2012年3月28日 星期三

2012澳門十兄弟之旅 - day2 吃得暢快的不夜天


 

第二天, 一早去十月初五日街的榮輝咖啡美食吃了個早餐, 澳門的茶餐廳的早餐, 一般都豐富過香港, 好味

唔好比佢停, 午餐去, 本來訂了陸軍俱樂部, 吃個殖民地高級午餐, 那知那裡的dressing code是不可以穿運動褲, 兩個小朋友已經特別穿了長運動褲, 也被拒諸門外, 算吧, 大伙拉隊走, 澳門好吃的地方多的是.

一於去舊葡京地下的"不夜天"餐廳!!!

 



從前都以為這間賭場餐廳, 唔慌好啦, 後來經阿蘇介紹, 才知是好地方.

這個麵包湯, 好宏偉呀! 眾人搶麵包蓋子吃, heehee, 這麵包很好吃, 一定是四姨太名下的老佛爺麵包店的出品.



煎炸物都好好吃......



吃得出是鮮炸的........



荔芋鳳尾蝦和蝦多士, 香港好少酒樓做了.......



春風得意腸, 腸粉捲住的, 是鮮炸的鮮蝦春卷, 又香又脆, 比炸兩好吃得多了.



記得吃這個叉燒, 又軟又滑, 用最靚的豬肉燒製, 每件都是"三粒的", 超好吃, 香港也是很難吃到的.









 

叉燒包是一間酒樓的核心價值, 係好核心的核心價值, 這裏的叉包, 由包肉到餡料, 都捍衛了這核心價值.



燒買也是核心價值之一, 好靚,



呢個係蝦餃就差了一點, 整古做怪, 蝦又不夠大隻, 三個核心冇左一個.





看到跟"庵列"(煎蛋卷)的跟餐土司嗎?






wow, 好用心的架子, 香港餐廳, 看到嗎?



開懷大吃, 每人不用hk$100, wowowow! 真暢快呀!
 



發現十月初五日街的一間家庭麵舖 - 喜臨門, 大伙兒都很雀躍, 大手入貨, 除了麵食又靚又多品種, 也是欣賞這家庭工房吧........香港, 早已絕跡.

妹妹的行李o急, 塞滿一包包的麵, 好似走私似的......haha, 越來越喜歡十月初五日街.



臨走的一小時, 天陰下雨, 一個人到處逛, 遊人太多, 到鬧市中的聖母玫瑰堂的聖物寶庫避靜........這一刻的安寧, 也是香港所無的.......





聽過一種澳葡老式甜品 - 西洋牛油糕嗎? 每次經過崗頂的賈深洋行, 偷窺裏面的西洋牛油糕的架子, 總會說有一天一定買一塊試吃(很奇怪總沒下定決心走入去買)

弟弟兩夫婦特別在營地大街"景然棧"買了一塊西洋牛油糕給我, 我是甜品精, 知我者莫若你呀! haha

原來賈深洋行賣的牛油糕, 也是從這裏取貨的!!! wow!!!


質感有點像未煎的年糕, 但很油潤, 奇怪的是沒太重的牛油味, 反而有點椰子味, 裏面有些碎果仁, 似是松子吧........

下次大伙兒再來過吧, 我想吃"細路仔糕", 找到嗎?

13 則留言:

  1. 好正啊﹗
    [版主回覆03/28/2012 21:52:35]開懷大吃!!

    回覆刪除
  2. 邊間蝦子麵? 買咁多一定好正嘞!!
    [版主回覆03/28/2012 21:53:03]正是十月初五日街, 喜臨門是也.

    回覆刪除
  3. Pandora 香傭講法文2012年3月28日 下午11:34

    流口水!!
    [版主回覆03/29/2012 22:20:24]回味中.......

    回覆刪除
  4. 多謝你的好介紹和分享, 但那個多士架不知香港有沒有得買?
    [版主回覆03/29/2012 22:21:01]我第一次見咋, 香港更加從來沒見過呢!

    回覆刪除
  5. 凌晨睇到好肚餓,煮個麵先
    個麵包架係英國好流行,基本所有民宿都有,所有多士麵包都會咁樣上,好好既設計。
    [版主回覆03/31/2012 09:10:10]icic, 原來係英國家品, 不愧是吃多士的國家. 可惜香港未見過.........反而葡國前殖民地有.

    回覆刪除
  6. 有好多點心啱我食呀, 除咗燒賣, 腸粉卷著春卷好特別呀..
    [版主回覆03/31/2012 09:12:25]呢度飲茶, 出乎意料咁好, 又經濟........不過千萬不要叫一壺茶, 好貴又只是茶包......燒賣, 我like呀, 我是豬迷. :)

    回覆刪除
  7. 謝謝你的回覆。 因為家中的小姪女, 每天都愛吃烘多士, 尤其是冬天, 但又愛投訴放在碟上的多士有水蒸氣, 麻煩的小人兒! 我想試去上海街找一找, 如有朋友知道那裡可以買到, 也請分享, 謝。
    [版主回覆03/31/2012 09:16:00]haha ,.有要求喎, 都好的, 有質素嘛, 小友說英國好常見喎, 看看有沒有英國朋友代買.

    回覆刪除
  8. 個多士架好有心思,咁樣多士就唔會淋
    [版主回覆03/31/2012 09:16:53]真係, 別看少這個, 特別令人覺得有誠意.

    回覆刪除
  9. 好多正嘢食喎
    [版主回覆04/01/2012 13:40:53]澳門是心情和口腹的滿喫之地 :)

    回覆刪除
  10. 謝謝你的提議, 如我找到再與大家分享。
    [版主回覆04/01/2012 13:41:09]祝你成功!

    回覆刪除
  11. Hi Amoon, 您真的是澳門通, 知道這麼多的好地方. 您們真的買了好多麵呀, 人人手上一大袋.
    [版主回覆04/01/2012 13:43:09]去過澳門好多好多次了, 直頭熟悉到好似第二香港, 某程度上, 那裡就是我心目中的香港呢! ..............買麵, 已經勝過買杏仁餅了

    回覆刪除
  12. Moon哥,你睇得太多特首選戰喇!!
    香港依家好似無咗春風得意腸。

    回覆刪除
  13. Hi, 你好, 我終於在上海街找到多士架了, 有多款, 我買了最便宜及簡單的一個, 售HK$18.00, 有些售60多元的、也有售過百元的, 我把照片POST上的BLOG, 如有興趣, 請看一看。 :)
    [版主回覆05/03/2012 21:54:39]YOHO, thanks for sharing!!!

    回覆刪除