烘焗的時候會出水, 蛋糕一定會塌陷的呀......
......回家想一想, 打開曾美子的"雪芳蛋糕", 赫然看到 : "有機豆腐雪芳", 哎呀! 糟了
![](http://us.i1.yimg.com/us.yimg.com/i/mesg/emoticons7/10.gif)
![](http://lh4.googleusercontent.com/-GQHCd7K-BP8/UojXSPeb-1I/AAAAAAAASYM/oK7Xap4H8jE/3b2S3YyU53agaRXAkiQsqA.jpg)
A. 蛋黃3 糖20g 植物油40g 木綿豆腐80g(用匙徹底壓爛) 豆乳40g
B. 蛋白4 糖40g
C. 低粉70g
1. 蛋黃打至淡黃, 座暖水依次把A中的材料加入, 每次均徹底打勻
2. 蛋白加糖打發至幼滑企身
3. 3/4低粉加入"1"中攪勻, 加入1/3蛋白霜fold勻, 1/4粉, 2/3蛋白霜依次fold勻
4. 入模, 碰檯幾次清除氣泡, 入爐170度焗約30分鐘
(今次我用的豆乳, 只是用百記超市的低糖甜豆漿, made in Hong Kong, Sheung Shui)
![](http://lh3.googleusercontent.com/-jGQjlbRLOUk/UojgDOCm6xI/AAAAAAAAU3Y/M_F3g08gwes/cfUKgs1EzphI1GAJxjboSg.jpg)
十分好吃呢, 比起上次用黃豆粉做的效果很不同, 黃豆粉雪芳蛋糕有炒豆香, 但較"鞋";
豆腐雪芳蛋糕很滑, 有鮮豆香, 和蛋味很夾呢! 博多屋的木綿豆腐質地較粗, 蛋糕中有點豆腐粒粒呢! 下次嘗試用絹豆腐.......
香港的街市硬豆腐, 不知可以嗎? 可是總覺沒有冷藏的豆腐, 信心不足
![](http://lh3.googleusercontent.com/-OqUvMnia0U4/UoeI9VKCS9I/AAAAAAAAGBI/2jR_ORCbi5o/3u72RIFwoYAGOx2I9gqTmw.jpg)
說開又說, 和弟弟說起"博多屋"的產地問題, 他問過citysuper的職員, 博多屋的產品, 是日本材料, 香港製造的......希望不要在內地設廠吧. 不過它的質素仍是不錯的.
![](http://lh6.googleusercontent.com/-NrzUSNCfpp8/Uoha-pzDAvI/AAAAAAAAKhU/n0RXEZg2iMA/QDoldQuLzbWVrt2GegTRUA.jpg)
這蛋糕很好味呢!
嘻……開頭睇到第一幅相仲以為係個蛋糕啊 豆味濃嗎? 我好似好耐無整過雪芳蛋糕lu…
回覆刪除嘩嘩嘩,太厲害了。用豆腐磚整雪芳都成功埋。 勁呀 要提供食譜給我們啊
回覆刪除陳小三, 哈哈, 我都想做到第一幅的樣子的蛋糕呀. 我想我完成了雪芳蛋糕階段, 會開始慕斯蛋糕, 豆腐慕斯是我的心水之一呢! 唯一的障礙就是高脂呢!
回覆刪除RAIN, 哈哈, 妳也來了, 告訴妳, 豆腐雪芳蛋糕比我上次做的黃豆粉雪芳蛋糕好吃得多呢! 豆腐雪芳是行的, 試吓啦! 謝謝妳上次的啟示呀! 食譜送上.
回覆刪除A moon:我一邊看你的大作,我家老爺一邊流口水 ,著我試下都好喎﹗
回覆刪除博多屋真係香港日日新鮮製造, 同埋佢係用塩鹵唔用石膏粉,健康好多
回覆刪除看到食譜,真的好想試試看。但這幾天很忙,沒時間到CitySuper 買豆腐.... 嗚嗚嗚
回覆刪除對了,食譜內提到座暖水依次把A中的材料加入, 每次均徹底打勻。 每次均徹底打勻是用機打嗎? 可以說說打豆腐時,是大慨用那個速度?打多久? 有了上次弄豆腐雪芳,脫模時出現塌陷的經歷,這次要問清楚才行。 thanks
回覆刪除又有新嘗試了! texture 很好呢! 嘗試mousse cake 呀! 你有本錢, 唔怕啦!
回覆刪除我個must do list又多一款啦.
回覆刪除moon哥.... 快讓我咬一口..........你的雪芳~ 豆腐是我的至愛呢~ 哈哈~
回覆刪除又來雪芳!建議你個blog 改名做"雪芳大全"! 早兩星期很忙,沒有時間煮東西,希望明天或星期尾做個雪芳呀!
回覆刪除好健康啊~ 豆腐又有益~
回覆刪除hi A moon 曾美子本書..你覺得實用嗎...我都想買囉..不過商務封住冇得睇..又唔知內容係點喎..有冇意見呢 唔該哂
回覆刪除A Moon 我想問下曾美子本書實唔實用呢..我都想買..不過我去商務書店封住睇唔到內容囉..值唔值得買呢
回覆刪除你真係勁呀!!!我一提過有豆腐嗎???你真嘗試去做,咁都比你做到呀!!!勁呀!!!
回覆刪除嘩, 對住你個豆腐雪芳真係唔識講野囉, 剩係好想試下.
回覆刪除RAIN, 分享一下我的過程: 高速將蛋黃座暖水打大約3-5分鐘至淡黃 -> 加糖打3分鐘至杰身 -> 加油後會變稀, 打3-5分鐘至杰杰地 -> 加豆腐茸打2-3分成漿狀 - > 最後加豆乳,會稀和很多泡泡,慢速打3-5分至細泡. 然後拌入麵粉和蛋白霜
回覆刪除Angel : 哈哈, 妳有府上老爺子的order, 妳會做甜品做得更起勁啦! Angel的老爺, 謝謝你的評鑑. 堯堯傻媽: 係呀, 日本的豆腐都是用鹽鹵, 這是中國的古法呢, 所以日本的豆腐多是綿而不滑呢........反而今天中國豆腐都用石膏. RAIN : 一有空就玩啦, 等妳好消息.
回覆刪除藍藍 : 我相信我已走火入魔了....... 我也想做mousse和decorated chiffon, 太太說, 妳有心理準備整個吃掉嗎? 我們的本錢是得來不易呢! Purple_purple : 試吓啦, 交流一下很好呀, 雪芳蛋糕很清淡呢! 又易做, 45分鐘已做好了呢! Natalie : 好呀好呀, 試吓啦! hehe, 我真是太獨沽一味呢, 不過真想練好一種手勢呢......直到我想試其他時.
回覆刪除SamMi : 連朋友送我的日文書, 我有4本雪芳蛋糕書呢, 曾美子的"雪芳蛋糕"是最簡潔清楚, 份量準確, 味道多變得來合理的書呢! 有一半味道可以做呢! 我喜歡裏面的松子, 花生, 咖啡, 巧克力, 楓糖, 黑糖薑汁, 帕瑪芝士, 起司乳酪, 蘋果, 莓類, 柚香, 酒漬水果, 香蕉巧克力豆腐, 地瓜...... 不過......麵豉, 香菜腐乳, 牛膀.....可爾必斯, 洛神花汁, 就不知怎試了.... ........呀, 還有, 所有食譜中的泡打份都不要下呢!
回覆刪除KaKa, 好呀好呀, 相信有一天, 我可請妳做白老鼠呢! 阿莉, 妳也試吓啦! 我也覺得這雪芳蛋糕好好食呢! YY cake, hehe, 是工多藝熟而已 yc, 好的呢, 快試啦.
回覆刪除死0拉!我遲左,實無得淨0拉,連豆腐碎都殺,你上次說用豆腐會有太多水,所以用豆乳及豆渣,我以為你曾經做過,是失敗的經驗 ,一於等你鑽研配方,好等我這個病人能坐享其成,我正在煲另一款飲料,但要煲三小時,還有25分鐘才能下糖及待涼入樽:(
回覆刪除A moon, 是次的豆腐味很明顯嗎?
回覆刪除小三, 怎會遲呢, 下次見面做給妳吃啦! 好好喝涼茶, 快快好番.
回覆刪除RAIN, 豆腐味是淡淡的, 因為是是鮮豆腐和豆乳, 上次的炒黃豆粉雪芳的豆味濃點, 各有特式啦.
回覆刪除嗯嗯 明白了,回來後馬上弄個吃吃看。 thanks a moon =]
回覆刪除等我再去睇下先,買返一兩本身傍下身先..唔該哂
回覆刪除豆腐雪芳蛋糕好美味 其實我都好鍾意整雪芳蛋糕, 簡單得來又好味又健康 睇過幾本關於教整雪芳蛋糕既書, 某些人教既雪芳蛋糕係唔加POWER粉, 整時手勢就要小心. 書中仲有教你自己創出喜愛既雪芳蛋糕, 都好花心思時間去研究.
回覆刪除JULI, 我做的雪芳, 是一直也不加baking powder呢, 因為覺得天然d和神奇d呢! 雪芳是幾乎什麼味也可以的, 最大問題是夾不夾呢, 我也漸漸知道那些味是不行的呢.....
回覆刪除A Moon ~我呢個雪芳新手响難度挑戰昨晚也都跟你個食譜做了豆腐雪芳,發覺佢比原味雪芳升得更高,而且都幾軟身..可能係新手嘅關係啦...脫模都未可以完全掌握到..不過我會繼續努力..多謝你嘅食譜呀
回覆刪除我都試下先~~
回覆刪除好的好的. 小楓
回覆刪除什麼是木綿豆腐???
回覆刪除Σ゙巨蟹座ωWING 媽 . 木綿豆腐, 是日本豆腐的一種, 水份較少, 質地較粗鬆, 和港式豆腐要求的滑是背道而馳的. 在citysuper或西田等超市有售.
回覆刪除好想好想問問你,我琴日就係跟住你個食譜架喇。 但點解會濕立立既!????
回覆刪除仲有最最最唔明就係第3點個意思,會唔會係我既step有問題? 第1點既依次係咪指連yolk都一起加入去!!?? sorry,我既理解能力有d問題,重覆看了幾次都好似唔太明白。
期望你既寶貴回應,謝。
[版主回覆10/23/2007 20:57:00]呀, 是的, 當然是先分開蛋黃和蛋白.
1, 是依次先將蛋黃打至稍杰身, 加入糖打杰, 加入油打杰, 加入豆腐打勻, 最後加入豆乳, 打勻, 便成了乳黃色很均勻的蛋黃漿了.
3, 是先將3/4(大約)低粉灑入"1"中, 拌勻, 成了杰杰的漿, 於是加入1/3蛋白霜fold勻, 這樣便可加入1/4麵粉, fold勻, 最後加入餘下的蛋白霜, fold勻.
最後的麵漿, 一定是杰杰鬆鬆的呢. 再試吓啦!
我今天又試了,,,,不過改為,,,80g香蕉,,40g奶 但係,,,仲係,,,,,,好濕咁既,,,,, 究竟點解架???><"
回覆刪除[版主回覆07/12/2008 08:49:00]哎, gomei, momo, 一直也看不到這留言........太多水了, 80g香蕉已是雪芳的承受極限了, 香蕉的纖維很重的呢.
咁endup有無試過絹豆付做呀, 我買左想試下, 但又唔知有咩要留意.
回覆刪除[版主回覆07/12/2008 08:53:00]最後都冇呀, 因畏忙著試第二d味........注意的地方, 是豆腐一定要放入蛋黃漿內徹底打散, 任可粒粒都會令蛋糕穿孔的.
.......還有......用絹豆腐, 水份要減少吧, 妳試一試丫.
就是太大意, 沒有好好記住你提醒, 手快快下了40g豆乳. 成品是軟身了一點, 明天打算再做一個.
回覆刪除[版主回覆07/13/2008 09:15:00]接近大成功了, 妳吸收了經驗呢!
我想問木綿豆腐係咪超市可以買架? 係點樣架?豆乳係咪豆奶甘呀? 我整蛋糕都會塌架...
回覆刪除[版主回覆02/22/2009 22:46:00]木棉豆腐是日本的硬豆腐, 多數在日式超市, citysuper等買到.
豆乳即豆漿的日本稱呼..........雪芳蛋糕呢, 有些是易塌的, 不過我做的很簡單也塌, 嗯.......我都幾熟手......有些不忿氣呢
我見你呢個蛋糕整得好靚呀!又唔塌! 我係咪用你呢個食譜就得啦?
回覆刪除[版主回覆02/23/2009 14:25:00]應該係,我都唔敢講, 你知我近排都好黑仔.......
........不過, 要木綿豆腐, 少水份一些.
木棉蛋糕係咩牌子~我唔知邊度有得買呀
回覆刪除[版主回覆02/23/2009 17:01:00]係木綿豆腐, 我知在citysuper有得賣, 其實一般的硬豆腐也可以的呀.
係街市買個d得唔得? 定係好似超市買個d百福豆腐呀?
回覆刪除