2012年3月6日 星期二

關西行2012(19) - 向晴朗的京都出發 - 又見老友記



 
經過一日的痛楚和恐懼, 第二天竟奇蹟地復元過來......

.......酒店大堂集合, 弟妹問 : 今日你面色都好番晒喎, 驚唔驚呀, 出唔出動呀?........當然出動啦, 仲唔趁身體冇事, 玩過夠本嗎?

死過番生感覺真好呀, 吃個簡單但美味的早餐, 一件三文治一杯熱鮮奶已經覺得很開心, 今天天色很美呀!





先去上賀茂神社, 這個位於賀茂川畔的古老神社.



細殿前, 兩座尖不甩的砂堆叫"立砂", 代表兩座神山, 有專人服侍咖.









買了一片繪馬......上面畫了"葵祭(aoi matsuri)的圖畫, 好古雅呀!葵祭是神社的重要祭典之一.




許一個最卑微, 但卻是最重要的願........偏偏這個願望也是最不依人的意願轉移的......








神社的供奉品, 不是什麼燒豬, 香燭........是........你猜?




快新年了, 人們都會來初詣(hatsu moude), 類似"頭註香"吧, 當然不會有香食啦!




神社的景色沒什麼, 但外面的賀茂川倒是很嫵媚! 賀茂川是京都主河鴨川的上遊分支, 有趣的是, "賀茂川"和"鴨川"的讀音都是"kamo gawa".




走著走著, 忽然見到一個很面善的招牌, 哇~~~~! 竟在這裏見到我的老友記---タナカ コーヒ(Tanaka Coffee)




記得十年前在先斗町第一次相見, 已是驚為天人, 後來每次都去喝咖啡........

直至一天, 先斗町Tanaka Coffee竟執笠了, 差點想哭出來......




幸好木屋町通仍有分店, 但上賀茂店更清靜漂亮像街坊咖啡店.

這杯 Royal Milk Tea是我太太的至愛, 其他地方的都不像樣.




我的至愛是這capuccino, 香滑不在話下, 只有這裏, 配一支高級的肉桂枝, 用來啜飲, 好高級好香呀!!! 




有同事問我, 以後會不會吃清淡d, 我說不會, 反而會吃得更隨心, 我以前吃得還不夠清淡嗎?

這次真的深切體會到, 身體的健康有點像大自然, 不要相信人定勝天, 也不要以為可以自己可以控制. 想想你身邊出事的親友中, 有哪個是因為濫吃濫喝的呢, 祂(健康)要地震海嘯, 人是絕對無助的. 我們只有感恩和不要攪破懷就是了.

禍福無常, 趁祂仍賜福, 行得走得, 就要玩多d吃多d, 對所愛的人好d, 對自己好d. 這樣, 人生會更美好吧!


6 則留言:

  1. 您的字好靚呀: "全家 身體健康, 時時樂遊" - 可以看出您與家人的感情是多麼的厚. So lovely.
    [版主回覆03/07/2012 10:51:52]我d字呢.......平時鬼劃符咁咖, 比心機寫就好d :p . 我最希望的, 就是家人平平安安, 快快樂樂, 沒有了這些, 有多少財富和名利也不會快樂.

    回覆刪除
  2. 我在台北平溪放天燈也是許了同一個願望呢.
    "禍福無常, 趁祂仍賜福, 行得走得, 就要玩多d吃多d, 對所愛的人好d, 對自己好d. 這樣, 人生會更美好吧!" 好同意呀.
    [版主回覆03/07/2012 16:30:03]係呀, 呢個係最基本但也最難控制的願望, 如果中六合彩頭獎和這個, 是但選一個, 我都係選呢個.......

    回覆刪除
  3. 白月兔子_冰糖2012年3月9日 凌晨12:03

    嘩,,,有巫女ar!!原來真係有嫁~??=w+
    [版主回覆03/10/2012 07:55:22]係呀, 我估呢兩位係part time的學生, 她們的衫好靚, 女的紅色, 男的淺綠色.

    回覆刪除
  4. 我覺得主要疾病都係有得預防既,有d就真係黎得不動聲色,但我覺得人生搵黎志在食,幾大都要食好d,唔顧得咁多
    [版主回覆03/12/2012 19:40:06]冇錯, 無謂太過刻薄自己, 到一天冇得食了, 就枉過一生了.

    回覆刪除
  5. 我真係好鍾意日本, 因為它的風景很特別, 不過.....現在, 你不怕它有污染嗎?
    [版主回覆03/12/2012 19:42:37]日本, 還有好的人情和好的食物........污染呢, 我只係不去東日本吧, 其他地方, 不太怕, 掛念壓過擔心.

    回覆刪除
  6. 你嗰杯cappuccino真係好吸引喎,尤其係桂枝,香到呢……
    係呀,一切都唔係喺掌握之內,只要隨緣、唔執著就好了!
    [版主回覆03/17/2012 20:53:55]冇錯, 唔怕死, 只怕痛.
    [Kestrel回覆03/14/2012 17:21:37]所以我唔需要長命,但求走得舒舒服服,唔好臨走前痛症纏身就阿彌陀佛喇!
    [版主回覆03/12/2012 19:54:21]呢杯咖啡係我對日本的其中一個最懷念, 好香, 好品味.......那枝肉桂, 好似在citysuper有得買, 但那個杯, 那些咖啡, 那些環境, 哪裡找?

    .......冇錯, 其實做人呢, 計劃和計算係冇乜用, 五年? 十年? 平時辛苦做嘢, 不去吃吓好嘢, 長命又如何.

    回覆刪除