夏天到了, 一向最愛吃的是紅豆樂雪條, 冰涼又不肥.....我不要有奶味的, 不爽!
今年太太忽然很想吃朱古力甜筒, 某日回娘家, 發現媽媽的冰箱裏有這款極黑朱古力甜筒........比起"鳥巢甜筒"的朱很多!!!
先由硬脆的朱古力面咬下去, 嗯, 夠濃朱........ 個人不喜歡舔舔舔的, 急不及待的咬雪得硬硬的雪糕, 噢! 入口融化........吃到窩夫筒的位置, 就可以慢下來, 不過仍是喜歡咬咬咬, 趁它仍是冷凍, 一暖便變淋了..........最後, 筒尖一定是盛了最後一注硬朱古力, 放入口中........滿足!!
跟住就會醒覺 --哎呀, 死了, 很高脂呀!.......但受不住誘惑........
仲要係香港製造!!! 只有部份"惠"記, 和大昌有得賣.......但我不會再吃其他溫溫吞吞半朱不奶的朱古力甜筒了.
我都好鍾意黑朱架 ! 有時無啦啦都會好想買支甜筒開心下 !
回覆刪除[版主回覆06/11/2009 14:23:00]我就, 雲呢哪味都鍾意, 不過最喜歡都係朱, 仲要黑朱甜筒.
好想吃呢！！我好中意吃甜筒，不过因为会肥的关系...所以少吃
回覆刪除[版主回覆06/11/2009 14:21:00]我好節制咖, 不過見太太也豁出去, 唉, 算吧...
一個半個唔肥嘅
回覆刪除[版主回覆06/11/2009 18:26:00]好多一個半個, 就.......月巴月半了
有時明明食到好飽，但係竟然都仲可以成個甜筒食哂架！ 等我去超市留意下有冇呢個黑朱先！
回覆刪除[版主回覆06/11/2009 23:10:00]甜筒係好吸引呀, 我都可以食好呀, 不過怕月巴.......我在惠康見到一盒咋.
我超鐘意食甜筒架，不過只好雲呢拿，因嫌朱古力味唔夠苦，但依加知道有lee款又唔同咁講喎....
回覆刪除[版主回覆06/11/2009 23:11:00]yeah, 呢隻都ok, "鳥巢"的不夠朱!!!
黑古力甜筒， 好味啊 ! 但係個筒一定要脆至好食， 最怕軟pat pat好似過哂期嗰啲 。
回覆刪除[版主回覆06/11/2009 23:12:00]係, 一定要夠凍, 新鮮, 夠脆硬!!!!
未食過 bor 又，我係朱古力雪榚怪，一定要試！
回覆刪除[版主回覆06/11/2009 23:13:00]yeah, 我係甜精加朱古力精.......我怕遲早成為肥精......
等我下次都試下先
回覆刪除[版主回覆06/11/2009 23:13:00]試試啦! 好吃呀!!!
我屋企附近有APPOLO，等我去看看…
回覆刪除[版主回覆06/12/2009 07:48:00]妳就好啦, 我家和娘家附近的apollo都執晒了.........連惠康都冇......
聽落好似好正咁，不過對 "菠蘿" 產品唔係咁有信心喎！
回覆刪除[版主回覆06/12/2009 07:52:00]幾正呀! 好過"齋牙時", 我不喜歡它太甜和rich的口味, 況且, 他冇黑朱. 可惜百記和7仔, 都係包銷"齋"和"鳥巢", 冇得選. 阿菠蘿呢, 我都不是太多食佢, 不過呢隻口味又幾好, d朱再黑d仲好呀!!!
Appolo有時都幾好味架，呢隻我都想試下．
回覆刪除[版主回覆06/12/2009 22:07:00]一於買來吃啦!!!
哈哈，好—勁鍾意你叫佢做 "齋牙時" ！ 好啦，見你咁極力推介，星期三大昌九折時睇 吓幾銀，再考慮買唔買 嚟試啦！
回覆刪除[版主回覆06/12/2009 22:11:00]哈哈, 仲可以叫得肉緊d.....
一於食左至算啦!
因為我個人好怪 o架，當我知道果樣 嘢點整，又或者手頭上有食 譜遲 啲會整，咁就即刻覺得買果樣 嘢食就唔抵買，不如自己整！我依家等緊 Rachel 出個榴槤雪糕食譜，之後跟住整呀！
回覆刪除[版主回覆06/13/2009 10:29:00]haha, 我又想起"同事三分親"的兩個角色. 我呢就冇呢個感覺, 自己做的, 只係一種樂趣, 不敢說好過或抵食過街買的, 有時自己做的, 成本仲貴過買 : 少量和用靚料.
拿, 雪芳蛋糕和田園包, 17小時包就好難買到了
夏天真係好自然就好想食冰涼嘅野, 你這個新產品又真係好黑朱喎. 算吧, 夏天吾怕食, 出身汗就消耗晒喇
回覆刪除[版主回覆06/13/2009 10:34:00]唉, 如果咁易消耗就好了.......妳唔駛tum我了, 我知食一枝甜筒, 跑兩三個鐘至消耗得晒........我冇, 所以我已經好耐冇拿出我的性感泳裝了.
你係甜精加朱古力精.......簡直係個"爲食精"尼！
回覆刪除甜筒我至享受係面頭的朱古力同埋塊威化餅~
[版主回覆06/13/2009 10:31:00]好彩, 我有自動機制..........好快飽, 飽左就食好少........否則我就變左"肥精".
有時吉之島都有得賣. 我尋日在康怡的吉之島買到.
回覆刪除[版主回覆06/14/2009 15:05:00]太好了, 好好放縱一下啦!!!
係 噃，講起17小時麵包，你好似仲未解釋點解麵糰用機攪好過人手搓喎！
回覆刪除[版主回覆06/14/2009 15:07:00]哎呀, 我的17小時包經驗很淺, 怎可做解釋? 一於去和廚房男, 或者原創者阿堅傾傾啦!
你講既紅豆樂同朱甜筒都係我好鍾意食架......你講得咁好食..有機會都買來試試先.
回覆刪除[版主回覆06/14/2009 15:08:00]一於去買番盒啦, 暫時是我吃個最合意的朱筒.
你話你經驗淺，你謙 啫！ 咁點解上次你又會咁講 嘅 (你話做17小時麵包最好就用 KA )？
回覆刪除仙姐個網頁好似好少 updated，同埋好似無得留 message。
好，就問 吓廚房男啦！
[版主回覆06/15/2009 19:12:00]最主要係我覺得個麵團濕, 濕的麵團機搓會好d, 不過我的經驗少, 又未真正用過機搓, 所以唔作得準. 其實17小時包用手搓都ok, 好似我做的三次都算幾成功, 17小時包手搓係難d, 不過麵包好香, 味感複雜, 值得中等經驗的包友一試.
講麵糰濕，濕極都唔夠我 啱 啱整果個 免搓麵包 麵糰濕啦！真係濕到想死呀！ 我今日去過大昌，都見唔到隻黑朱甜筒，唔知係咪因為 喺你 嘅大力推介下賣到斷市呢？
回覆刪除