放假天, 約同學會來家一聚, 做個雪芳, 雕雕印仔, 大家都說有興趣.
老友帶埋班蘭葉來, 希望今次不會又係凹陷收場.
託老友的好手氣, 好成功呀, 蛋糕又鬆又軟又潤, 最緊要係......平的.
老友帶來cracker和東歐買的鵝肝醬, 好一個下午茶.
還有我買的兩款長崎蛋糕Castella, 這種蛋糕真神奇, 只是用蛋, 麵粉, 糖和水飴, 冇油冇發粉冇乳化劑的.
先是在大浦天主堂下的小店買的清風堂, 當天就是被他闊綽的試食吸引, 一試........好好吃呀, 蛋味好香.......
跟住係百年老店文明堂總本店買的, 一樣係緻密軟潤, 好像蛋味不及清風堂.......但兩款蛋糕都是很甜的, 配綠茶最好.
今天5缺2, 問老友, 不如我幫妳雕一個印啦, 妳想要乜.....
........我最錫肥曲, 你雕個肥曲比我啦......
........吓, 咁高難度, 冇咁高功力喎, 我怕雕出來走晒樣.........
.........我都係講吓啫........
.......嗯........好啦, 我又挑戰吓先.......在facebook拿了肥曲一幅相, paste在word, 將相片格式化為黑白, 再執一執, 轉在膠片上, 慢慢來........
最後.........成功了!!!!
哈哈 ,好好玩呀! 老友, 收貨嗎?......呀, 係肥曲, 收貨嗎?....
下次妳們來, 一起切磋啦!
在小三處趕來, 先來一小塊蛋糕
回覆刪除嘩嘩嘩!!!!!!!!!!!!!!
肥曲是她主人的大作嗎?
你這老師教得好才有這些好學生的成績.
[版主回覆04/12/2010 08:52:00]有機會我整個靚和唔凹的雪芳蛋糕妳吃.
個印仔, 係在下拙作........都幾滿意呀, hehe
個印你整?? 好利害!!! 靚!
回覆刪除[版主回覆04/12/2010 08:54:00]係呀, 原來又不是太難, 只要找一張適合的相. 狗仔多毛毛反而易, 因為冇乜平滑直線.......係花d時間慢慢來.
你好叻呀, 同幅相一模一樣。
回覆刪除[版主回覆04/12/2010 08:54:00]都有8-9成似呀, :)
jenny,
回覆刪除當日同學會五缺二.
moon哥,
你~~~捨得將肥曲送出嗎？
小六,
曲曲很可愛呀！
[版主回覆04/12/2010 10:33:00]捨得捨得, 我享受雕的過程, 仲有影埋相就ok了
第日又約過啦.
我老公都話肥曲嘅眼神都似埋呀, 我果個就........
回覆刪除[版主回覆04/12/2010 10:43:00]隻眼幾精靈呀, 練多幾次就好快進步了.
一睇就知係肥曲啦, 小六咪好開心, 一日追住肥曲黎打印 幾時同小三做番個CC, BB呢????好提議掛小三???? 你吾同自己做番個Moon 記嘜頭????哈哈哈!
回覆刪除[版主回覆04/12/2010 11:39:00]有8-9分似呀.......第一次雕照片印仔. 仲可以好d, 例如怎處理灰度部份......印仔係冇灰度的.
雕人像, 唔好喇啩, 人像更難, 稍有少少偏差就分別好大, 到時就唔好了.
我都開始雕印仔，不過雕得好簡單，真係要學吓師至得喇，你幾時開班呀？
回覆刪除[版主回覆04/12/2010 11:36:00]我都係初學咋, 我係Yves Kitchen學左兩堂, 所有功夫都係老師傳授, 快去facebook入group啦, 她們會在那裡通知開班的呢!
你真係好好心機製作啊！我同意 phlee的提意喎！幾時會有你的嘜頭？
回覆刪除[版主回覆04/12/2010 11:57:00]哇, 唔好了, 我邊有肥曲咁靚呀!?
小六﹕當然收貨啦
回覆刪除肥曲﹕收，如果有得食埋仲好啊﹗ho...ho....
多謝晒，真係成隻肥曲咁款啊
[版主回覆04/12/2010 20:44:00]哈哈, 她跟本就係肥曲........喂, 改良版左了.
肥曲話, 呢舊嘢, 又韌又冇味, 有乜咁好, haha!
十足餅印咁~ 印子裏的肥曲好有活氣~~ 仲以爲你雕阿谷德眧添~~~~
回覆刪除睇你玩雕印子玩得好過癮，又雕得好靚，絕對係值得花時間0既~ 睇怕我都沒有咁0既天分
[版主回覆04/12/2010 20:46:00]他是肥曲, 不是肥谷, 肥谷 no good......
雕印仔, 好好玩呀, 呢個印, 我估由起稿到完成, 三個鐘倒啦, 下次會快d.
好勁呀! 咁難的你都整到(個印呀)
回覆刪除[版主回覆04/12/2010 20:48:00]係呀, 我都估唔到, 膽粗粗一試.
其實我對線的粗幼仍是掌握得不好呢!
狗兒雕得很神似呀 !
回覆刪除[版主回覆04/12/2010 20:48:00]有8成似啦!
好掂喎
回覆刪除[版主回覆04/13/2010 09:34:00]幸好ok左!
嘩。。你真是有美術天份，不是將顔色像轉爲黑白。。然後刻在膠板上那麽簡單。。怎樣把輪廓表現出來已經需要一定的美術底。。AMOON 你中學時美術一定好好吧？
回覆刪除[版主回覆04/13/2010 09:38:00]我d美術, 中學都ok嘅, 不過之後就止步了.
現在有電腦的幫助, 方便好多, 人人都可以做到的, 我只係後期加幾筆呢.
你真係好得....!!!!!! 見印仔即講．．．唔係ａｒ ｍａ！！！！！！！！（驚嘆中）
回覆刪除[版主回覆04/13/2010 09:38:00]只要有心機........和時間, 慢慢練, 都ok的
個印仔好 靚呀.
回覆刪除[版主回覆04/13/2010 09:40:00]我自己都意外驚喜呀!
嘩，你挑得好神似呢，俾十個叻你!
回覆刪除[版主回覆04/13/2010 09:40:00]thanks ar, 我以為我第一個會雕爛, 點知又ok.
真係好似呀, 你的雕功真係好掂
回覆刪除[版主回覆04/13/2010 09:42:00]其實有一半係電腦的功勞, 它幫我將彩色變純黑白.
moon哥， 你真係好勁揪。尤其肥曲個個。 呢牌我玩緊整Mascarpone Cheese，我想整個tiramisu膠片，請問你點print落膠片度，膠片邊度買？thx!
回覆刪除[版主回覆04/13/2010 13:40:00]啊? 係咪即係類似轉印紙.......呢個我只係識買現成的, 自製真係唔識了. 如果只係透明膠片, 我估在某些文具店問一問有冇以前的投映膠片.......我估現在真的很少很少了.
我想話呢．．．假期中我都做咗班蘭雪芳，冇用到你嘅暖漿法，結果個蛋糕甩模之後，個面好似畀人按咗幾吓咁，有幾個凹位呀！唉~~~ 睇到你食文明堂嘅カステラ我諗番第一次去日本都喺買文明堂嘅，雖然好甜，但喺食過呢一次就愛上咗呢款蛋糕，神奇~~~ 如果你有機會去金沢，或者喺成田機場嘅ana shop，試吓烏雞庵嘅カステラ吖，唔喺好甜之餘，仲有好香好香蛋味，好好味呢！推介~~~ http://www.ukokkei.co.jp/
回覆刪除[版主回覆04/13/2010 17:56:00]哎, 妳都係和我同一族了......今次我係暖蛋黃漿, 冷蛋白霜.......竟然得左........哎, 好次中六合彩. 可能係老友手氣好啦, 不過我平時做法係一樣的.
日本呢, 我最愛就係吃雪芳蛋糕, 和百貨公司地下的著名蛋糕店. Kastella呢, 我就ok啦, 不過去到長崎, 我一定要吃這神奇蛋糕, 冇油冇發粉冇乳化劑...........烏雞庵......好, 記住.
嘩, 你呢個印仔真係雕得好靚呀
回覆刪除[版主回覆04/13/2010 17:59:00]多謝妳呀師父,我會努力玩玩玩了
好...我明白了...以前用舊爐係冇呢個問題,可能新爐內裡比舊爐高d,所以以前會焗得糕面乾d,我下次會再較上火焗一焗糕面了
回覆刪除[版主回覆04/15/2010 08:47:00]係呀, 焗到外面金啡, 裏面都係潤咖, 冇問題.
回覆刪除kekeke! 交功課.
[版主回覆04/15/2010 08:48:00]好好好, 惦惦惦!
個印仔真係靚到無得彈，唔知仲以為係電腦雕 o架！
回覆刪除[版主回覆04/15/2010 08:49:00]有好多手雕痕跡呀.....呢d係電腦雕"做唔到"的, haha
WOW, 你挑得好靚呀！像真度 100%。有時間真係要去試下。唔知暑假有無呢？
回覆刪除[版主回覆04/15/2010 08:52:00]8-9成啦, 仲可以再仔細d, 不過我的功夫止步了, 都超越左我的極限了, haha
Yves Kitchen成日都開班咖, 妳去facebook add入他的group, 或者打去問吓啦.
http://www.facebook.com/album.php?aid=153011&id=611448340&l=0c82367325#!/bonnieyves?ref=ts
其實我覺得長崎蛋糕Castella味道都係一般。可能你的雪芳好食啲。B-Speak蛋卷就係好食可惜貴。
回覆刪除[版主回覆04/15/2010 09:05:00]
我欣賞它呀, 它的潤澤細緻的質感, 係世上其他蛋糕所冇的, 獨一無二的. 試做過的糕友就知係難度極高的.
仲有係他是世上唯一(我估係)完全不用油脂的蛋糕呢. 加上他們都係堅持用靚材料的, 所以好有蛋香和糖香........不過, 平心而論, 真係好甜, 不能當一般平日吃的糕, 而係只可以切一小塊, 喝茶時吃.
加上我好欣賞的係好多castella都係百年老店, 它們堅持百多年只係專注做一種蛋糕, 真係一種, 沒有其他......(文明堂不是, 他也有其他糕點). 這份文化感都係好吸引的.
話到尾, 我係烘焙迷, 和日本迷, haha
---------------------------------------------------------
B-speak, 唔好提了.......貴不是問題, 他們的質素, 係超值的, 但係我食唔到呀......woowoo :(
moon哥你實在太厲害,
回覆刪除有咁多興趣又樣樣都掂~!
老師收到你咁有天份既學生真係開心死~!!!
今次影d相仲好和風tim呀,超靚~!
[版主回覆04/16/2010 07:34:00]原來慢慢整吓整吓, 又ok喎, 我都估唔到會成功.
今次拍左好多相呀!
大佬 moon, 睇完你的印仔系列， 你的神乎奇技， 實在令我大開眼界， 勁啊！
回覆刪除[版主回覆05/24/2010 08:08:00]阿四小妹妹, haha, thx, 我只係好短經驗咋, 個多月左右啦, 未成火候呀..........不是太難, 但易熟難精, 下次見面, 教妳玩!!