好, 玩一個不記得在那本書見過的雪芳........雙色四層雪芳 - 原味和綠茶
從來都做不好雲石紋, 覺得這層層疊更漂亮, 玩吧!
原味 - 油17g, 蛋黃1.5, 水30, 低粉35g
綠茶 - 油17g, 抹茶粉2g, 水40g, 蛋黃1.5, 低粉35g (加了2g抹茶粉, 麵漿很乾, 所以加了10g水)
上者分別座溫熱水打勻.
蛋白4 糖60g, 打發至軟滑細密, 拉起軟勾, 分兩份拌入兩種麵漿, 交替入模dan平, 做成4層, 入爐墊兩個焗盤, 160度焗30分鐘, 180度10分鐘
麵漿很多, 有9成滿, 升到很可怕, 但蛋糕很靚, 完全冇凹陷, 鬆軟到不像綿花, 像一塊雲.
看, 綠茶的很明顯冇原味那麼鬆, 可能是多了2g抹茶粉? 10g水? 或者是蛋白霜分得不平均???
蛋糕靚之餘, 盤花都幾靚噃.
回覆刪除[版主回覆09/14/2009 07:50:00]盤花是媽媽給我種的, 我家不適合種植, 幸好它都健在:p
一次過滿足兩個口味 !
回覆刪除[版主回覆09/14/2009 07:51:00]更滿足了我玩耍, haha
好美啊, 我又學到嘢啦! 會唔會蛋白都打兩盤平均分好啲?
回覆刪除[版主回覆09/14/2009 12:00:00]我估我都係一盤打好, 小心d分, 咁方便d.
趕走了魔鬼, 這個是正氣凜然的
回覆刪除[版主回覆09/14/2009 12:00:00]係呀, 多吃綠茶好呢!
好想試下舊雲啊
回覆刪除[版主回覆09/14/2009 12:01:00]原味蛋糕係好鬆的, 真係似吃空氣!
我都覺得雲石不好看呀!!!這款又幾好喎!!!
回覆刪除[版主回覆09/14/2009 21:48:00]雲石好難掌握, 如果係用麵漿調勻d可可, 線條又不出, , 如果就咁水加可可粉, 又會容易令蛋糕結層, 攪得少d紋唔夠幼, 攪得多d紋又冇晒, 難道我又要做實驗.........
好靚呀!個cake stand都好靚呀!
回覆刪除[版主回覆09/14/2009 21:50:00]自從做d可可呀, 高危雪芳後, 好少做這些易成功的了, 脫模那刻, 輕輕的蛋糕緊緊地黏住模, 感覺太好了.
果頭抛棄阿珠，立刻又抱囘阿芳，乜意思呀? 仲抱得至靚的混血芳芳~
回覆刪除[版主回覆09/14/2009 21:54:00]哈哈, 混血亞芳.......下次整個混血阿雪先.
好靚呀!點先可以分到平均的蛋白, 用肉眼嗎? 我都想整!
回覆刪除[版主回覆09/14/2009 21:53:00]謝謝, 我都係用膠刮往中間一界, 分成兩半就行了.
我一向做雲石的效果都唔好, 下次試下用你呢個方法先.
回覆刪除[版主回覆09/14/2009 21:55:00]雲紋係好麻煩的東西, 我要的是清晰細密的呢, 好難.
做得好好呀
回覆刪除[版主回覆09/14/2009 21:56:00]謝謝呀! 我都係睇書呢!
個樣好得呀!
回覆刪除到而家我都未掌握到點先整得好個SPOONGE CAKE!!
[版主回覆09/14/2009 21:56:00]買一本書, 練習幾個, 又上來傾吓, 實惦.
4層色又幾得意喎。
回覆刪除[版主回覆09/14/2009 21:57:00]係呀, 下次在整時, 厚度要均勻d
好鬆軟啊 !
回覆刪除[版主回覆09/14/2009 21:57:00]極正呀!!!
我未整過, 想問係要放牛油紙架?
回覆刪除[版主回覆09/14/2009 22:06:00]雪芳係用雪芳專用模, 不加牛油紙的呢!
正喎
回覆刪除[版主回覆09/14/2009 22:07:00]些些呀!
幾時整班蘭雪芳？
回覆刪除[版主回覆09/15/2009 18:27:00]我呢區冇班蘭葉賣的呀........妳幾時.......
仲要食戚風！？
回覆刪除[版主回覆09/15/2009 18:30:00]戚風係唯一可以天天吃的蛋糕呀, 我當早餐的.
其實可以唔加檸檬汁的!(就好似做香蕉戚風一樣, 我都係唔加架)!
回覆刪除[版主回覆09/15/2009 19:17:00]icic, 謝謝妳呀!, 我要先買料.
睇黎你今次真係玩到夠晒呢, 不過又真係好特別好靚! 記住, 綠茶味吾啱我.
回覆刪除[版主回覆09/15/2009 19:19:00]好好好, 記得, 咁咖啡o岩唔o岩, 我想找天然的紅色, 又可做蛋糕的, 不知有什麼, 士多啤利做出來係瘀色的呢.
好靚呀...等我都整先....不過要ko左屋企d pandan leaves 先
回覆刪除[版主回覆09/15/2009 19:20:00]可以一層班蘭一層雲呢那呀!
又幾靚仔下喎~~ 你整過斑蘭戚風未？
回覆刪除[版主回覆09/15/2009 19:48:00]在朋友家整過一次, 好耐了, 我住那區是冇班蘭賣的呢.
咦﹗整得好靚bor, 而且又冇倒縮既情況出現
回覆刪除[版主回覆09/15/2009 19:49:00]還得神落了, 原味蛋糕係安全d嘅!
今次冇凹陷，又鬆軟，好好呀！下次又做甚麼實驗呢？
回覆刪除[版主回覆09/15/2009 19:50:00]未想到呀, 希望順利唔駛再實驗啦!
very good!!!
回覆刪除[版主回覆09/15/2009 19:51:00]thanks呀!
EE， 呢個混血兒又真係幾靚仔喎 ， 等我都試吓先 。
回覆刪除[版主回覆09/16/2009 21:55:00]係呀, 試吓啦! 有冇其他漂亮的組合呀?
This is really pretty, and you're right, even nicer than a marble cake!
回覆刪除[版主回覆09/17/2009 10:44:00]係呀, marble我都做得不好, 唔似marble, 分層就得意d
好精彩呀!!!
回覆刪除[版主回覆09/17/2009 10:45:00]試吓玩吓丫
整咗喇， 不過冇你啲咁正喎 !
回覆刪除[版主回覆09/18/2009 23:35:00]好成功呀........我想緊, 用什麼天然的東西做粉紅色蛋糕?
唔知Rhubarb或者紅菜頭得唔得呢
回覆刪除[版主回覆09/21/2009 16:40:00]謝謝呀, 等我留意吓先, 不過這兩種物體香港都不易見呢.....
又幾得意喎。可否用 chilford 方法焗 cup cake呢？如果可以，做 30 杯要加大多少材料？
回覆刪除Cup cake 可以做雲石嗎？請幫忙。
[版主回覆09/25/2009 08:45:00]chiffon不是太適合做cupcake的, 因為太細個, 扣除d皮, 鬆軟的糕肉所餘冇幾, chiffon是大個的好吃, 所以我都冇試過做cupcake chiffon.
咁真係想做請問有沒有食譜呀？唔該唔該。
回覆刪除[版主回覆09/25/2009 21:18:00]可看看我的網誌分類"雪芳蛋糕"或者Lyric的超Q潤雪芳
http://hk.myblog.yahoo.com/meowylyric/index?l=f&id=23
多謝你的意見。用chiffon 做 cup cake全部下塌，最後只好改做 muffin。總算成功做出 4大杯。但 30杯....是否將原本份量乘大幾倍就可呢 ？
回覆刪除[版主回覆09/29/2009 07:46:00]別客氣, 係呀, chiffon做cupcake係會收縮呀!
做多d, 係將份量加倍.
噚晚終於完成30 幾杯朱古力 cupcake ，自己試食 pass。唔記得拍照分享呀！
回覆刪除[版主回覆09/30/2009 15:45:00]勁呀, 30幾杯, 好食就得啦, 下次記得拍照留念呀!
收到。
回覆刪除哦,唔怪得個面唔似你地o個d咁靚仔啦!!!多謝你解答呀,等我下次改善下!!!希望我遲d都整到好似你個蛋榚咁靚o既作品啦!!!
回覆刪除P.S. 個模好貴喎....暫時都係用我個mini-size玩下算...hehe, thanks!!
[版主回覆10/16/2009 16:15:00]繼續試吓, 或者買一本戚風蛋糕書看看, 都有好處呢.
你好呀，我見你的雪芳咁靚，想請教下溫度的問題。
回覆刪除我之前試過用130和150度焗，個蛋糕升得唔夠但係好易脫模同埋唔會回縮仲好濕潤。後來我用多數食譜的170焗35分鐘，個蛋糕升到同煙筒差不多高，回扣時至平模，脫模時個面唔平，其實究竟應該用咩溫度先啱呢。我個爐係好大路的DELONGHI 28L，同埋我用上下火加風焗的!
我的蛋糕脫模後真的好核突甚至無心機影相!
你係下面用兩個焗盤?咁上面要唔要?我焗差不多10分鐘就覺得好上色要用錫紙冚住。
回覆刪除[版主回覆11/14/2009 23:12:00]Delonghi係好爐呀, 我都有朋友用的, 它好好火氣, 而且體型比我的Kenwood闊和矮, 所以糕面好易上火要蓋錫紙, 我的kenwood係不用蓋錫紙的.
一般的雪芳食譜都話係17cm模170度焗35分鐘, 不過每個爐都不同表現的, 不可死跟, 我覺得130度太低溫了吧, 不會中間不熟嗎? 如果170度升得太勁, 那就不好了, 升得高, 跌得低, 反而不好呢. 用回妳試驗成功的溫度吧!
現在我傾向160-170(係我個爐, 用紅外線溫槍探測焗盤的溫度為準), 焗至50分鐘, 直至表面上足色, 稍為收縮就好了.
可是, 我都焗到凹陷的, 遇上咖啡都死了.
脫模, 溫柔d就可以了, 用刀或徒手都得.
我睇過一個台灣食譜，話家用電器火力唔平均，所以教先用低溫125-130焗30分鐘，再用高溫160-170焗20-30分鐘，咁我咪試下囉。其實我仲未掌握，到有的眉目會POST出嚟。
回覆刪除脫模時我已經好溫柔架啦，但係我無等過夜，係咪大心急呢?
[版主回覆11/15/2009 21:53:00]icic, 都可以試吓的, 每個爐的特性都唔同......如果脫模好易爛, 可能係未熟, 可能係糕本身太脆弱.........一般都不用等過夜, 我通常放一小時, 微暖都可以了.