星球大戰? 星空下的心葉毬蘭? 黑絨布打翻了米粒? 你們猜這是什麼.......?
吃完午餐, 我們便著手做下午茶(玩遊戲才真), 先說說我們還有什麼吃.......
朋友仔做的焦糖榛子雪糕, 真係好好食呀! 自製的焦糖和雪糕真係好夾, 含蓄的苦甜味, 比起咖啡或朱古力更好味, 冰晶幼滑又不太油滑, 加上粒粒榛子, 好正呀!!
若不是我前一晚吃了一個大全黃蓮蓉壽包, 我一定會double scoops!!
另一位老友又一個大成功, 自製馬仔! 咁高難度的東西都敢玩, 服了妳! 但好鬆化呀! 加了檸蜜的糖漿是外面吃不到的. 我拿了回家, 拼著變肥仔都吃完呢!
合力玩一個卷蛋, 餡用100%cacoa barry黑朱古力加鮮忌廉做
蛋糕底意外有點沉, 朱古力忌廉好濃好滑, 拿一片回家包好放在冰箱, 兩天之後拿出來吃, 忌廉幼滑甘腴, 像上好的朱古力慕司忍不住又吃了!!
這個沒爆泡的朱古力雪芳, 係喇, 就是那個了, 在大家見證下誕生! 老友吃了一口, 說 : 好味喎! 哈哈, 開心呀!
雪芳剩下了蛋黃, 好, 做一個creme brulee! 用的是亞堅的食譜, 這食譜最適合短時間冷藏吃呢! 還用上了真正的雲呢嗱莢.........
老友的小火槍終於開光了!! 燒燒燒, 好玩呀! 看, 那層又薄又脆, 金黃半透明的焦糖! 燉蛋好creamy, 成功!!
........好了, 要開估了......那張星空, 是從玻璃燉蛋杯底下看到的雲呢嗱籽, 黑白反轉, 好像繁星點點~! 無聊吧
Moon,來你這裡,真多好o野食-----
回覆刪除[版主回覆07/16/2009 22:02:00]哈哈, wendy, 怕唔怕睇得多會發胖呀! , 妳也不怕的. 我吃完這餐, 幸好仍未有報應, yeah!!
估得我吖! 幾時有d咁黑蚊蚊嘅東西出現過呢!原來.........哎呀, 而家先醒起未放好朋友仔比我嘅雲呢拿枝.
回覆刪除[版主回覆07/17/2009 11:31:00]哈哈, 我係咪好無聊, 都好, 提了妳放好枝雲呢拿
肚滿腸肥啦~~ 滿足!!!
回覆刪除[版主回覆07/17/2009 11:38:00]哇, 咪嚇我啦, 我唔想咁肥呀.........滿足就真嘅! 那個星期六日一都勁食呀!
過左一個星期, 冇重到......hehe
一齊煮飯仔, 好開心喔 !
回覆刪除[版主回覆07/17/2009 11:38:00]整吓傾吓食吓, 幾開心.
回覆刪除from ETHAN
[版主回覆07/17/2009 11:39:00]to ETHAN
好多野食呀...正
回覆刪除[版主回覆07/17/2009 19:41:00]仲好好玩添, 做手工咁啦!
馬仔之前都有諗過整,但真係好麻煩
回覆刪除[版主回覆07/17/2009 19:42:00]老友講, 都係好麻煩, 花了很多心機和時間, 成功了, 就算完成了.
剛才在女兒家上網, Ethan問第一張相是什麼? "黑文文"咩嚟架? 後來看見雪糕及其它才稍為放鬆. 我也有給他解釋是同另一張. 我說: uncle在玩嘢
回覆刪除[版主回覆07/17/2009 19:44:00]哈哈, 冇錯, 我玩嘢呀, 望住張雲呢拿籽, 忽然想玩下.
見到雪糕就放鬆了, 大人細路都喜歡吃!!
真係真材實料, 好多雲呢嗱籽wor!
回覆刪除我都買咗呢把火槍, 不過重未用嚟整過甜品呀!
[版主回覆07/17/2009 19:48:00]真係好天然的雲呢拿香, 係唔同d嘅!!
火槍我都係用了一次......它可做creme brulee, 燒蛋白檸檬撻, 脫慕司圈.........我都好少機會用呢!
勁多甜品丫~!!!!好想食~!!!
回覆刪除[版主回覆07/17/2009 19:49:00]最開心是可以玩一個下午呢!
真係好開心好好玩喎， 一齊玩煮飯仔 。
回覆刪除[版主回覆07/17/2009 19:50:00]係呀, 大家不用理成功失敗, 傾吓玩吓吃吓, 很有趣.
呵呵呵~ 好似我細個時約埋隔籬鄰舍玩 "煮飯仔" 咁，極好玩呀！懷念~ing
回覆刪除[版主回覆07/18/2009 11:33:00]我都好懷念呀! 咦, 上個星期至玩左咋喎.........哈哈
恭喜你呀! 成功做了沒爆泡的朱古力雪芳 , 你老友好叻呀, 馬仔咁難度做, 都做得咁好!
回覆刪除[版主回覆07/18/2009 17:50:00]希望從此能夠安心做朱雪啦, 經過這次, 我又學了很多呢!
我老友都係經過很多艱辛的實驗, 才做成馬仔.
真係估極都估唔到原來係vanilla........
回覆刪除[版主回覆07/18/2009 17:47:00]哈哈! 係咪好無聊呀! 請給"珍"!
見到你 哋成班 friends 一齊整 嘢食，好開心呀！
回覆刪除整卷蛋 嘅 cream 係動物性定植物性？
哈哈, 下集仲精彩, 亦證明咗你嘅肚皮會 , 我都估吾到係你張 vanilla beans 黑白反轉, Jenny 講得啱呀, 你向樹玩野呢 你地得幾個人, 做咁多食物, 好玩好玩, 不過邊樹食得落咁多呢???
回覆刪除[版主回覆07/20/2009 11:04:00]下集是甜.....甜......甜. 好好玩就真!
哈哈, 我地都帶埋食物盒嘛
張相....好可愛.....哈...
回覆刪除[版主回覆07/20/2009 16:01:00]好玩嘢就真嘅