2011年11月19日 星期六

三重芝麻包包

這些不是煎堆呀.......是用三種芝麻材料做的包包 : 包面白芝麻......包肉黑芝麻.......包餡九鬼芝麻醬.....麻麻麻包包.

開始很多周末ot了, 有排都不能做包包了.




第一次用KM打鹹包麵團, 那知原來起膜遠不及加蛋多糖的甜包麵團呢........打了很久, 薄膜都是很易穿的.......是加了黑芝麻影響了嗎?.........嗯, 稍後要開始練吓鹹麵團了.

麵團 : 高粉250g  速酵母3g 鹽4g 糖10g 水155g 植物油20g  打至起膜, 才加黑芝麻(隨意盡加)

餡 : 三溫糖(砂糖也可)2tsp, 加少許水, 放入微波爐, 每次叮10秒, 直至熔化微沸.......加入九鬼黑芝麻醬(隨意盡加)......拌勻雪冷.

初發酵 50min, 分割成70-75g, 靜置15分, 包入餡料, 滾圓, 蘸水黏上白芝麻.

末發酵40min, 180度焗12min......丫, 下次可塗上蛋液呢!




包肉總覺得不夠軟........大家有冇經驗可分享呢?

11 則留言:

  1. 好麻喎.....!看上去好香口似的.
    [版主回覆11/21/2011 19:49:40]幾香呀, 不過要要膠袋包住吃, 否則跌到成台芝麻.....

    回覆刪除
  2. 請問邊處可以買到九鬼芝麻醬? Sogo超市已經冇得賣!!
    [版主回覆11/21/2011 19:51:43]吓, 哎呀, 我呢瓶係貨尾.....唉, 九鬼在三重縣, 照計冇受輻射影響......

    回覆刪除
  3. 芝麻雪芳都係無噤軟,關唔關芝麻本身事呀?
    [版主回覆11/21/2011 19:52:13]係啦, 可能d芝麻影響.......

    回覆刪除
  4. 好犀利呀, 一次過食到三種芝麻口感!!! 芝芝麻索水, 索咗d水份....我亂估咋.
    [版主回覆11/21/2011 20:30:04]等我下次唔用芝麻, 做個普通鹹包先.

    回覆刪除
  5. 三種芝麻, 一定香到爆.
    [版主回覆11/25/2011 18:38:45]都算幾香, 尤其黑芝麻餡幾好味

    回覆刪除
  6. 睇到都覺得好好味!我好鍾意食麵包!三種芝麻好有心思。
    [版主回覆11/25/2011 18:40:12]真係幾好味呀, 我對麵包很有好感, 變化又多, 所以自己都整埋一份.

    回覆刪除
  7. 我仲以為係湯丸添^^不過芝麻真係好香
    [版主回覆11/25/2011 18:41:06]又似煎堆 :)

    回覆刪除
  8. 鬆軟就成...看似很豐富的口感...
    [版主回覆11/25/2011 18:41:45]鬆都幾鬆, 唔算好軟呢! 不過都幾好食.

    回覆刪除
  9. 唔洗擔心, 九鬼芝麻醬在海港城CITY SUPER 仲有得賣呀, 上星期我剛買了2瓶, 用九鬼整雪糕, 超級好味道~~~勁like ar~~
    [版主回覆11/25/2011 19:02:59]唔該晒呀, 等我去睇吓先........沙田那間好多嘢都冇課, 連我買開的膠盒裝紅豆餡都冇貨呢!

    回覆刪除
  10. 咪講笑,真係點睇都似煎堆多過麵包啦!Wakakaka……個餡就咁加水、加糖就已經可以雪到硬身?……自從識整中種、湯種、老麵之後,覺得直種真係好唔掂,唔夠軟熟之餘,放到第二日已經難以入口…………
    [Kestrel回覆11/27/2011 00:59:52]用到 230°C 咁高溫?我暫時最高都係試過 210°C 咋!
    [版主回覆11/25/2011 19:03:58]影相真係好似煎堆, 新年考慮吓.......麵包的軟熟呢, 我有另一種體驗, 早期我都做好多中種, 老麵種包, 不過漸漸發現, 做出來的麵包是否軟熟耐放, 和有冇種關係不大, 例如我做的田園包, 法包, 中種液種, 都係放一晚就硬晒, 原因是它們都是用230度, 焗到外皮脆厚, 相反一些直接法的餐包仔, 只要係170-180度, 焗12分的, 都可以放三幾日都仲係軟的...........不過中種的確係令麵包有不同的組織和香味..........暫時我的KM都係試住直接法先, 熟左手再深造中種老種, 在作定論吧.

    回覆刪除
  11. 我咁以為你整煎堆! :P
    [版主回覆11/25/2011 19:01:35]哈哈, 過年可以用來取代吓都好喎

    回覆刪除