離開了匈牙利, 我們到了巴爾幹半島其中一個最富裕的國家, 克羅地亞.
這裏的貨幣叫Kuna, 語言又完全不同, 我問當地導遊, 克羅地亞話的"克羅地亞"是怎讀, 她說, 是H~~~~r~~~~~vaska.....吓, 我傻了眼, h音加上捲舌顫音, 我怎讀也好像是吐痰......她說, 英國人也發不到Hrvaska這個音, 所以唔知點解叫了Croatia.
幾年前, 我們是沒有機會來這裡遊玩的, 1990年代克-塞兩族的衝突和其後的南斯拉夫內戰, 打了幾年, 直到1995年才開始和平.
這裏是舊城區Kaptol的廣場, 聖母像, 主教府......天清氣朗, 唯一是稍熱了點
恰好見下午的太陽在聖母像的頭頂, 有趣!
大教堂和聖母柱都不是古物, 1880年一場大地震摧毀了整個城市, 這都是日後重建的, 雖然他們有新城區, 但舊城仍然保留昔日風貌. 大教堂是請威尼斯的建築師起的.
教堂聖壇前的玻璃棺中躺著大主教的真身........想不到歐洲人也興"毛主席紀念堂"的調兒.
慢慢徒步到舊城區的另一邊Gornji Grad (upper town), 當年的古城門仍在. 昔日兩個城是由不同的城主管治, 運貨過隔鄰是要納稅的.
古城門內的一個聖蹟, 相傳某年城門失火, 只有場上的聖母畫像沒有燒掉, 結果被封為聖蹟, 到今仍有很多教徒來敬拜.
下面這條街是昔日分隔Kaptol和Gornji Grad的小河, 現在已埋在地底, 地上開了很多cafe.
一有空檔, 點都要坐下歎番杯, 不過又係冇嘢食的!!
這是 Gornji Grad(Upper town)的聖馬可教堂, 有冇覺得Zagreb的風貌有點意大利........因為這裏和意大利, 只是隔了一個亞德里亞海, 過了海的另一邊, 便是威尼斯, 這裏很多漂亮的教堂, 都是請威尼斯人來建做的.
屋頂上一個是克羅地亞舊國徽, 一個是札格勒布市徽.
行完Gornji Grad乘坐相信是全世界最短的纜車下山, 等了10幾分鐘, 坐不個2分鐘, 好像時代廣場三樓坐子彈電梯到地面..........係咁架喇, 古董嘛, 還在運作已是奇蹟
到了市中心Donji Grad(Lower town)的外圍, 忽然覺得好像到了無線電視城的民初街......別說他們落後, 大街上汽車也不多半部. 當我們還在談發展增長沾沾自喜, 歐洲人早在二三十年前已開始環保大計了.
是不是盧海鵬扮的........?
去了好一些地方始終覺得, 就算是同樣富裕安全的城市, 最好居住的是30萬至80萬人口, 太小會很靜, 但超過100萬人口的城市就開始擠迫, 複雜, 繁囂了. Zagreb是70多萬人, 中形城市令人最舒服.
我都很愛住鄉郊, 例如日本, 加拿大或者德國瑞士小鎮(發夢的時候), 不過太太不接受太靜.
看過一集Discovery Channel, 人類學家找出了一對人類DNA, 控制了人的社交能力, 令人類幾萬年來都時適應100人左右的社群, 但幾千年前, 這DNA突變, 擁有這超級新DNA的人類很適應處理複雜的龐大社群生活, 因此漸漸出現了大城市......
如過一個人一對DNA都是舊式, 他們會很喜歡住在鄉間, 如果因某些原因住在大城市, 他們會很辛苦格格不入. 記憶中這類人大約佔人類的10%
相反如果一個人擁有一對新DNA, 他們在大城市裏簡直如魚得水, 越繁囂熱鬧複雜越開心, 記憶中這類人大約佔人類的20%
剩下的70%, 是一個新DNA加一個舊DNA, 那就中中等等了.
我覺得我的DNA就算不是全舊, 也是一條全舊加一條半新的, 總之我到了這些人少少的城市, 就會覺得很舒服, 從來不覺悶的......
午餐吃的是豬扒, 味道不錯但是一樣的死死實實........那塊是tiramisu, 無論看和吃都完全不對勁...........喝杯黑啤吧!
教堂, 大街, 小巷(有無放一個半個碎銀在結他盒給那位賣唱者呀?), 還有露天茶座..........生活好寫意.
回覆刪除天氣看來很清爽. 這樣悠閒的假期值得回味.
[版主回覆09/23/2009 15:03:00]這個小城都很寧靜, 那位賣藝者, 只是途中經過見到, 沒有停下欣賞.......
唉, 一日一日的返工, 我都開始忘了那種感覺了........寫寫網誌懷念一下啦!
風景很美麗 。其中一照片, 把聖母像頭上拍成一團光環, 像神蹟一樣喔 !
回覆刪除[版主回覆09/23/2009 15:03:00]哈哈, 顯靈呀!
呢度好靚呀, 我最鍾意漫無目的咁行呢D街道.
回覆刪除[版主回覆09/23/2009 15:07:00]唉, 可惜那天是跟著當地的導遊慢慢走, 慢慢聽, 幾乎走了2個幾小時, 我都好想說 : 我們可不可以離隊自己行呀? 算啦, 他介紹得很仔細, 唔好意思的........
........一完畢, 我們就自己竄走了......
第２張聖母相好神聖呀～～
回覆刪除[版主回覆09/23/2009 15:08:00]天天都有的顯靈, haha
一個非常整潔的地方，但街道上沒有太多遊人？
回覆刪除天氣好似很清爽，風和日麗，喝一口茶，優遊自在…
[版主回覆09/23/2009 15:11:00]那天有點熱和曬, 我都不客氣撐起傘子, 除此之外, 呢個城市都幾寧靜, 好好走.
求救呀...求救呀...
回覆刪除唔知係咪好耐冇整包....今日已經失敗咗個吐司...呢個我知道個原因係過度發酵,尋晚就係見個吐司最後發酵又冇嚟反應,咪由佢發啦....都發咗十幾個鐘..發到頂蓋...之後掉咗落個爐喥焗,成品變咗濕蛋糕....擺落口吞唔落吐咗,成舊掉咗
今日諗住整墨西哥包啦,之前都整過,第一次發酴唔知係咪出咗錯,我驚發過籠,唔記得做篤手指測試....好似發唔夠?發大咗都有大一倍,但係有啲潟身
分割滾圓勁黏,已經加咗手粉,成盤放落焗爐(先預熱,微暖)加兩杯滾水....發咗好耐...係發大咗但係好奇怪,先發現個麵糰發就發大咗啲啲,但係係好潟身,唔係一個大波,同我之前做嘅好大分別,諗住再排氣用手指整圓,啱啱睇過都係潟身,發大咗少少
請問我可以點呀?...個面糊整好,好唔好搏一搏呢...定係會連個面糊都浪費埋?個麵糰又要掉? 有冇計?唔該^^
[版主回覆09/24/2009 21:59:00]我估係個麵團的水份一開始便太多了, 因為發酵不會令麵團濕或瀉身..........我冇睇實物, 好難估計, 不過我估唔試妳都訓唔著了...... .......一會用高點的溫度焗透點吧, 唯有........
相影得好靚呀~~ 冇得去入黎欣賞都好丫~~~ 聖母像張相真係幾似顯靈喎~~
回覆刪除[版主回覆09/25/2009 16:36:00]謝謝呀, 多d來看看啦.
真係無 諗過克羅地呀係咁樣！ Tiramisu！？點睇都唔似喎！ 英國人就梗係讀唔到個 rolling "R" 啦，根本都無呢得發音！好多地方語言都有呢個 rolling "R"，所以 "賓賓" 都識。不過唔難練，我咁鈍都只係練 咗半年到就識喇！
回覆刪除Did you go to Dubrovnik and Split?
回覆刪除[版主回覆03/01/2010 07:47:00]Not yet........just visit Zagrab and the lakes region. Did you go there? seems so beautiful.
I was in Zagreb and Spilt last year. I was planning to go to Dubrovnik during weekends, as it's only 3 hours away from Mostar, the place where I'm currently studying. Probably will go there when the weather gets warmer for swimming.
回覆刪除