妹妹一家由加國回來, 我說, 買點乾果回來做手信吧......
.......乾果到了, 有核桃, 杏仁, 藍莓, 小紅莓, 每種兩三包啦, 每包1-2 kg! 係呀, 香港的乾果是有的, 但價錢係加拿大的10倍8倍啦! 所以乾果係好好的手信.
昨日, 先用合桃和小紅莓, 做的黑糖小圓包, 大獲好評 haha
8個份量
高粉300g 酵母4.5g 黑糖45g 鹽2g 蛋45g 水145g 合桃(先烘香)和小紅莓適量.
做法是直接法, 不累贅了, 做成小卷形, 幾好呢!
今天, 用了核桃和杏仁, 做了biscotti, 和他們吃慣的曲奇很不同, 脆脆硬硬的, 最大的selling point, 是冇油, 都幾受好評啦!
兩大條份量材料:
中筋麵粉 250g
泡打粉 3g
砂糖 150g
鹽 3g
核桃 125g
杏仁 50g
橙皮茸 1個
全蛋 兩隻
製法:
1.全粒杏仁和核桃烤過
2.麵粉與泡打粉篩過加入所有材料攪拌成一團，揉成棒狀。
3.放入預熱度焗爐170度焗約25分鐘。
4.取出稍退溫，切薄片再回焗爐150度焗約15-20分鐘至中心乾燥。
脆的重點是1.很多很多果仁, 2. 切得很薄, 3.烤得透
mummy~~~
回覆刪除[版主回覆03/24/2011 09:44:00]heehee
整得好靚呀,,師傅
回覆刪除[版主回覆03/24/2011 09:44:00]:p haha 我都係玩吓咋
如果美加澳等地，我都係叫人買帶乾果和果仁回來做手信，
回覆刪除又健康又容易帶，而且比較平。
[版主回覆03/24/2011 09:46:00]係 呀, 我好喜歡吃冇加味的果仁, 又可做包.
做得好靚呀....請問有冇做包方法的資料呀﹖我未試過自己在家裏整包包呢。
回覆刪除[版主回覆03/24/2011 09:49:00]我都係上個一兩堂, 買些書學, 周健文, 馮詠楷出的專業麵包製作, 係入門的好書.
呢個web都幾好
http://www.nisshin.com/entertainment/komugiko_club/meikan/04/index.html
biscotti無油又幾好喎
回覆刪除[版主回覆03/24/2011 09:50:00]係呀, 雖然冇cookie咁鬆, 但係好香口, 食落又冇咁罪疚感
係呀!我家姐回港我地都會叫佢買D乾果真係平好多!
回覆刪除多謝你給我澳門美食E-mail,我地琴日過咗大海,
不過皇冠小館未開市所以冇得試,
下次有時間一定要試試!
[版主回覆03/24/2011 09:51:00]嗯, 可以吃好多日呢, haha!
Nuts? I'm thinking of maple syrup! I think it's pretty expensive here too, compared to Canada?
回覆刪除[版主回覆03/24/2011 09:53:00]係呀係呀, 香港的maple syrup, 又貴又少選擇, 加拿大的多好多, 不過我習慣的食譜好少用maple syrup, 所以記唔起添.
我都要整呀!
回覆刪除[版主回覆03/24/2011 09:54:00]試吓, 好易整, 不花時間呢!
wah.. 浸coffee 食一流~ 我又整~
回覆刪除[版主回覆03/24/2011 09:55:00]yeyeyeah! 我喜歡空口做零食, 又喜歡浸麥精維他奶 :)
我也有不少加拿大送來的小紅莓, 試試這樣做麵包也不錯啊呀!
回覆刪除[版主回覆03/24/2011 09:55:00]yeah, 加多d, 再加d果仁, 味道balance
有一個小問題,唔雪切到嗎? 我揸刀唔叻.
回覆刪除[版主回覆03/24/2011 20:19:00]哎, 不是雪凍, 是焗熟了切, 切了片再焗脆.
唔駛 OT 做阿茂，真係開心，爽呀！
回覆刪除[版主回覆03/24/2011 20:20:00]好景不常, 週末又ot了
足料得好緊要 bor.......
回覆刪除香港 d nuts.... 真係幾貴！
[版主回覆03/28/2011 20:48:00]多d nuts係脆口d, 越多越好呀! 香港的nuts, 超貴.
你唔使出外買早餐下午茶啦.......
回覆刪除[版主回覆03/28/2011 20:53:00]heehee!
Sorry... 發雞盲.
回覆刪除我整左la...好香橙味.. 正.Thank you~
[版主回覆03/28/2011 20:54:00]好呀! 分享左未呀?:)
嘩...好多料....必定好正.
回覆刪除[版主回覆03/28/2011 21:03:00]越多果仁越脆呀!
呵呵呵......有幾公斤存貨，梗係落住材料啦！豪呀~
回覆刪除溫馨提示∶ 將堅果放入雪櫃，壽命較長~ 不會“溢”。
[版主回覆03/28/2011 21:03:00]icic, 好的好的, 希望我個雪櫃不會迫爆:p
有呀...連我醫生都話健康d. Thank you~
回覆刪除[版主回覆04/04/2011 20:47:00]真係好健康咖, 果仁係好有益的, 如果用黑糖代替白糖, 仲有益呀!
你整嘅 biscotti 靚過買番嚟 仲係無油添,一定要試
回覆刪除[版主回覆04/04/2011 20:48:00]係咪咖.......咁你快d試吓, 記得多果仁, 切薄d, 焗脆d.
睇得出D 果仁好大粒好新鮮喔~~
回覆刪除[版主回覆04/04/2011 20:49:00]係呀, 好多好多靚果仁呀!
hihi,我好鐘意睇你既blog,你整既包包好靚好吸引呀,我會多啲上來向你請教, 謝謝~
回覆刪除[版主回覆04/05/2011 22:02:00]heehee, 多d來探我和分享吓, 我都係好業餘的呢!