突然很想試試用酸乳酪做蛋糕. 好買了材料就做起來.
很想盡量多加乳酪, 倒吓倒吓, 下了80g!! 麵漿水份很多, 鬆鬆的.......結果爆到七彩, 脫模後有點凹陷.........
3黃 4白 60g糖 35g油 純味乳酪80g 低粉75g 鹽少許
蛋糕超鬆軟潤, 不過收縮得很利害(見到收縮層嗎?) , 雖然仍是很軟......竟有點點豆腐蛋糕的味.......
奶類脂肪和蛋白質總是令蛋糕有孔孔的, 像芝士的效果.
仍是好好味的!
用的乳酪, 當然是北海道的! 蛋也是用日本北海道的Hokuren卵, 專程去Sogo買呢! 沙田一田的早已被搶購一空了.
......弟弟和我所見略同, 日本蛋比祖國蛋, 是貴1至2元, 就算兩天吃一隻, 一個月多花20-30元, 但吸收優質的蛋白質卵磷脂, 少吃了的蘇丹紅化學品, 什麼也值得了........
實在很唏噓!! 也很可怕!!
正！
回覆刪除加杯茶 ....
[版主回覆10/05/2008 17:03:00]正是正是, 我加了一杯澳洲牛奶, 好耐冇飲奶, 哈哈
今晚會去飲，先吃你一件打底，再來一杯茶送餅，
回覆刪除偷得浮生半天閒
[版主回覆10/05/2008 17:30:00]好呀, 今天不用去做特工嗎?
接餅啦.............!
yoghurt chiffon cake? 好好味? I also want to try lei!
回覆刪除[版主回覆10/05/2008 22:35:00]相當好味, 只是沒酸味.
嘩又有新創作！我又要試！
回覆刪除[版主回覆10/05/2008 22:36:00]好呀好呀, 最緊要記住是北海道純味乳酪!
妳整得好好呀!一定好好食
回覆刪除[版主回覆10/05/2008 22:37:00]都有一點瑕疵, 發得太勁以至凹左d, 再做好d, 加d麵粉和爐溫再低d.
This chiffon looks very good! I recently made a Tofu Chiffon but it was tooooooo wet....
回覆刪除[版主回覆10/06/2008 13:48:00]好鬆呀, 太鬆了........豆腐好多水份的, 蛋糕要焗透d吧, 可好少整豆腐雪芳的........
你這個係用sour cream????似豆腐??? ?咩味呢???? 乜中國蛋又有問題呀????? 咁係咪真係所有中國製做都避之則吉啊??????
回覆刪除[版主回覆10/06/2008 13:52:00]不是sour cream, 是yoghurt, 口感有d似豆腐, 味道像很談的芝士味. 中國蛋是早前有禁用的色素, 不過到了今時今日, 中國的食品有那一樣是可信???? 新城市的北海道蛋被搶購一空, 累得我去sogo買...... , 可惜澳洲蛋又貴到無倫......
moon, 新野bor ! 色泽好靓只是有点缺陷。
回覆刪除[版主回覆10/06/2008 13:53:00]係呀, 我打算再整一次呢! 希望.........
做蛋糕我通常用CK泰國蛋,平時食呢就食日本蛋,用日本蛋整蛋糕好貴~
回覆刪除[版主回覆10/06/2008 13:54:00]我通常都會食街市德國蛋, 但一來很少經街市, 二來價錢有$1一隻加到$1.5........都不便宜了.
有時真係物有所價﹐一分錢一分貨嘛
回覆刪除[版主回覆10/06/2008 13:56:00]不是天天吃的, 情願少吃貴一點, 也不想吃化學食品.
至於蔬菜雞牛豬.........唉, 冇法啦.
我而家都唔會食中國蛋啦!!!免一邊食一邊心掛掛..
回覆刪除[版主回覆10/06/2008 23:44:00]就算在街市, 我也買德國蛋呢. 安心d
我多數買德國蛋澳洲蛋荷蘭蛋
回覆刪除[版主回覆10/06/2008 23:45:00]hehe, 日本蛋$3一隻已好好了
嘩！咁今次呢個製成品的成本咪好貴？不過，起碼都食得放心啲。唉．．．真係乜都貴，好彩我從來都唔用中國的蛋 ( 呢一盤有三十隻果啲呢．．． )
回覆刪除[版主回覆10/06/2008 23:48:00]十幾二十元1個啦.........不過有時也用$1.5的德國蛋, 算啦, 吃在自己肚子, 值得的.
蛋糕如果濕潤的話﹐要快脆食晒﹐好快發霉尼~
回覆刪除唉﹗雖然﹐我們尼度的新鮮牛奶都幾好﹐經過尼次﹐買奶時我都儘量唔選擇濃的鮮奶﹐sun latte牛奶比較穩陣﹐稀稀d唔怕有什麼什麼青氨。
[版主回覆10/07/2008 16:44:00]吃晒啦, haha.........快發霉的另一個原因, 也是蛋的問題, 兩年多前有一次再伯街買了一pack祖國蛋, 打開發現蛋殼內有少少黑點, 當時不以為意, 做好的蛋糕只放了兩日, 裏裏外外都生了一點點的黑黴........好可怕!
奶的濃稀沒關係呀, 我去北海道一定飲香濃的牛奶, 妳那裡的奶也十分安全呀, 不過以我的年紀.......呀, 是月老的年紀, 平時我是飲澳洲保利脫脂奶的, 不過最近被搶到斷市呀!!!
祖國的, 濃稀都免了.
算喇~你月老住在太空，有新鮮空氣與新鮮食物，就可以活健康。
回覆刪除好的奶就留返俾的d, 被奸商害得病重的小朋友吧~
[版主回覆10/07/2008 17:54:00]香港接近祖國, 太多祖國食物在香港市場, 蒙牛, 伊利已令很多家長擔心不已.........我也吃了不少祖國奶類產品, 家人才三十多歲, 已患了兩次腎石...........相信從今以後一段日子, 我們都仍是擔心不已.
今早, 我在茶餐廳喝一杯阿華田, 一看, 廚房放了一罐罐"雙喜"淡奶, 又擔心起來. 上網一查, 呀, 是馬來西亞產品.......各位, 食物安全中心的部份化驗結果如下
http://www.cfs.gov.hk/english/whatsnew/whatsnew_fstr/files/List_of_food_samples_taken_for_tests_0924.pdf
日本蛋雖然貴, 但打開後見到佢既蛋黃紅紅已經覺得好味道 ! CP 都唔錯, 可以一試呀 !
回覆刪除[版主回覆10/08/2008 17:35:00]係呀, 尤其是 "約束蛋" 個黃好挺, 有不會"喎". 不過最近斷晒市呀! 我買開$19.5 半打.
不過有一隻"一田"買的.......好像叫什麼"......元氣"的就很不行了. 又貴.
聽說吉之島有一些便宜的日本蛋賣........
"絹" 都好好味架 ! 黃/白都 OK ! 如果大百佳做特價時只係 $16.9/半打, 都算抵買 ! =)
回覆刪除今日試左途手脫模, 原來效果真係好好 ! 以後唔駛做磨砂啦 ! =D
[版主回覆10/09/2008 19:42:00]咦 , 百佳有日本蛋"絹"賣? 好呀, 等我去看看先.
徒手脫模, 好好效果的呀, 正宗的是要手脫的, 不太難呀! 是吧!
係呀 ! 只要膽大, 原來真係唔難呀 !
回覆刪除[版主回覆10/30/2008 20:32:00](Empty)
hi A moon,
回覆刪除我連做4個蛋糕都有凹陷, 我是跟"戚風零失敗"本書去整, 我我第一個原味戚風是無事, 但跟住4個戚風就開始出問題, 唯一不同是第一個放在焗爐中間, 但因升高靠近發熱線, 所以跟你一樣放在下層, 及因買在kai白鐵模, 所以不能再放中層焗, 我看哂你有關雪芳的文章, 我都懷疑底火問題, 所以焗第3個戚風時, 放在架上(即是爐盤+鐵架),但仍然有一半凹陷
焗第4個戚風時, 懷疑之前蛋白霜過度打發, 所以打到7, 8成左右就收手, 但都仍然凹陷, 我的步驟是蛋黃+糖打發至乳白, 加油攪拌, 再加水攪均, 再加粉類攪均即停, 再加 1/3 蛋白霜至蛋黃麵糊內, 輕手攪均, 再加餘下蛋白霜拌勻後, 倒至模內, 放在架上(即是爐盤+鐵架),入爐後, 上升很高, 及好爆tim(是不是蛋白霜過度打發???)
其實都唔知點解邊度出問題, 連做4個蛋糕都有凹陷, 質地有少許實, 希望a_moon可以幫忙, Thanks!!!!!
[版主回覆10/30/2008 21:12:00]我也不時遇上蛋糕凹陷的問題呀!!
我已經不用焗盤, 而是直接把鋁模放在爐架上, 銀的的模吸熱較少, 但上星期日一樣焗了一個凹陷的咖啡蛋糕 :(
我想問題是 : 蛋白
一些書只說4白, 是很大問題呀. 我有3本雪芳蛋糕書, 清楚說明蛋白的份量, 分別是90g, 110g, 120g(for 17cm mould). 可是, 蛋的size是有分別的. M size, 4白約130g, ok! 但L size呢, 4白是150g, 可能是這樣, 蛋糕像souffle般爆起, 然後收縮到凹陷.
唉, 下次打蛋白後真的要秤一秤.
A Moon, 多謝你詳細解釋, 我會努力再試, 棄用鐵盤, 直接放在架上
回覆刪除至於蛋白, 我會嘗試用120g~130g, 因為之前我無磅到, 我估可能多了蛋白, 希望成功la