2012年3月16日 星期五

關西行2012(21) - 宇治, 實在太美好了(完結篇)

 
這天, 我們到了京都市南面的小城 --- 宇治, 就是我們做抹茶蛋糕時, 最希望用到的宇治抹茶粉的產地了.

這麼多年來, 都沒有仔細在宇治一遊, 印像中, 只是一個種茶的小市鎮吧........原來不是呀!



引起我們遊宇治興趣的, 先是阿蘇的京都so good節目, wow, 原來有咁多好嘢吃, 還有國寶級的平等院, 真的很有風味呀!

由京都乘京阪電鐵, 經伏見, 桃山(單看名字已很古雅.......), 在中書島站轉乘, 大約半小時的車程, 火車在小鎮民居中鑽來鑽去, 已經覺得很神奇, 乘這些小私鐵, 本身已是享受........




到了宇治, 走到宇治川旁, 多麼開闊清徹.......遠處一輛JR火車經過........ 素晴!!!(subarashii!!), 只有日本語形容詞可表達這心情.




到了平等院參道, 沿途都是茶店, 和果子點, 食店, 全都離不開茶......大家在駿河屋買茶香餅, 不亦樂乎.

可惜找不到堂弟很有興趣的蛋卷, 阿蘇介紹的呀 (後來才知是在JR火車站那邊, 下次再去.)

弟弟找到一間和食店, 中村藤吉本店, 去醫肚loh!!!





簡簡單單的綠茶冷麵, 或湯麵, 已很好吃, 清新彈牙......只有在日本, 簡樸的食物也做得很仔細, 吃得很享受.




跟餐的甜品 - 紅豆抹茶啫厘白玉, 好似winnie the pooh的蜜糖罌, haha.



行吓行吓, 吸了去這老舖, 伊藤久右衛門宇治茶.

 



抹茶煎餅, 嘩好似藝術品的.......



一場來到宇治, 怎能不買一罐地道抹茶??? 結果在眾人推波助瀾之下, 成就了我日後的最昂貴的抹茶雪芳 :p


沿途不少精緻的shops, 大家都吸了進去, 行行吓, 又見到好東西 - 增田屋的抹茶軟雪糕......



哇, 好味呀! 雪糕甘香軟滑, 吃完一口, 茶味會在口裏回甘, 還要贅澤地灑上上等抹茶粉, 雙重茶香!!!! 不過吃時不要說話, 吸入茶粉咳咳咳.


 
短短一條參道, 平常10分鐘也行完了, 結果1小時後才到了平等院門前.......



這個千多年前的藤原氏的佛院, 真的很漂亮!!!






鳳凰堂本身就是國寶, 越看越有型, 好瀟洒的設計!





平等院中的國寶很多很多, 屋頂上的鳳凰也是其中之一, 想不到千年前的雕像, 做形都幾卡通! 令我忍不住雕了一個印仔 :)



 
牠好巴閉咖, 10000yen上的圖案就是牠了.




哈哈, 連京阪宇治站千的電話亭屋頂, 也是牠.




 
還有, 10yen上的圖案, 就是平等院了, 不是阿蘇說過, 都冇留意.

怎料在平等院, 收到一個長途電話, 香港一位親人突然患了急病........我們都擔心不已......




 

離開平等院, 經朝霧橋, 橘橋, 漫步宇治川中的小島, 好寫意呀, 如果是春天或秋天, 這裡是櫻花和紅葉的名所呢!




 
行吓行吓, 竟見到冬天中, 仍有數棵紅葉, 實在太開心了!!!



 

 


下午茶時候到了, 網上找到這間kamanari ya, 好合眼緣, 去啦去啦!



 
goood 呀! 日本的糕餅和下午茶, 永遠都不會令人失望!!!



 
一個美味優雅的下午茶, 又不是太貴, 是別處有錢也買不到的.
....................................................
 
別看是小地方, 蛋糕的質素是高級的法國餅店的.......


   
 




宇治, 還不只這些, 這裡是紫式部小姐"源事物語"風流韻事的舞台.




.......文采+國寶+名茶+美食, 怎不令我迷倒.......下次我也要再來.

至始, 除夕已近, 兄妹們在京都過新年, 一起在蛸藥師堂吃年越蕎麥, 在知恩院聽108撞鐘......

......翌日, 這旅程便結束了, 當中有歡樂, 痛苦, 恐懼, 擔心, 但卻是最難忘的旅程, 難道這就是人生的縮影......旅行像人生, 還是人生像旅行?



23 則留言:

  1. 實在太吸引啦~~~~ 係日本食抹茶雪糕係最好味既!!
    MOON 兄, 有要再讚你既相, 好得!!!
    [版主回覆03/17/2012 11:09:48]呢個雪糕真係好回味呀!!!

    謝謝讚賞呀, 我的相呢, 都有缺點的, 就係未夠細緻, 仲要慢慢練呢.

    回覆刪除
  2. 我不愛綠茶不過風景與甜餅就好吸引!
    [版主回覆03/17/2012 21:56:39]那裡仲有好多其他東西看和吃的呢!

    回覆刪除
  3. 我覺得如果沒有旅行就唔叫做生活,只能叫過活。靈魂與軀殼一定要一個在旅途路上。相中既字治,真美~
    [版主回覆03/19/2012 20:05:07]這許多年, 我們最重要的回憶, 就是旅行, 沒有旅行, 這數十年營營役役好空洞呢!

    回覆刪除
  4. 岩岩留意到,你下一篇post就係第一千篇啦! 寫得真係多!
    [版主回覆03/19/2012 20:06:57]hee hee, 寫左幾年了, 最好的都在這裡.

    回覆刪除
  5. 我去過幾次日本,但這個地方還沒去過...你影的相片很漂亮,再加上這些文字...真的很想去呢
    [版主回覆03/19/2012 20:08:15]宇治好優美呀, 有機會一定要去呀!

    回覆刪除
  6. 宇治原來是個這麼漂亮的地方. 謝謝您這麼詳細介紹每個景點. 日本的蛋糕真的做得好細緻, 好靚.
    [版主回覆03/19/2012 20:09:52]宇治成了我新寵了呢!

    回覆刪除
  7. 吾知點解我好怕綠茶,地方很怡人!
    [版主回覆03/19/2012 20:10:34]宇治還有很多其他好東西呢!

    回覆刪除
  8. 去旅行真好!去日本更好!
    [版主回覆03/19/2012 20:11:54]說得好呀! 不時去日本, 為我的品味充氣呢!

    回覆刪除
  9. 原來宇治咁靚咁有特色,都值得去播。甲蟲甜品超靚呀!旅行像人生, 還是人生像旅行,都係呀!最重要係自己心境如何,有經歴才是人生,甜酸苦辣也有!
    [版主回覆03/21/2012 07:39:39]如果能夠睇化, 每天無論返工多辛苦, 面對多少煩惱, 都當係一場旅行, 咁就好lu, 唔知幾時可以做到呢? 在此之前, 去多d真正的旅行啦.

    回覆刪除
  10. 相片實在大美啦 ~ 睇到又想去.....
    我個女唔舒服醫生安排入院檢查, 暫時無大礙, 有些報告還未出. 知道隔離床的病人檢出末期腸癌, 感覺到人生無常.....不過條路又係要咁行, 真係要識得珍惜...
    [版主回覆03/21/2012 07:36:55]冇事丫嘛, 祝妳女女好快痊癒
    ..........
    健康真係無常, 唯有健康時多享受, 病倒時求診和休息, 吉人有天相.
    .........
    有機會就玩多d, 唔係咩呀.

    回覆刪除
  11. 我愛綠茶雪芳, 綠茶雪糕, 綠茶曲奇, 綠茶.......愛 ccc !
    [版主回覆03/23/2012 08:05:15]我都好喜歡綠茶呀, 平心而論, 純飲綠茶不是太好飲, 但綠茶+甜點, 又夾得很好味, 加上, 它有益, 它來自日本.......

    回覆刪除
  12. Hihi mr a moon, d相影得超靚呀!尤其top one!!!
    [版主回覆03/23/2012 08:06:21]thanks ar, 我都喜歡, 還晒了大相.

    回覆刪除
  13. 個甜品樽真係好得意
    [版主回覆03/23/2012 08:05:57]係呀, 真係好cutie

    回覆刪除
  14. 景靚,食物正,心情更靚!!~~~^_^
    [版主回覆03/24/2012 18:56:10]真係好開心呀! 未想過宇治咁美好 ^_^.

    回覆刪除
  15. 06,07,10年的春天到宇治川一遊看櫻花, 因此地比京都寧靜, 遊人不算太多, 見到當地人放狗, 野餐, 悠閒!
    [版主回覆03/25/2012 18:46:15]遊櫻花和紅葉的宇治, 係我的心願呀, 希望有一天可以達成

    回覆刪除
  16. 春遊鴨川不錯的選擇 !
    [版主回覆03/30/2012 23:51:08]ICIC原來是賀茂川, 那裡很寧靜呀!
    [wf回覆03/26/2012 20:20:28]出町柳站 - 賀茂大橋 往上行, 沿賀茂川行
    [版主回覆03/25/2012 18:47:58]櫻花中的京都, 係最美的, 係喎, 去過幾次, 都冇落去鴨川河畔行一行, 下次要去行吓.

    回覆刪除
  17. 第一張相靚到吖~
    好掛住日本,但屋企人同朋友都話唔好去住...唉...
    [版主回覆03/26/2012 16:32:06]哎, 不理了, 耐不住"相思"之苦, 一於去了.

    回覆刪除
  18. 伏見, 桃山 可參觀 日本盛清酒,10年去過, 悠閒小鎮,
    小橋流水 , 可見沿河柳枝款擺 , 櫻花夾道
    [版主回覆03/30/2012 23:51:47]thanks, 好介紹, 下次一於去那邊賞櫻
    [wf回覆03/26/2012 19:52:46]我喜歡閒遊當地人的櫻花夾道, 不用入場費
    免費看花, 較少港人!
    http://hanami.walkerplus.com/detail/w2645_map.html
    [版主回覆03/26/2012 16:32:45]嗯, 下次京都之行, 又有新地方了.

    回覆刪除
  19. 可參考
    http://hanami.walkerplus.com/list/kansai.html
    有地圖 , 大部份都不用入場費 !

    兵庫夙川公會賞櫻唔錯
    [版主回覆03/31/2012 09:20:27]太好了, 謝謝, bookmark左先

    回覆刪除
  20. 實在太美啦, 點解我未去過 ?
    [版主回覆04/05/2012 17:01:25]下次去啦, 京阪電鐵或JR都得, 京都去, 30分鐘左右咋

    回覆刪除
  21. 京都真係好美, 你鏡頭下的京都很憩靜呢.
    [版主回覆04/06/2012 22:46:58]其實都有不少人咖, 鏡頭避開晒........我不喜歡多人

    回覆刪除
  22. 綠茶雪糕超吸引囉!
    [版主回覆10/07/2012 20:48:23]:)超正

    回覆刪除
  23. 我都有宇治,在炎炎夏日食個綠茶冷麵真係入外滋味
    [版主回覆10/07/2012 20:48:42]下次一定要再去.

    回覆刪除