2014年9月17日 星期三

手搓的頂角方包(附簡譜)

很迷戀手搓的麵包,  也喜歡直接法做的麵包
中種法的包發酵味濃, 質感也不見得更好. 只是適合部份歐式包.


 雖說三文治包要求很高, 又要起酥油又要機搓, 但總希望簡簡單單手搓一個 ........

終於都幾成功, 做了個腿蛋生菜三文治, 和手繩一樣的, 還了心願. 但原來切出這麼漂亮的三文治, 是要浪費很多周邊的.



誕生過程

1700 ml 方包模

高筋粉 400g 速酵母6g 糖25g 鹽6g 水260g(自行調節) 牛油20g

搓至拉得起薄膜, 30度初發酵1小時, 排氣,摺成長綿被狀捲好,撲一層薄薄的高粉, 放入塗了油的方包模中, 約半滿, 末發酵至幾乎到頂,上蓋再發約10分鐘, 入爐 180度焗約40 分, 出爐後盡快脫模待涼.




十分頂角, 包肉也算不錯.


 這是最漂亮的一刻




 今次多搓了麵團, 剩下的做了個餐包, 簡單的味道但超鬆軟好吃, 比方包還好味!!!


6 則留言:

  1. 要手搓幾耐先會形成薄膜?真係薄到好似醫生手套嗎?

    回覆刪除
    回覆
    1. 手搓唔會醫生手套, 只係切一團慢慢張開見半透明又不破.

      我見過有人介紹醫生手套麵團, 少不免加改良劑和機搓, 即係平時街買鬆到汽球似的港式包, 加晒料.

      刪除
    2. 所以我成日都好好奇,點解我搓到對手就快斷都未成醫生手套,原來唔使達到呢個地步!!

      刪除
    3. 係呀, 唔駛手套咁, 其實都好食的.

      刪除
  2. 我一睇個標題"手搓的頂角方包", 加埋幅相,所仲以為你好似我咁,玩做假狗三文治添!

    回覆刪除
    回覆
    1. 睇左妳嘅blog, 找唔到"假狗三文治"添 ...... 咩嚟架 ?

      刪除