"8號東北烈風或暴風訊號(我還是喜歡叫8號風球)仍然懸掛........" 太好了, 立即跳回床倒頭昏睡.......真不知平日是怎樣捱得住早起的!
起床, 問了今日下午的會議也取消了, 立即搓返爐包慶祝一下. 做個甜包吧, 哎呀, 連蛋也沒有! 算, 做過冇蛋的甜包, 咦, 雪櫃有很多橙, 一於做個橙包.
高粉250g 中粉50g 速酵母5g 糖30g 鹽5g 牛油20g 橙皮茸3個
搓滑發酵1小時至約3-4倍, 分割4份, 排氣, 滾圓靜置10分鐘, 做型(一定是圓形啦, 橙嘛), 最後發酵45分鐘, 入爐180度焗15分鐘左右
掃上橙花蜜再焗5分鐘.......哎, 敗筆, 蜜糖濕濕的不會乾, 算吧!
雖然工作之後仍要補做, 但我愛8號風球.
嘻嘻我第一個來吃風球包!橙味包未食過, 香橙味嗎???
回覆刪除[版主回覆06/26/2008 14:36:00]幾好味呀, 幾香, 又鬆軟呢! 可以加番d餡仲好
很喜歡吃橙，看到你的橙包這麼吸引，我想又試做﹗
回覆刪除[版主回覆06/26/2008 14:37:00]試吓丫, 我想加番d餡, 加什麼好呢? 有提議嗎?
噢﹗我只係半日休，無時間搓包呀﹗
回覆刪除[版主回覆06/26/2008 14:38:00]哎, 這是百年一遇的時機呢, 可惜風神不多留兩小時
羊頭係香港買﹖﹗
回覆刪除[版主回覆06/26/2008 14:31:00]係blog友團購時托他買的呢!
下次包一d橙jam做餡,就係一個十全十美,橙味十足的橙包喇!
回覆刪除[版主回覆06/26/2008 21:10:00]都好都好, 百分百橙包!!
搽蜜糖！緊係會濕淋淋，仲會黏手添！不過咁樣食，就應該幾香甜，係咪呀！ Moon兄！
回覆刪除[版主回覆06/27/2008 07:42:00]係啦, 唯有包住食物袋吃啦, 吃都好味的, 不過要小心點吃, 都冇問題的, 試過一次當經驗.
你地係香港就好啦，無端端多左半曰假去做包。真勵害呀，居然做出亞 Moon 私房包，佩服!
回覆刪除[版主回覆06/27/2008 07:42:00]手痕呀, 今個星期六,日都ot, 看來也不能開爐了, 唯有爭取時間開工啦.
下次加橙皮及提子，我小時吃的麥包是這樣的，
回覆刪除你昨天應該做一個8字包包應景嘛！
[版主回覆06/27/2008 07:43:00]也好也好, 徹底橙一橙.
8字, 很難做得靚喎, 不過下次如果又8號, 都可應吓景
哈哈。。。天助你也~無段段執到一日﹐梗係做你最享受果兩樣野啦~
回覆刪除[版主回覆06/28/2008 21:41:00]冇錯, 有包整, 有覺訓, 人生兩大快事, 不過魚與熊掌, 不可兼得呀~~~
掃左橙花蜜，一定係甜絲絲架喇~~加左羊羊印，又好可愛。
回覆刪除[版主回覆06/28/2008 21:42:00]都幾好食, 不過立黐黐的呢~~~
羊羊好得意的呀!
橙包好特別呀...一定好好味唶
回覆刪除[版主回覆06/28/2008 21:43:00]幾香呀, 又軟熟呀!
妳也試吓啦