昨晚, 弟弟請我吃日本點心, 信州Orange Cake , 好香呀, 苦苦的有酒味的牛蛋!
OT過後, 終於可做一個我最愛吃的鮮橙雪芳蛋糕..........加料兩個份量的橙皮茸, 45g橙汁另加15g君度橙酒, 橙酒終於用完了, 要入貨了......
3黃4.5白(蛋太小了) 糖60g 少許鹽 油35g 橙皮茸2個份 橙汁45g 橙酒15g 低粉70~80g
我看蛋黃麵漿太稀, 隨意加了少許麵粉, 終於可不完全依食譜, 看實際情況加減材料了, 有點擲葉飛花的感覺.
只是橙是4012sunkist舊橙, 不是3107(我最喜歡的), 橙味不夠出, 可惜近年加州新奇士頻頻失收, 常買不到靚橙.
算啦, 十分鬆, 綿, 潤, 香!!!
是非成敗轉頭空 青山依舊在 幾度夕陽紅
一爐雪芳喜相逢 世間多少事 都付笑談中
又有好味雪芳食, 夏日炎炎最好就是留在家做蛋糕, 輕輕鬆鬆又一日.
回覆刪除[版主回覆06/23/2008 20:40:00]係呀, 雪凍食仲好味呀! ~~~~~~~ 放假才是我真正的人生.
整得好軟呀。
回覆刪除[版主回覆06/23/2008 20:42:00]係呀, 橙是令蛋糕鬆軟的呀!
我仲未做出一個滿意的雪芳呀！激氣！
回覆刪除[版主回覆06/24/2008 18:38:00]點解呢? 大家研究一下啦, 一定成功的呢!
食雪芳又詩, 果然留得 青山 在, 哪怕你無爐焗!!! 心情極好
回覆刪除[版主回覆06/24/2008 18:39:00]放假幾時都心情靚的呢, 詩.......hehe, 玩吓啫
色﹑潤﹑嫩﹑細齊全﹐very very good!!!
回覆刪除我沒用過橙酒﹐被你的chiffon吸引到﹐睇怕都要買返隻來試嚇~
[版主回覆06/24/2008 18:57:00]hehe, 可惜那些形容不是我的臉孔
我呢度有散賣的呀, 不過我都係買一瓶了, 可放幾年的.
A_moon, 終於可以做自己想做的事 ! 來緊的週末要OT嗎???吾駛的話就好諗定做乜東東喇!
回覆刪除[版主回覆06/24/2008 18:59:00]唉, 只能做糕, 不久時間做包, 這星期六又下午ot, 又冇得玩包包了, 唉, 只好做雪芳蛋糕
哇, 個雪芳蛋糕放在雪櫃兩天, 仍是又嫩又滑, haha
Oh ! my favour. I help myself lah.
回覆刪除I did not use the wine. I'll try it this week.
[版主回覆06/24/2008 19:04:00]Hehe, try it! This is very good for butter cake too!
哗！好正， 好味 。搞到我心郁郁.......
回覆刪除真係一鑊橙喎........橙到好徹底呢.......
回覆刪除[版主回覆06/24/2008 19:09:00]未算, 我都未下橙皮醬和糖漬橙皮(我試過呀! )
嘻嘻...我都是喜歡3107的, 橙味夠又多汁!
回覆刪除[版主回覆06/24/2008 19:10:00]yeah!!! 我是橙精, 尤其加州新其士3107!!!
我上次整加左 d 橙色素~
回覆刪除[版主回覆06/24/2008 19:33:00]我不加的, 都幾橙丫.
一支真係用好耐,我都係飲完半支,用到而家,成2年呀!!最近又入了新貨,但買了支細架,可以不用咁多,但細都好大支,又有排用呀
回覆刪除[版主回覆06/24/2008 19:37:00]我好少飲的, 係喎, 點解唔試少少
上次飲"初釀"(choya, 真正的日文是"蝶矢")梅酒, 我成塊面紅晒呀, 不過我好少醉酒的.
唉！夏日炎炎，
回覆刪除開洗衣機，冷氣容易，
開爐就。。。難上難！
一爐雪芳。。。都付流水中(是流口水)>!<
[版主回覆06/24/2008 19:38:00]hehe, 我想真正的障礙不是炎炎夏日 , 而是.........
嗯........等.........
你個蛋糕脫模脫得好靚呀! 點整嫁!? 我次次都整到好核突嫁!!
回覆刪除[版主回覆06/24/2008 19:41:00]是徒手脫的呢, 用手輕輕的擠擠壓壓的然後就脫到了.
如果未得, 用抆刀/小刀幫手啦, 最緊要是.......溫柔.
好似洗碗"舊"海綿..... 你食 海綿.....
回覆刪除[版主回覆06/24/2008 19:45:00]比海綿還要鬆軟呀!
海綿蛋糕.......是較結實的呢!
咦? 我平時洗碗塊海綿唔見咗?????
Look at that first picture! You unmoulded the cake so well, did you do no-knife unmould again this time?
回覆刪除[版主回覆06/24/2008 19:46:00]係呀, 我懶呀, 刀都懶拿了, 徒手就脫了!
嘩, 好靚 !!! 夏日香橙, 好易入口
回覆刪除[版主回覆06/24/2008 19:53:00]仲有檸檬, 西柚, 都好正呀!
色﹑潤﹑細﹑嫩。。。肯係吾係形容你﹗﹗﹗哈哈。。。
回覆刪除陳年橙酒做雪芳。。。。肯定好味尼~~~
[版主回覆06/24/2008 21:05:00]我???? 應該像法包, d 皮好厚又脆, d肉又鬆又軟
唔係懶，係因為你係高人！
回覆刪除点解要入雪櫃??你個蛋糕已經超細, 又咁好味, 頂多你一個人食,兩天就食完喇, (其實一日都食得完 )駛乜入雪櫃????
回覆刪除其實每次我都唔粗魯.... 我下次會再溫柔d...謝謝你!
回覆刪除琴晚去左supermaket買左袋新奇士橙, 諗住整香橙chiffon.
回覆刪除心大心細實在有太多口味想整, 最後我都係揀左整藍莓大理石.
今晚整橙味先.