2011年11月6日 星期日

黑糖合桃提子包 - 薄膜大披露

近年才欣賞歐包如法包, 田園包.....一直最愛吃的包包之一, 是提子麥包, 可能是自細吃大吧. 可是最不喜歡的包,也是自細吃大的"生x麵包", 很小時候已經覺得它有一種不像麵包的味道.

懂得自己做包後, 才知道"生x麵包"的添加劑多得嚇人......提子麥包的"麥"也不是全麥粉, 只是港包師傅用過焦的焦糖開成的"黑水"整色整水, 可是那朕焦糖味卻討好.

自家做包, 黑水是怎也不做了, 用有益的原黑蔗糖吧. 加入很多很多的提子乾,



高粉250g  原黑蔗糖40-50g 鹽1g 乾酵母3g 蛋30g 水120g(比正常的落少一點) 植物油20g

放入KM中, 1速拌5分鐘, 2-3速搓10_15分鐘, 初時又係黏到無倫, 要停機用膠刮刮清再打, 到了最後階段, 哦? 竟奇蹟般 - clear......離缸了.

成了, 越來越熟悉KM的運作了.




我都可以扮麵包書中的薄膜照片了, hahaha!

看! 這種又大又透光的薄膜, 非經過強力的機搓, 是不能達到的(等我下次手搓比較一下先 :) )



麵團成後, 加入大量的提子乾和合桃, 這也是手搓法很難包入的, 盡情加入了, 有成個飯碗咁多 :p

很奇的是最香的始終是地捫提子乾,法國 山葡萄乾的味始終是淡淡的(你可以說是subtle一點啦). 日本的巨峰的味道也是原全是另一種味. 合桃呢, 也是紹香園的, 那種香脆也是至愛.

本來想做六個小包包, 太太說, 不是做大包嗎? 又好喎,

末發酵40分鐘, 掃上蛋液, 入爐180度焗了15分鐘.......勁膨脹!!! wow, 做左一隻很巨型的肥豬.


 

好香好鬆的大肥豬.*o*

 

18 則留言:

  1. 薄膜拉得很薄都不破, 可見個粉糰打得好靚.
    [版主回覆11/07/2011 20:07:39]真係冇買錯呢, 以前從未搓到咁起筋.

    回覆刪除
  2. 勁呀! 睇得出好軟!
    [版主回覆11/07/2011 20:07:51]好鬆呀!!

    回覆刪除
  3. 連波蘿包都加入色素, 真係自己整好d啦~
    [版主回覆11/07/2011 20:11:03]不只菠蘿包呢, 所有黃黃的港式甜包, 都不是蛋, 而是色素........可惜港式包, 又幾好吃, 間中吃啦.......唯有.

    回覆刪除
  4. 我永遠唔敢拉吓個麵團, 睇吓有無薄膜, 爛咗就C啦....
    [版主回覆11/07/2011 20:12:14]唔怕咖, 慢慢捏吓捏吓, 就ok了, 破了, 放會主麵團中, 摺兩下就ok了

    回覆刪除
  5. 我只是用molasses 去整色水. 包包係咪好軟熟呢?
    [版主回覆11/07/2011 20:12:48]molasses, 都ok喎, 下次試下先.

    回覆刪除
  6. 依。。。。超吸引~~~~~~
    絕對感受到軟熟又香!!!!! (流口水ing)
    [版主回覆11/07/2011 20:13:29]過兩日, 睇吓老化嚴唔嚴重先........

    回覆刪除
  7. 我鐘意厚切! ^^
    [版主回覆11/07/2011 20:14:22]塗上厚厚的果醬, 或者放上煙肉炒蛋, 仲好味呀!

    回覆刪除
  8. 用機搓麵包真係鬆軟好多個樣好正!! ^0^
    [版主回覆11/07/2011 20:14:58]鬆左一d, 手搓呢, 都軟的, 冇咁鬆.

    回覆刪除
  9. 你就好啦, 有個KA..... 好羨慕呀!
    [版主回覆11/07/2011 20:15:20]hee, 是KM呀, 係幾好咖

    回覆刪除
  10. 起簿膜係好有成功感.....
    [版主回覆11/09/2011 22:37:22]係呀, 未試過咁薄的, 不過呢, 麵包新鮮時好鬆軟, 可惜老化得快, 第二天, 就有點散散的.......

    回覆刪除
  11. 看不到肥豬照片喔~~ 想看看......^ ^
    [版主回覆11/09/2011 22:35:23]本來都想抱住影相, 點知太心急, 切開左至影......:p

    回覆刪除
  12. 你弄BREAD真係好有一手,,多謝你的分享!! ~~ '''''''''' ~~~ 我又有新的手繪漫畫發佈 , 如果得閒黎我個YAHOO BLOG 睇下 ~~~ ''''''''''
    [版主回覆11/10/2011 22:15:39]謝謝呀, 你的漫畫都好靚呀! :)

    回覆刪除
  13. 整包人,最愛見薄膜,hehe.
    [版主回覆11/10/2011 22:16:13]係咖, 係咖, 如果手搓都可以咁, 就更好了 :)

    回覆刪除
  14. 我第一次打到有薄膜都感動到不得了。
    最近比較沒時間做包包,頂多做意粉宴客。
    兩個意粉attachment都很貴,肉赤死了。(笑
    [版主回覆11/13/2011 15:40:16]係呀係呀, 好開心咖!!! 手製意粉好味呀, 加蛋仲good ar! 意粉附件真係太貴了, 如果我買呢, 會買個意大利的手碌意粉機了.

    回覆刪除
  15. 謝謝您的回覆。我可能漏看了一些網誌, 請告知一些關於您的新寶貝-KM的資料, 因為看見您的薄膜, 十分吸引。請問為什麼會老化得快些? 不明白, 請賜教, 謝!
    [版主回覆11/14/2011 19:35:05]請看看這個post....... http://blog.yahoo.com/amoon-littleworld/articles/96279/category/%E7%83%98%E7%84%99%E6%97%A5%E8%A8%98 .........KM都幾好的, 妳有興趣嗎? 不過呢, 薄膜只是整包的其中一個環節, 包包不一定perfect咖........麵包出爐後, 就開始老化了, 所以趁暖吃最好, 至於延慢老化, 有人說用中種, 有人說是湯種, 有人說起膜, 不過都冇結論......

    回覆刪除
  16. 恭喜哂,你卒之都得嘗所願,做到薄膜喇!!…… 點呀,味道似唔似街賣麥包呀?查實黑水係咪真係純焦糖液?見佢咁黑,恐怕還加入了色素!……有機搓就即刻搏哂老命,狂落乾果仁呀?哈哈!不過用手包入真係好煩,邊搓邊跌出呢!
    [版主回覆11/15/2011 13:01:25]我都係為左呢樣才買mixer的呢........黑糖包味道當然不同出面的"麥包"......和黑水是兩回事嘛.......色素呢, 真係好難講了, 黑水已經不太健康, 但出面的店子加埋色素都唔奇.......算啦, 橫惦都有改良劑, 塑化劑, 化學膨鬆劑.......

    回覆刪除
  17. 原來你也加入了K M 家族,yeah ~ 提子包很美味,大人细路都愛吃的^.^
    我通常做17小时都會於早段時刮數次兜,到中後段麵團就像樣了。
    可借我做包多是得我一個,沒有人可以幫我拍薄膜照片呢...嗚
    [版主回覆11/19/2011 15:01:09]係呀係呀, 下次做中種我都手搓, 手搓乾手淨腳, 又可以過手癮 :)
    [Cathy回覆11/15/2011 16:30:14]哈, 其實我做中種時都係用手搓, 一來過手癮, 二來慳功夫, 不用洗個兜!
    [版主回覆11/15/2011 13:06:45]係呀! 終於加入機搓一族.......不過過一段時間, 我都會手搓的.....我都係呀, 要停左刮兩三次, 尤其是鹹包麵團, 冇蛋的更加黐缸.......我要試多幾次了..........拍薄膜呢, 我都係可遇不可求的呢, haha

    回覆刪除
  18. This raisin bread looks really nice and healthy! May try your recipe next time. Thanks for sharing.
    [版主回覆11/19/2011 14:59:47]係呀, 好好味, 健康過吃黑水麥包(其實係墨包, 冇全麥粉), 不過黑水麥包又幾好味:p

    回覆刪除