2010年9月4日 星期六

東京行(三)-大吉利是店?

繼續在六本木, Tokyo Midtown, 和青木定治餅店同一層........


逛逛逛......咦? 這間是什麼店? 中國人即時的反應是........靈堂?......"大吉利是", haha.....



這是大名鼎鼎有500年歷史以上的虎屋( Toraya)和果子店.......


白色, 在日本是吉祥和高貴的顏色, 垂簾令店子有隱密的氣氛.......


我們沒有光顧和果子, 反而對旁邊的虎屋茶寮很有興趣.......



三十多度天氣下, 吃一杯"宇治金時", 實在是無上的涼意......


這是一杯很上乘的"宇治金時", 首先, 冰是刨得粉碎鬆化, 不是打碎的冰粒......抹茶很濃很清香, 相信真是宇治出產的抹茶.......紅豆蓉煮得很綿, 收在冰底.......吃一口冰+抹茶+紅豆, 涼透心........


有一個一直以來的疑問, 宇治金時用的是紅豆(小豆azuki)而不是金時豆(kintoki), 兩種是不同種類的, 為什麼仍是叫"金時"呢? 日本通朋友知道嗎?



令一款喜歡的夏日甜品是"葛切", 用本葛磨成漿再做成粉條狀, 放在冰水中, 吃時蘸黑蜜(黑糖漿), 又是夏日佳品.



 


14 則留言:

  1. 事實係咪呢??
    [版主回覆09/06/2010 08:42:00]係虎屋和果子店呢!

    回覆刪除
  2. 我估唔係, 佢地好似有D企係度, 有D行緊,
    係咪 Show Room 呀 ?
    可唔可以唔駛打驗碼呢?
    [版主回覆09/06/2010 08:44:00]係虎屋和果子店呢!Tokyo Midtown的店子.
     
    原來add了friend才可以不打驗證碼呢, 昨天才知道.:p

    回覆刪除
  3. Toraya~ 好味道呀
    [版主回覆09/06/2010 08:44:00]果然是日本通呀, haha

    回覆刪除
  4. Fatgarfield 肥加菲2010年9月5日 上午11:11

    Never had such Japanese traditional dessert. Whenever I go to Japan, only captivated by all the cakes! 
    [版主回覆09/06/2010 08:45:00]日本傳統的甜品, 都好有風味呢! 日本都有好多傳統甜品店呢. 尤其在京都.

    回覆刪除
  5. 版面的羊羊相片你拍的嗎?  超超超美呀!
    好野 ! 唔駛打驗碼。
    [版主回覆09/06/2010 07:47:00]係呀, 因為之後我去了紐西蘭呢, 那裡到處都是這景色......這幅是在南島肯特伯里平原車程中拍的.
     
    原來add了做friend就可以不用打驗證碼, 我一直都冇刻意add friend的呢, 最近才發現了.

    回覆刪除
  6. 你真係………好多旅行呀… 連background 個兔兔都好似跳緊…去玩咁…
    [版主回覆09/07/2010 16:17:00]旅行是我地生命中好重要的部份呀!

    回覆刪除
  7. 去旅行食咁多一定肥咗好多啦!
    [版主回覆09/07/2010 16:17:00]冇肥到, 仲有少少瘦左添........:p

    回覆刪除
  8. 真是幾似靈堂................

    回覆刪除
  9.          日本人傳統 嘅結婚禮服都好似 "著孝" 呀!          乜原來金時豆唔係紅豆 嚟 o架,我以為係品種名稱咋!
    [版主回覆09/07/2010 16:21:00]係呀, 不過日本人的紅金白, 配襯得特別優雅, 呢點係中國文化中已失傳的的.......還是從沒有過.......
     
    我睇日本豆類分類, 金時豆和紅豆係不同品種的, 金時豆好大粒, 有d似紅腰豆

    回覆刪除
  10. "葛切"嘅口感係冧冧地還是爽爽地架!
    [版主回覆09/07/2010 16:22:00]係又爽又滑又脆的.

    回覆刪除
  11. 我好锺意黑蜜! 葛切在香港有没有?
    [版主回覆09/08/2010 14:05:00]在sogo地庫的源吉兆庵有包裝好的賣, 但質地比較淋, 差好遠呢.......

    回覆刪除
  12. 一打開個blog, 好似聞到淡淡青草氣息,  原來版面換了新裝。感覺好清新, 好舒服呀!
    [版主回覆09/08/2010 14:08:00]係呀, 這是冬天的紐西蘭, 10多度的氣溫, 好涼快, 一望無際的平原, 那些雪山, 是幾近100公里外的南阿爾卑斯山呢.......好懷念呀!

    回覆刪除
  13. 我10年前食過果d"葛切", 都係朋友買嚟請我食, 喺尖沙咀東英大廈間和果子店買, 記得係好貴架, 一盒有6個竹筒, 一推個竹筒嘅一端, 佢會cut 出一條條嘅粉出嚟, 加些黑糖漿食好好味, 一個竹筒嘅粉都係好似你果碗嘅份量, 果時要成3拾幾定40拾幾蚊, 我始終無買過, 好貴.
    自己可以整嗎? 我係citysuper見到果d竹筒, 想買架不過唔識買咩粉整.
    [版主回覆09/09/2010 15:21:00]yc, 東英大廈那間, 就是源吉兆庵了, 現在只執剩sogo那裡了. 源吉兆庵的都ok, 不過質地冇虎屋咁爽滑呢.
    那些竹筒, 可以用來做"tokoro天", 用寒天粉取代本葛粉, 吃過未玩過呢.

    回覆刪除
  14. >有一個一直以來的疑問, 宇治金時用的是紅豆(小豆azuki)而不是金時豆(kintoki), 兩種是不同種類的, 為什麼仍是叫"金時"呢? 日本通朋友知道嗎?

    Wiki (http://zh.wikipedia.org/wiki/%E5%AE%87%E6%B2%BB%E9%87%91%E6%99%82) 有解釋,『
    「金時」原指名為「金時豆」的紅豆,後來演變為指以砂糖煮調過的紅豆。』
    [版主回覆03/01/2013 18:40:27]係啦, 呢點我都唔明, 可能早期是用金時豆來做的吧.

    回覆刪除