老爸不會做糕點, 不過近年都有做年糕, 而且很好吃, 是外面吃不到的. 外面的多是曖昧的橙色, 軟軟的, 煎好後一pat pat撻成一塊, 得個甜字, 完全不香, 像吃香口膠.
這兩年我也試試, 我問他怎做.
他說 : 一包李祥和糯米粉, 不要用其他的, 做出來黐牙的; 7至8磚蔗糖, 不要買超市的蔗糖, 要買雜貨舖的, 一碗水煮溶d糖, 攪勻d粉, 蒸一個鐘零九個字至兩個鐘.
我說 : 一碗水是用什麼碗(我都唔敢問他是幾多ml !), 夠嗎?
他說 : 梗係唔夠啦, 杰就再加水, 加到剛剛好.............吓? -_________-!!
我說 : 咁呀, 都係你蒸比我好了, 不過一定不要加椰汁呀!!!!! (年糕我喜歡吃蔗糖的香, 加了椰汁便蓋了)
蒸好了, 初期好軟, 放一天就好硬, 很香蔗糖味 : 對了, 就是這樣了, 是小時候吃的味道.
今天和老友團拜, 親自吹噓一番, 和下廚煎來吃, 蘸蛋三次(老友不吃蛋, 另上冇蛋的), 煎好後, 果然是又軟又滑, 但不黏牙, 很香蔗糖味, 正!!!
好耐有食過年糕lu, 唔記得舊年有冇食過. 剛剛husband行過見到d相, 問我點解今年冇年糕食喎.聽日飲茶叫碟比佢食囉.
回覆刪除[版主回覆01/28/2009 15:25:00]近年幸得老爸蒸, 才有得吃, 我家是沒有蒸糕的傳統的. 以前小時候在大澳也是親友蒸好送些給長輩, 所以我吃過正宗的年糕
現在街買的, 橙橙紅紅, 吃下去將吃香口膠多過年糕, 所以我都冇買的了, 現在我要練習, 不過一年只練一次, 冇乜經驗.
哈哈, 原來你都係唔要椰汁既 ! 外面賣既顏色確實超古怪, 唔似係食物 ! 都係屋企既秘方最可靠 ! "加水至剛剛好"真係可圈可點, 所以經過上年既失敗, 今年再接再厲, 成績比上年好. 外形, 顏色, 軟硬度都似, 但就始終唔及以前媽媽既好味 ! 可能依家既原蔗糖都唔同左味 lu !
回覆刪除[版主回覆01/28/2009 15:38:00]冇錯冇錯, 今年老爸給我的蔗糖都不給去年的黑和香(我收埋兩舊的.
他整的時候我又不回老家, 所以我都係問了之後自己摸索, 去年的還是不太滿意, 太乾水, 今年再試, 不過只能試一底, 沒人吃.
我現在蒸緊, 要明天才知結果, 交流吓啦.
好正呀. 我唔敢食多, 一 件蘸蛋的就剛剛好. 謝謝.
回覆刪除[版主回覆01/28/2009 15:49:00]好的好的, 真的好好吃, 不過新年吃了太多肥膩野, 我都不敢多吃, 所以只能玩一底.
I ha ven't had 年糕 this year tim~
回覆刪除[版主回覆01/28/2009 20:49:00]來一件吧
我也是每年年三十做一次，我的是我老媽的真傳，其實也是口傳 : 一斤糯米粉用一斤片糖減一片，咦，也是用一碗水煮溶放涼，兩者混合，稀杰用筷子挑起落下，慢慢的才回復平滑的程度，蒸一柱香時間。
回覆刪除年初一我家的早點一定有雞旦煎年糕。
[版主回覆01/28/2009 23:41:00]有冇得睇呀??? 一碗(飯碗)水是不夠的, 一斤粉(~600g)我下了兩碗+小半碗才夠呢, 大約是750 ml水吧, 才剛剛好. 妳的描述真好 : "稀杰用筷子挑起落下，慢慢的才回復平滑的程度", 一炷香........哈哈, 我沒有點香, 我蒸了2小時.
蛋煎年糕, 太好吃了! 我家只有我和老爸愛吃.
識煮嘢既人大部份都冇份量既....咁多糖只加一碗水就煮得開啲糖? 下年你要去你爸爸到偷師先得喇~
回覆刪除加唔加椰汁都鍾意, 但蛋就一定要蘸, 好味!!!
[版主回覆01/29/2009 21:45:00]係呀, 一碗水足以煮溶7片糖, 不過要常常攪拌一下, 否則一滾就回勁起泡..........不過拌粉時要加水的,
他做緊糕時我多數返緊工 :p
整得好靚,我都好中意食呢種傳統既味道~
回覆刪除[版主回覆01/29/2009 21:51:00]係呀, 我都好喜歡傳統的年糕呢!
當然不是只下那一碗糖水啦，要多加清水至理想稀杰程度 : 用筷子挑起粉漿落下，慢慢的才回復平滑。
回覆刪除有空來我處看看我的！
[版主回覆01/29/2009 21:56:00]哇哇, 妳的家傳年糕好靚仔呀!!! 為什麼可以那麼平滑? 可以教我嗎?
大家也去kittycn50處看看
http://hk.myblog.yahoo.com/kittycn50?suc=1
謝謝這樣好味的年糕﹗希望明天可以「重操故業」呢﹗
回覆刪除[版主回覆01/30/2009 19:48:00]妳也整糕? 好呀! 等睇.
這些傳統的食物,都是細個時那些好食d,現在街買的味道已經artificial得好緊要!
回覆刪除