昨天ot, 冇時間做包包, 好又來雪芳........今次試我的死敵, 十次有九次半都凹的
咖啡雪芳.
加入的是nescafe的espresso, 原來咖啡粉都好靚咖!
雞蛋都係, 北海道白樺農場雞蛋上面一粒粒的水珠和雀斑......平時真係冇留意
........都係開工了.
蛋黃3個(55-60g) 糖20g 油35g 咖啡粉1tsp 奶50g(叮暖) 座大暖水(約45度)逐樣加入打勻, 再篩入低粉75g拌勻
蛋白120g 糖40g 鹽少許 座暖水打至拉起出現軟勾.......座暖水打的蛋白霜比較粗, 不夠幼滑
將蛋白霜分兩三次fold入蛋黃麵漿, 量一量, 是31度, 拉起呈絲帶狀, 入模, 剛好7成.
蛋糕升得很溫文, 有d不太夠鬆, 不過這也是好現象.....
待涼, 收縮不太嚴重, 脫模了.........好嘢!!! 好平呀! 係有少少未夠鬆, 但係蛋糕好幼滑, 暖的蛋白雙沒令蛋糕變粗, ok呀!
太好了, 可以安安樂樂和太太出街吃個lunch, 這個星期日真愉快.
我都好想食.... 睇下今晚有冇時間整先
回覆刪除希望我都會大成功啦
[版主回覆01/31/2010 18:24:00]今次真係近年第一次做到不凹的咖啡雪芳, 希望暖麵漿真係解決問題啦!
佢爆得好溫柔wor
回覆刪除整件o黎食下
[版主回覆01/31/2010 18:54:00]係呀, 成功呀, 試吓啦! ^_^
嘩~~~ 我覺得第二張相片影得好靚, 清晰的見到細渺粒粒的咕咕力粉。100F2.8, 抵啦~
回覆刪除[版主回覆01/31/2010 18:55:00]好好玩, 好有feel, 如果100%放大, 好次一個大砂丘咁, 一粒粒砂都清楚呀!
勁呀, 雪芳達人!
回覆刪除我都想我d雪芳整得更好............@.@
[版主回覆01/31/2010 19:00:00]好慚愧呀, 做左咁耐雪芳, 至話剛剛摸熟了.......試吓做吓, 其實好簡單, 多d人試做, 至有更多經驗分享.
Good! 實驗又成功 la ！
回覆刪除[版主回覆02/01/2010 07:37:00]吁........希望以後都安安樂樂.
自己無時間做, 睇下都是開心的。
回覆刪除[版主回覆02/01/2010 07:37:00]睇吓幾時得閒又做吓啦!
你好呀 ~ 第一次係度留言 ~ 我係 DIY 的 討論區睇左你地各位高手的心得好耐架啦 ~ 但一直都無留言比你地 ~ 我今日都試左個芝士雪芳 ~ 真係多謝晒你地一直無私的提供心得同意見 ~ 我地的新手先有得參考架 ~ 以後請多多指教呀 ~
回覆刪除[版主回覆02/01/2010 07:39:00]你是diy的網友......我都好耐冇上去添.
大家一起多整雪芳蛋糕, 多d經驗交流呀!
恭喜完你添丁又要再次恭喜你, 亞芳聽教聽話
回覆刪除[版主回覆02/01/2010 07:40:00]真係輕鬆晒, 唔駛再做實驗, 有覺安樂晏覺訓吓, ^_^
我今晚冇整.... 比d 秘訣我先.... 等我務必成功
回覆刪除暖麵漿係邊一part做呀
[版主回覆02/01/2010 07:42:00]蛋黃麵漿要暖, 打蛋白都係要暖, 拌好後成個麵糊都係暖......30度倒啦.
我幾驚你又......... , 好彩好彩, 吾係又搵亞芳黎猛攪!
回覆刪除[版主回覆02/01/2010 07:43:00]我都好驚又要做實驗.........好彩有覺好訓.
好囉, 又成功
回覆刪除[版主回覆02/01/2010 17:02:00]希望keep住, 我真係唔想不停做實驗了.......
試做咗咁多次終於成功啦!嗰種開心真係用字都不能形容到呀!係咪呀?
回覆刪除[版主回覆02/01/2010 17:03:00]我個心輕鬆晒........我只係想輕鬆做到一個蛋糕啫.
又真係好勻稱喎~唔錯唔錯~
回覆刪除[版主回覆02/01/2010 17:04:00]今次真係好, 我試多一兩次, 就可以確定是否真的成功了.
嘩~你仍然對雪芳好執著呀!!~
回覆刪除不過今次呢個真係爆得好靚靚靚靚靚靚!
同埋你支鏡影出黎都好靚呀!!!
[版主回覆02/01/2010 20:11:00]我支新鏡的確很靚呀!
靚過我個蛋糕好多, haha
你D相&蛋糕都好靚喎
回覆刪除[版主回覆02/02/2010 07:49:00]好似相靚d, 蛋糕就好食, 好快吃晒.
回覆刪除點解要坐暖水打蛋白呢，仲有點解要整個過程都要維持30C? 我好怕打蛋白，凍先易打起，咁暖水我怕打唔起，有乜技巧呢? 你呢個係幾多寸模?好希望有一天可以做到你咁靚嘅戚風!
[版主回覆02/02/2010 07:54:00]暫時發覺暖麵漿焗起上來不會勁膨脹, 又不會勁收縮, 適合一些易凹陷的雪芳蛋糕, 焗出來又靚仔d.
蛋白係凍打靚d, 但係膨脹得太勁了. 而且蛋白凍打, 加入蛋黃漿後整個麵漿又不夠暖............我都要試多幾次, 慢慢摸熟蛋白的溫度.
我用的是17cmKAI鋁模. 試吓整吓啦.
計我話...係你d蛋糕靚!
回覆刪除你d蛋糕唔靚既話支鏡幾靚影出黎都唔係靚野!
所以結論係蛋糕靚,鏡又靚~哈哈~
不過你呢支係咩鏡黎架?@@
[版主回覆02/02/2010 08:01:00]攝影效果, 可以美化好多咖. haha
我呢支係c記100mm f2.8L macro鏡, 很好.
恭喜你呢，最困擾你ge咖啡戚風都已經比你征服埋，相信呢個方法好適合想戚風呢!!應該再無咩野會難到你啦!!
回覆刪除[版主回覆02/02/2010 07:55:00]多謝多謝, 希望呢個方法可以令我安安樂樂有蛋糕吃.
^~^靚~!!
回覆刪除[版主回覆02/02/2010 13:30:00]新鏡頭下, 更靚, ^_^
你整嘅雪芳真係好靚呀! 你用幾吋模ga?
回覆刪除[版主回覆02/03/2010 07:47:00]ok咁啦, 我用的是17cm kai 鋁模.
wow~L鏡...唔怪之得咁靚!
回覆刪除有紅圈圈,高檔野!好羨慕!
得閒真係要多d黎學習雪芳同睇靚相!
[版主回覆02/03/2010 08:00:00]希望買左可以多d拍攝, 咁就抵返晒了. 我另一枝唔係紅圈, 真係差左d............係更貴的zoom lenses.
後來才發現, n記係枝枝都係金色的ED鏡, c記就做唔到了.......哎, 買一支鏡, 通常都用10年以上. 真係希望它係紅圈,
我估計最大原因係同爐有關,可能爐溫唔平均,所以做到凹陷雪芳,你2010嘅其中一項大計係換爐嘛,所以快d換啦,哈哈...
回覆刪除[版主回覆02/03/2010 17:50:00]我估都係, 我個爐太單薄, 溫度準但不太儲熱........哎, 但係我剛剛敗了很大的家...........養下荷包先........:p
嘩！蛋糕好靚仔喎。加上有新鏡頭，隻雞翼又 3d。真係好似囉得尼食咁！
回覆刪除[版主回覆02/03/2010 17:52:00]haha!!! 3-D雞翼!!!! ^_^ ^_^ ^_^
薄景深真係令相片有一種很有深度的感覺, 所以我中招了......
我坐暖水打蛋白唔得呀!個蛋糕直情升唔起呀! 搞到我無心機影相添! 下次再試!
回覆刪除[版主回覆02/04/2010 09:26:00]唉呀, 咁暖麵漿只係識合勁膨脹勁收縮的雪芳, 如果係唔太膨脹, 就要用返冷蛋白了. 我估不同爐要用不同溫度的麵漿了.
回覆刪除HiHi
有些食譜教人先把整隻雞蛋用暖水浸熱才分黃分白，有些則說蛋白要近乎零度（連大碗冷藏至蛋白邊結冰）。個人經驗是暖的蛋白打起後沒有冷蛋白打起般多，但由于麵糊溫度比較高，進爐後升的速度較快（但不一定高，視乎有沒有其他重的材料如果汁、朱古力漿等）。口感方面我倒不覺得有太大分別，可能是因為我不夠認真，要求低吧。。。
Mavis :)
[版主回覆02/04/2010 17:41:00]我估冷蛋白的確係膨脹力比較大, 所以蛋糕會升得好勁, 適合蛋糕時常升不起的餅友, 或者蛋糕怎升也不塌下的餅友(不凹一族)
暖蛋白升得溫文, 所以適合蛋糕升得太勁, 又易塌陷的餅友(凹陷一族).......
至於穩定性 , 我發覺只要打得好, 冷暖蛋白霜都好穩定. 兩種麵漿做出來的蛋糕都很潤滑, 冷蛋白做的當然鬆發d啦.
仲要做好多次, 我才開始夠火候呢!
雪芳好靓，我呢度买不到nescafe牌 的 espresso，所以只用 nesafe classic。
回覆刪除[版主回覆02/07/2010 08:11:00]這裏也常常缺貨, 所以一見到就買了. 其他咖啡都可以的, 快d買個新爐, 開工啦!
凹頂是我家的永遠的default setting，簡直是令人心灰意冷。到最近我都是直接就切好片包裝給大家吃免的看着傷心。最近比較閑我終于嘗試了你的暖漿法。 真~的~奏~效~呀~~ 看着平頂的伯爵雪芳，好滿足
回覆刪除[版主回覆02/07/2010 08:15:00]太好了...........! 原來妳都係凹陷一族, 咁o岩了, 齊齊努力, 做多d平頂的雪芳, 可以成個拿出去!
Nescafe牌 的 Espresso真係好鬼煩，經常性缺貨，真係一定要見到即入貨，我家我公司附近的也沒有貨
回覆刪除[版主回覆02/12/2010 07:48:00]係呀, 見到就買番一樽看門口. 只係百街見過.
打蛋黃糊係用手打定機打架？要打到咩情度呢？
回覆刪除[版主回覆02/12/2010 07:50:00]我係用hand mixer電打的, 蛋黃我習慣先加少少糖(1/3總量)打到少少變杰的, 亦有人喜歡就咁打散就ok
唔駛打到咁杰的.