2011年2月27日 星期日

好嘢,又可以做糕 - 咖啡雪芳

哈哈,  今天清早起床, 又是一個不用ot的早上, 太好了, 玩什麼好呢.......


吖 , 好久沒做我的老拍檔---雪芳蛋糕了, 手勢也生疏了......哎, 會唔會又係凹陷收場???


今次用普通的Maxim instant coffee咖啡粉. 咖啡雪芳, 好怕凹啊~~~



4黃 4白, 60g糖, 50g熱水+1 tbsp咖啡粉, 70g低粉......


早起, 懵懵吓, 忘了下油 :p :p , 還有---打蛋黃時, 一下子把60g糖倒入 :p :p 打了好一會才發覺......哎呀~~~~!!! 打蛋白時唯有齋打不加糖 x____x


170度焗25分鐘........待涼脫模.......好貼模呀, 也沒有收縮凹陷結層, 好滿意呀!


雖然忘了加油, 蛋糕也十分潤澤鬆軟, 口感絕佳, 既是這樣, 下次做雪芳可以大量減油, 哈, 真是意外發現!



還有最大的證明 : 蛋糕要是凹陷, 怎小心做也會凹凹凹 ; 要是不凹, 懵懵吓亂做也不凹......人生亦復如是, 信乎?


16 則留言:

  1. 我一陣都諗住試咖啡戚風, 我次次都凹, 希望今次好d啦
    [版主回覆02/27/2011 16:23:00]祝你成功!!

    回覆刪除
  2. 整餅和人生, 都有得咁full luck, 次次都咁得心應手就好啦!
    我果d次次都有沉澱, frustrated!!
    [版主回覆02/28/2011 21:13:00]係, 越來越覺得, 人生就係咁, 只要努力過, 做得開心, 就去做啦, 成敗從來不是和努力成正比, 心裏明白就好了.
     
    沉澱.......係咪即係結層呀, 近呢年我試得多, 實驗過無數次, 最後都係冇結論.......最近忽然乜事都冇.......包括今次亂咁來......算啦, 惦左就算了, 等我得閒再玩過實驗........純粹係玩, 不期望解決什麼 :)
     

    回覆刪除
  3. 都叫你下次係我做雪芳,睇吓佢凹唔凹﹗冇油雪芳好吖……
    [版主回覆02/28/2011 21:29:00]haha, 一定來試爐啦......等妳兩個小寶貝settle好晒先 :)
    係呀, 原來冇油完全不會影響蛋糕的軟滑, 仲好似好食左.

    回覆刪除
  4. 很多時做蛋糕都好難解釋倒 !
    上個月, 在 misto餐廳訂了一個misto出名的心太軟蛋糕為朋友慶祝生日,
    當日 misto 竟然失手, 要重焗多一個, 我立時想: 連專業廚師日日做都有
    失手的時候, 更何況我們呢 !
     

    回覆刪除
  5. 整雪芳真係唔到最後都唔知結果,
    有時驚喜有時就驚駭囉!
     

    回覆刪除
  6. 我也馬上做了實驗,祇下了10g油,兩黃四白,都無問題!  Anyway, thank you for pioneering.
    [版主回覆02/28/2011 21:40:00]係呀, 放左一日, 仍然係咁軟滑, 一d都冇乾或"鞋", 好正呀, 少油都行呀!
     
    我只係懵左, 不是pioneer呀:p

    回覆刪除
  7. 我都要玩下雪芳先

    回覆刪除
  8. 係!同意,人生都係咁~係你就係你,唔係你就梗係唔係你啦!!(我嘅肺話!)
    [版主回覆02/28/2011 21:46:00]冇錯, 就係咁勒

    回覆刪除
  9. 唔﹗等我下次試吓先﹗
    [版主回覆02/28/2011 21:48:00]一於試吓, 又好食, 又唔會油淋淋, 唔知除左咖啡味, 其他味道係咪都ok?

    回覆刪除
  10.         呢期又整包,又整雪芳,肯定公司唔忙,唔駛 OT 啦!         睇 嚟你都真係未 瞓醒喎,糖又唔記得留起,油又唔記得落!  不過你呢次又懵得好正喎,一來蛋糕靚靚無凹陷,二來俾我知道原來唔落油都整到,簡直係天大喜訊呀!  我以後整雪芳都唔落油,健康 啲之餘,清洗工作都快 啲,正!         一茶匙咖啡粉夠濃味嗎?
    [版主回覆03/01/2011 07:39:00]冇ot時玩多d, ot時冇人可憐.
    冇油雪芳好ok呀, 一樣咁鬆軟潤滑耐放, 昨晚放入雪櫃, 今晚試吓仲係咪咁好食.
    哎, 我懵到, 應該係 1 tbsp咖啡......改了:p

    回覆刪除
  11. 唔落油都得,哩個真係一個好大的意外發現吖
     
    [版主回覆03/01/2011 20:32:00]哈哈, 真係誤打誤撞, 冇必要的油, 不用吃落肚.

    回覆刪除
  12. 我老公成日都話要求唔高, 問題唔大, 好似好啱用啊 ~
    [版主回覆03/01/2011 20:35:00]哈哈, 都o岩嘅.
     
    我呢, 要求都高高地咖(食了左嘴), 不過當冇得要求時, 求求其其我又得.

    回覆刪除
  13. 信…命運其實唔係掌握係自己手!
    [版主回覆03/01/2011 22:16:00]自己隻手, 邊有咁叻, 整蛋糕都未必次次得......haha
     
     

    回覆刪除
  14. 命運其實唔係掌握係自己手!
    即是用平常心去做,反而會成功.
    [版主回覆03/02/2011 07:55:00]嗯, 平常心去做, 可能成功, 也可能失敗,
    可以的話試吓做好d, 做不到也要放下.

    回覆刪除
  15. 我最愛的咖啡味!
    [版主回覆03/06/2011 18:09:00] 好味呀, 以前次次凹陷, 唔係好敢做, 依家唔怕lu

    回覆刪除
  16. 雪芳和戚風有咩分啊?????
    [版主回覆04/17/2011 09:42:00]都係........chiffon

    回覆刪除