2012年3月2日 星期五

關西行2012(18) - 伊勢 , 最後的善哉!!!


離開了石鏡的新八屋, 繼續下一個行程 --- 日本的至聖之地 : 伊勢神宮. 伊勢神宮, 是供奉日本天皇的元祖"天照大御神"的皇家神社.

你可能會估, 這麼一個顯貴的神社, 一定是金碧輝煌, 紅牆綠瓦啦.........不, 這裏是日本, 不是中國, 伊勢神宮, 就是這麼一座樸素的木建築物(當然, 這只是宮門, 宮內是不能拍照的)

日本的核心文化, 就是這麼低調, 謙卑,  但自有一種尊嚴, 這種特質,亦潛藏在不同層面的日本文化中. 雖說日本文化有不少是繼承自中國的唐文化, 但其核心是獨特的.

天照大神的神體是什麼樣的呢? 是一面鏡子 - 三神器之"八咫鏡", 相傳這面鏡子就供奉在伊勢神宮的內宮, 但常人不可能見到, 亦沒有人證實.......好神秘啊呀



別小看這木屋, 聽說當年開放給一位歐洲的大建築師入內參觀, 他見到神社的建築格局"唯一神明造", 大受感動云云(常人是不能入內的). 我就不懂欣賞了, 希望有人介紹一下那偉大之處何在.

這幾天是歲晚, 來參拜的人很多, 好似旺角咁旺.......神宮就在門簾後面, 不能進入, 不能拍照, 只有簽左香油, 才能離遠鞠躬祈福.

 


那知, 我們來錯了神社!!!

伊勢神宮分"外宮"和"內宮". 原來GPS是set了伊勢神宮的"外宮", 是供奉"豐受大御神"而不是"天照大神"的"內宮",

難怪我不停說 :" 咦, 點解和上次完全不同嘅???, 五十鈴川不見了嘅???"
弟弟卻說 : "呢度係伊勢神宮呀! 五十鈴川係咪那條水渠呀? "......... 難道我老人癡呆左 *o*......








哎呀, 內宮多好多嘢睇呀!!! 仲有好多東西吃的"御蔭橫丁"呢!

速速上車, 5分鐘車程, 轉移!!!........大塞車, 真是人算不如天算.......

.......那知, 不如天算的事還在後頭.





塞了很久, 終於泊了車, 第一時間衝到內宮的參道 --- 御蔭橫丁, 為的當然是吃吃吃啦

雖然上次來過, 大部份的傳統小吃都不是太合口味, 但一場來到, 一定要掃街呀!




先來一串松阪牛串燒, 正呀!!!!




 



在來一碗"善哉"(zenzai), 即是紅豆沙煮日本年糕, 都好喜歡吃呀.......如果煮得不是太甜.



正在吃串燒, 準備吃善哉之際.......

.......一秒, 真的是一秒的事, 前一秒, 還在吃吃拍拍照happy happy..........那知一秒後......


 

突然後腰劇痛.......痛到不知所措........是閃了腰嗎? 我只是坐著呀........不出五分鐘, 已痛到躺在長椅上動彈不得........好害怕呀! 怎會這樣???

生小孩是十級痛, 我相信我的是十一級了, 因為我事後問生過小朋友的朋友, 生小孩會痛到全身發抖, 冷汗全身濕透嗎? 不會呀!

死啦, 人生路不熟, 點算好呢! 唯有立刻離開伊勢, 回京都再算....... 眾弟妹丟下吃到口的午餐, 幫我白日逃亡去!




弟弟夫婦是第一次到伊勢神宮, 那知過其門而不能入, 真唔好意思呀! 下次再來還神啦!

真的, 是還神, 原本也覺得這神宮很不吉利, 但時後回想, 這次的痛也是一種庇佑呢!........不過下次不要那麼痛, 好嗎?

幸好這次有眾弟妹一起, 有難同當, 分工合作, 聯絡緊急援助, 飛車, 安慰我, 我就負責勉強提起腳步, 走回車子......然後又痛到癱在椅子上, 咬牙忍受那酷刑般的痛楚, 和恐懼.......個多小時的車程, 好像無窮無盡........我真係以為, 那碗是我最後的善哉了.

-----------------------------------------------------------------------------------------------------------------




後記 : - 飛車到了京都的Oark Hotel, 一位懂英語的Asami小姐已stand by, 立即帶我去醫院, 原來醫院就在前面街口轉角, 太幸運!

   -  那天是年尾醫院放假前一天, 在香港, 就算看私家醫生, 都排隊排到嘔吧, 我試過, 預約了也排三小時......而京都四條病院中, 一個病人都冇, 即刻可以見醫生........太幸運了.

   - 醫生的初步診斷, 是可能有一顆腎石, 脫落了卡在輸尿管中......哎呀! 可能是我玩左幾次"漂浮", 跳得厲害樂極生悲呀! 不幸嗎? 不, 如果不是跌了下來, 腎石就會在腎臟中不斷長大, 今次雖然痛, 但總算是出來了. 太幸運了.

   - 太太陪我在酒店房中, 我痛了9小時輾轉反側, 很害怕不知怎收科, 突然, 在一秒內, 是一秒.......突然不痛了, 真的不敢相信!!! 真的不痛了!!! 太幸運了, 有太太在, 更加太太幸運呢!

   -  回港後, 見專科醫生, 安排我入院, 很小事, 很快攪惦, 剛好趕及吃團年飯桌.......太幸運了!!!!  我問醫生怎預防, 他說 : 冇咖, 飲多d水, 跳多d!  haha, 咁我下次玩多d漂浮了.    弟弟說 : 但不要再旅行時玩了.......haha!

    -  浸會醫院的醫務人員的專業和愛心, 也是令我讚賞不已, 比得上日本! 唉, 真係要買好醫療保險, 在私家醫院, 病都病得有尊嚴!

    -  我查過電腦 : 腎石阻塞引起的疼痛, 是"令病人痛不欲生, 被認為是最難忍受的痛楚"......係呀!!........"很多時是在旅途顛簸中引發的"

    -  真的再要感謝我的太太和弟妹們, 感謝各位幫助過我的酒店, 醫生, 保險和醫療的工作人員. 有你們, 我冇事了!!!

   
  







12 則留言:

  1. 無事啊嘛!? 之後去左醫院檢查有咩結果? 而家仲會唔會痛?
    不過見到你既內容諗到一個好無聊既gag ... 如果生仔係10級痛,被蚊咬係1級,咁11級痛就係生仔個刻比蚊叮左一下
    [版主回覆03/04/2012 01:01:07]現在已完全好番了, 謝謝.
    哈哈, 你個gag都幾好笑, 咁生小孩的孕婦一定要噴蚊怕水了.

    回覆刪除
  2. Did u get x ray? Take care.
    [版主回覆03/04/2012 01:01:46]已經確實了那粒寶石已消失了. 謝謝呀!

    回覆刪除
  3. A Moon, 十一級痛, 真的好慘呀. 好彩有太太照顧您, 和現時已冇事了. 以後還可以繼續漂浮和跳跳跳. 好好保重呀.
    [版主回覆03/04/2012 01:02:37]謝謝呀! 我要跳多d, 有益身心, haha!

    回覆刪除
  4. 嘩,好驚喎!!乜腎石跌入輸尿管會變成腰劇痛咁恐怖o架!!而腎石乜又會咁易跌出嚟嘅!?你平時好少飲水嗎?定係食得太多高鈣食物呀?你要多多保重呀!
    [版主回覆03/07/2012 20:51:28]絕對係!
    [Kestrel回覆03/07/2012 01:11:12]所以劉德華都話自己唔怕死、唔怕老,最怕無健康!
    [版主回覆03/05/2012 08:19:33]真係, 不要以為健康可以自己控制, 身體好似大自然咁, 有他運行的規律, 一旦要地震海嘯, 都冇辦法, 只能好好享受健康, 和不要破壞他, 就只有係咁.
    [Kestrel回覆03/04/2012 17:14:30]咁又係,病起上嚟,死起上嚟,真係無分老嫩!呢一年內都已經有兩個細過我嘅朋友離開,只係大我幾年都有,你話係咪好化學呢!
    [版主回覆03/04/2012 01:06:26]呢個病都好常見, 原來我識幾個親友都試過........我平時, 飲好多水, 又清淡, 仲有, 缺乏鈣質或過多鈣質都有機會引起腎石........一句講晒, 和飲食冇大關係, 病呢樣嘢, 冇得小心, 只有面對.

    回覆刪除
  5. 而家冇事就好啦, 好彩响日本, 如果係D山卡啦地方就麻煩la.
    [版主回覆03/05/2012 08:13:46]係呀, 好彩日本都好方便, 加上今次有弟弟駕車, 好好彩.

    回覆刪除
  6. 好彩而家無事,同埋你地都可以同當地日本人溝通倒,以後事事小心,保重呀!
    [版主回覆03/05/2012 08:15:59]係呀, 冇事了, 那次我都係用英文講咋, 醫生就英文加簡單的日文, 畫埋公仔咁啦! 人真係話唔埋, 應趁健康, 做多d喜歡的事.

    回覆刪除
  7. 好彩﹗上天保佑﹗
    [版主回覆03/05/2012 20:13:31]THX!

    回覆刪除
  8. 現在無事就好,好彩當時有家人幫手,日本醫生聽聞很專業,當然唔好有機會幫襯啦!祝身體健康!
    [版主回覆03/05/2012 20:43:02]謝謝呀. 今次印象好好呀! 醫生斷症快速準確, 最重要的是不用等, 連醫生報告也是第二天就預備好了.........
    .........
    香港? d私家醫生book到爆晒, 去到又要等好耐(當然公立醫院有命等到冇命), 叫我的醫生寫一封簡單的病歷, 等左兩個星期, 又催又求都未寫好......
    .........
    去完日本, 回到香港特別多勞騷, 好多事都睇唔慣 :p

    回覆刪除
  9. 無事就好了。下,旅途顛簸會引發腎石跌落,教我此等愛好旅行者情何以堪
    [版主回覆03/06/2012 07:45:30]冇事的, 不是每個人都咁好彩, 有就有, 冇就冇, 順其自然吧.

    回覆刪除
  10. 病過就深刻感受到健康的可貴 !
    [版主回覆03/07/2012 20:52:33]一直都知, 現在更知健康可以無啦啦一秒鐘之內失去.

    回覆刪除
  11. 痛起上嚟真係無得對抗, 完完全全接收晒好辛苦呢! 依家無事就好啦, 好在有太太和兄弟照顧, 又係自駕遊. 我都好怕去旅行唔舒服, 好大心理負擔.
    [版主回覆03/07/2012 20:56:36]係呀, 今次算係伊勢神宮給我開的少少玩笑了, 不幸中之大幸.......係啦, 咁o岩有眾家人照顧, 如果係兩公婆火車行, 就"哩heh"了, 話晒言語不通, 幾驚要在日本做手術, 咁就"噤計"了.

    回覆刪除
  12. 健康可貴記得飲多d水!
    [版主回覆03/08/2012 15:06:27]謝謝呀, 我依家時時都飲多d水了.

    回覆刪除