很累, 本來想喪睡兩天, 昨天晚上放工回家時, 又想著這個週末玩什麼.......
想到一個新方法做卷卷, 應該很好用的, 想做一個肥肥短短的卷卷! 很想快點試玩.....
做鹹芝麻卷吧, 不加餡料, 想吃麵粉的香味.
哈哈, 新方法很順利呀(是我說的, 可能很多人已是這樣做), 做出的卷卷真的很合意, 好多圈圈, 肥肥短短, 好cutie!
什麼是新方法? 其實好簡單, 就是在做三角形前, 先用手將麵團搓成長條, 才用麵棍輾成三角形, 又易做不用又拉又壓, 做出來的三角形便可以闊窄隨意, 而且可以很........長..........
哈哈, 我是否野人獻曝了呢.
麵團是跟"專業麵包製作"的
高粉200g 鹽4g 糖10g 咖啡伴侶6g 速酵母3g 牛油20g 水130g......蛋液, 芝麻適量
- 所有麵團材料(牛油稍後)搓滑至可拉薄膜,
- 發酵1小時左右至3倍大, 均分6份做成長圓形靜置10-15分鐘,
- 灑少許手粉, 搓長至10", 再用麵棍輾成13-14"長的三角, 均勻掃上少許麻油, 由闊的一邊開始捲好
- 30度左右發酵約50-60分至2-2,5倍大, 掃2次蛋液, 灑上芝麻, 入爐180度焗約15分鐘至淡金色
哈哈, 好漂亮呢, 不過缺點是兩頭尖中間胖, 發酵是總是放不穩, 左傾右側的!!
質地也很綿花, 不過只能隱約見到捲過的痕跡.
肥短家族. 下次做什麼卷好呢???
還有一個問題, 是捲捲需時, 由第一個捲好到第六個, 相隔10多分鐘, 明顯見它們的發酵大小不同了, 有什麼方法解決? 總不成是放雪櫃.........?
好得意呀!肥肥白白
回覆刪除[版主回覆06/07/2009 08:55:00]係呀, 好好玩的, 不再像條蟲了
點解面糰可以咁白呢
回覆刪除平時我做個d都係黃黃地架
[版主回覆06/07/2009 09:01:00]可能是攝影和執相的效果啦.....我有執相的呀!
麵團應該是黃黃地的, (妳看看和白砧板的對比就知了)
以前見街買的好雪白, 都好羨慕, 是否揉搓或發酵做得好.......上星期看電視才知道, 是增白劑的效果........街買的, 尤其是預先包裝的, 吃了什麼化學品下肚都不知.
我仲未做到包包呀
回覆刪除[版主回覆06/07/2009 09:03:00]多練練玩玩就可以了.
真係肥肥白白, 這個咸芝麻包我都係喜歡齋食, 好香, 而且仲冇咁快老化添, 你話係咪??? 搓成長條係好辦法播, 等我下次又試吓先.
回覆刪除[版主回覆06/07/2009 09:13:00]哈哈, 肥肥白白, 講講吓以為係講bb仔 , 鹹芝麻好丫, 鹹鹹香香, 齋食搽jam牛油都好
剛咬了一口, 20小時了, 都很軟呀, 算係咁了. 低溫酵焗的包, 一般都係老化好慢的, 加了油, 又會好d. 係田園包, 冇油又高溫又加了麥粉, 就好快變百潔布了.
掃埋麻油加芝麻, 名乎其實的芝麻包. 聽落都好鹹香. 肥肥短短嘅型好cute, 我都要學
回覆刪除[版主回覆06/07/2009 09:17:00]淡淡的芝麻香, 不及上次黑鬼, 麻死人呀
掃油呢, 原方係掃shortening, 令卷卷不會在發酵時黏埋一團, shortening當然效果靚啦, 但係要我搽呢d化學油我死都唔制呀, 都係搽天然油好d.
wa~ 肥肥白白既飽飽.... so cute!!!!
回覆刪除[版主回覆06/07/2009 18:57:00]好味好味, 好香和鬆軟. yummy
想快呀！
回覆刪除下次叫埋moon嫂幫手叠衫囉
[版主回覆06/07/2009 18:58:00]hehe, moon嫂唔玩的呀! 我幫手疊衫就可以
我愛肥卷卷呀﹗第一次收到鄰居的包包正是肥卷卷呀﹗
回覆刪除[版主回覆06/07/2009 18:59:00]卷卷要夠肥(是體型, 不是脂肪!)至好看的呀! 妳鄰居也是包迷, 正呀!
咁長，咪仲難做到似樣三角型？
回覆刪除[版主回覆06/07/2009 19:01:00]好易的呀, 你看我的'長三角"都ok丫, 個個都成功, 三角要長, 包包才靚仔的.
wow, 真係好漲卜卜、好可愛呀!
回覆刪除而且重好軟綿綿咁! 好羨慕!
[版主回覆06/07/2009 19:06:00]係呀, 今次好綿呀, 卷卷好得意, 它一發酵, 一入爐, 主要是向兩邊伸長的, 所有做型是一定要加倍肥短呢!
咪卷咁長咪得囉﹗
回覆刪除[版主回覆06/07/2009 22:02:00]我係想做到一圈圈的效果, 成功呀! 突然想起一個好核突的名--- x x 布包
你怕它左傾右側...... 不如捲好芝麻包之後,輕輕按一下 咁應該唔會兩邊look來look去
回覆刪除[版主回覆06/08/2009 07:45:00]都可以一試, 不是它是很彈彈的, 不容易就範呀
勁 ，正！
回覆刪除[版主回覆06/08/2009 19:27:00]有冇興趣玩番一轉?
好cute好肥的包包....
回覆刪除我就懒啦，没作品 ....今日要tik起心肝搓包整饼.....
[版主回覆06/08/2009 19:32:00]隨心啦, 喜歡就做, 不喜歡就不做........不過我發覺自己好似有d上癮
將個盤放係兜凍水／冰水上面～做完型Ｄ包包放上去～ 可唔可以頂到陣呢？ 我li D新手都係諗下ga ja~~唔好介意我亂諗～
回覆刪除[版主回覆06/08/2009 19:35:00]其實蓋好濕布放雪櫃都可以的, 不過末發酵就要耐一點了. 妳的意見是對的, 不用介意呢!
卷咁厚咁多層會實心嗎？還是仍然鬆軟？點解舊粉咁白嘅?
回覆刪除[版主回覆06/09/2009 20:15:00]不會呀, 你看上面幅照片, 由裏到外都鬆軟呢, 因為麵團會整個膨脹. 哈哈, 麵粉係有d黃黃地的, 我執過d相, 增大d光度吧, 不過我不會"執"過d麵團.
我都卷過一次肉鬆卷,比平時實,點解嘅呢?
回覆刪除[版主回覆06/10/2009 12:18:00]不會呀, 多數是發酵不足啫, 發返耐d啦
下次我都要整長D.........咁就肥D啦!!好嘢........
回覆刪除[版主回覆06/10/2009 22:13:00]好呀, 用了這個方法, 要多肥有多肥, 要多短有多短, 玩吓啦
好得意呀!
回覆刪除[版主回覆07/16/2009 17:16:00]妳又試吓做番盆丫, 不難的
睇得出發得很鬆, 好靚, 我一定會 試做喔!
回覆刪除[版主回覆08/11/2009 15:27:00]係幾有層次鬆鬆的口感, 試吓啦!