2008年8月15日 星期五

東北之旅(1)-盛岡的麵, 小岩井農場

第一站是岩手縣的盛岡, 就遭風景是好了, 青山綠草, 不過城市本身是頗沒特色的, 幾悶蛋, 最重要的是........沒好東西吃!



盛岡的名物, 是盛岡冷麵, 好立刻去試, PyongPyong舍的最元祖的, 去吃吃吃!


 

原來盛岡冷麵是由北韓裔移民傳入的, 所以常會連烤肉一起吃


咦? 有蛋有肉又有一片西瓜, 幾冰涼呀! 吃啦, Itatakimasu! 哎呀, 怎麼韌得像一團橡筋, 唉, 硬生生的將半碗橡筋吞下, 不行了, 種下了胃痛的伏線了.



第二的名物, 是中國人傳入的JaJa麵, 還有店裏買Chitantan!


你們猜, 什麼是JaJa麵和Chitantan.............原來是"炸醬麵"和"雞蛋湯"(試試用普通話讀一遍)


                    


唔, 和真正的炸醬麵相比.........我們打算叫一客share, 另外叫一客餃子.


"jajamen hitotsu wo kudasai(一客Jaja麵唔該)."不知是否我的日文不太清楚, 還是日本人是完全不習慣share食物(他們吃東西是習慣一人一份, 不分菜的),


結果......來了兩大碟JaJa麵, 另加一客餃子.......唉, 頂到上心口.



小岩井農場, 出產的乳品全國知名, 不過開放的"小岩井牧場", 只是一個很普通的觀光牧場



羊羊的確很誘人呀!!! 尤其牠們的patpat


 


除了牛奶好好飲外, 芝士蛋糕只是普通過普通.......



不了, 晚上去吃壽司, 都幾唔錯呀!



東北的城市大都是一個樣子, 一個火車站為中心, 外面是幾條大街, 都是一些居酒屋, 小食店, 老調子的百貨公司和商場.



東北的精彩, 都在山水之間, 太太, 忍一忍吧, 先享受郊遊樂啦!


11 則留言:

  1. 你們在這個綿羊區留了多久???睇來真係好有農場feel, 不過冇好野食又係慘D啊!!!!下次叫食物, 要用埋手指啊,
    [版主回覆08/16/2008 19:18:00]留了一個上午啦, 周圍逛吓啦, 其實那裡只是一個觀光式的農場, 真正的牧場, 是方圓幾十里的山地.
     
    冇錯, 我以後叫嘢, 都豎起一隻手指.....hi.....to.....tsu. 不過他們仍會誤會是 hitotsu zutsu(每人一份).....死未.!

    回覆刪除
  2. 還是日本人是完全不習慣share食物(他們吃東西是習慣一人一份, 不分菜的),
    係吔~我都覺得!叫一碗share食佢地覺得好奇怪~好似佢地覺得我左住佢D位咁!
    [版主回覆08/16/2008 19:24:00]係呀, 日本人食飯是一人一份的, 兩夫婦也很少會分享食物的, 所以你叫一份, 他們會覺得另一位咪冇得食囉?
     
    所以兩個人叫一份, 他們會以為是一人一份, 雙份上, 我試過兩次了, 眼定定.

    回覆刪除
  3. 小牧場的風景還不錯. 旅行就是這樣, 特別未去過的, 唔知幾好有驚喜.
    [版主回覆08/16/2008 19:30:00]都幾他條的, 不過熱了少少, 幸好東北熱極也有限, 27-28度啦.
     
    今次旅行好新鮮呀!, 很多東西都未見過, 乜都試吓.

    回覆刪除
  4. 就係嘛~去旅遊除了好玩﹐亦要吃得好﹑睡得好﹐咁整果旅途就enjoy喇~
    最怕食冷麵~梗係覺得不對勁~奇奇怪怪的~~
    雖然唔食生海鮮﹐單睇壽司都可以品嘗到﹐它的好味~
    哈哈。。。。 你怎麼會被羊pat pat引誘到尼﹖﹖﹖
    [版主回覆08/16/2008 23:29:00]哎, 攪到我大半程都不咁開懷大吃, 又不夠訓, 幸好日間冇乜事, 照玩照行照八
     
    冷麵好好吃的呀!!! 冷烏冬, 冷蕎麥是十分好吃的呢! 又涼快又軟滑又彈牙, 夏天佳品呀! 不過除了這兩種外, 其他別吃, 其實我還吃了冷拉麵.....yaaaaap!!!
     
    羊的習慣是這樣的 : 你一行近, 牠們會一齊轉身, 用patpat對住妳呢! 我想和牠們一起拍一幅patpat照也不行.......
     
     

    回覆刪除
  5. 橡筋麵好味嗎????
    這樽牛奶我都想飲呀!!!
    [版主回覆08/16/2008 23:31:00]哎, 不要提了, 像吃了一團橡筋, 不要說吃, 胃也頂不順........
     
    牛奶的確不錯, 但北海度產的更香呢!

    回覆刪除
  6. 哈哈哈,moon嫂一定後悔莫及,比你買了豬仔去東北
    [版主回覆08/16/2008 23:32:00]今次的旅程, 是moon嫂拍板, 我去執行的呢, 她好行得呀, 行了幾年的份量.

    回覆刪除
  7. Fatgarfield 肥加菲2008年8月17日 凌晨12:41

    Water melon in the noodle?! It looks.... weird....
    [版主回覆08/17/2008 22:22:00]味道是ok, 但那團橡皮筋, 唉.........

    回覆刪除
  8. 終於看到小岩井了。每次到日本玩時,見到有小岩井鮮奶都會買,心裏都會想像牧場的樣貌。 雖然只是觀光部份,但很反樸歸眞。有冇牧場體驗活動?
    [版主回覆08/17/2008 22:25:00]係呀, 我都滿足了好奇心了........那裡有一些活動, 例如趕羊羊表演, 小朋友擠牛奶, 參選牛房, 乘專門巴士參觀農場的其他地方等........不過只是一般啦.

    回覆刪除
  9. 就是嘛~你尼位食家﹐無啖好食﹖你會坐不安﹑睡不下﹐仲會腳仔軟尼~
    羊咩咩好怕人﹐所以有人一行上前時﹐佢用pat-pat對著尼﹐係因為如果你再走近d﹐佢就準備跑嘛~傻豬~~~
    記得有一次我去行山﹐香港有學生團過來這裡學習﹐有個學生仔見到地下有地粒粒老泥狀﹐他好好奇的執上來玩﹐當佢一按落去﹐就發覺有d黏手﹐他也發覺不對勁﹐就立刻聞嚇﹐咦。。。。屎來架﹗﹗﹗哈哈。。其實﹐我想同佢講架﹐我來不急丫~他的動作比我快丫~
    [版主回覆08/17/2008 22:27:00]係呀, 旅行沒得好吃, 真的差好遠, 還要害上胃痛, 哎.
     
    羊咩的屎屎不太臭的........不過我沒拾來聞過呢!

    回覆刪除
  10. 嘩.......我在你這兒流連忘返了~@_@
    太美了~~~^_^
    [版主回覆08/19/2008 17:19:00]再來流連啦, 還有好多呢! ^_^

    回覆刪除
  11. 呀)))))) 好想依家就飛到日本去....
    [版主回覆08/19/2008 17:19:00]我都係呀, 紅葉時節啦!

    回覆刪除