今天有點傷風, 鼻子塞塞累累的, 不過怎能不趁好日子開工呀!
上次的乳酪雪芳脹得太勁了, 吃下口感有點泡泡感, 今次, 把麵粉份量加到80g........
.......打蛋時好奇秤一秤, 原來我上次用的是L size, 蛋白足足有40g, 4白一共是160g!!! 怪不得發到像發泡膠
........今次用的是M size, 蛋白只有約32g, 4白是128g, 我扣起一點, 只用120g, 有點不夠鬆, 嗯, 我明白了, 3白4白要視乎用什麼size的蛋, 還是秤一秤好.......130g啦!
上次看一位餅友, 將急凍藍莓加入, 沒出水好好呀, 我也買了藍莓放在冰格一晚雪硬加入..........唉, 一個個超大洞洞, 我的方法有出入嗎?
此外我還減了糖加了乳酪. 結果一拌蛋白霜, 麵漿已不斷冒出氣泡.........看到吧.
3黃120g白 35g油 50g糖 80g麵粉 90g乳酪 鹽少許 冷凍藍莓十幾粒(出事了)
較好的配方是
3黃130g白 35g油 50g糖 75g麵粉 80g乳酪 鹽少許
奶類蛋白, 例如乳酪, 芝士, 總把蛋糕弄出大洞洞的, 藍莓弄了更大的洞洞......如果這是一個法包就好了..........
橋渦~我都做左個香焦雪芳。
回覆刪除[版主回覆10/08/2008 14:28:00]快d post上來睇睇啦.
港台劇集(食都要高清)在農莊內拍攝,11/11晚7:00請收睇
回覆刪除[版主回覆10/08/2008 14:31:00]我冇高清呀
係喎, 點解? 你有無將d藍莓滾上低粉先呀? 重有, 要最後用先取出來(一上完粉就倒入去面糊入面), 唔好一早就攞出來呀.
回覆刪除我今晚都係做呢個雪芳, 不過唔用中空模, 個樣無你的漂亮呀. 不過入面好軟好好吃呀.
[版主回覆10/08/2008 14:32:00]哎呀, 冇呀, 係喎, 又漏了, 係? 等我睇下先
咦~睇嚟嚟緊幾個Post都會係睇您點樣化腐朽為神奇
回覆刪除[版主回覆10/08/2008 14:33:00]都或者會呀, 悶親大家了.
我很小做雪芳, 所以要吃你做的. 藍莓沒有爆開, 如果用那種細粒D的wild blueberry會唔會好D呢?
回覆刪除[版主回覆10/08/2008 14:33:00]我係揀最細的才放呀! 等我再試.
, 你發夢都記住法包窿窿 . 你不如做個咸雪芳想像係法包般來吃.........唔......超正......好滿足.... ,...........我自己來 , 哈哈哈!!!
回覆刪除[版主回覆10/08/2008 14:34:00]車, 我都冇話要 ........
法包雪芳蛋糕, 個名好聽呀!
藍莓有冇yaam粉先加落去?
回覆刪除[版主回覆10/08/2008 17:26:00]就係冇落啦..........
>>>>
回覆刪除[版主回覆10/08/2008 17:27:00]<<<<<
賣相都好靚oY.
回覆刪除[版主回覆10/08/2008 21:32:00]靚呀, 好靚法包呀!
又吸收一次經驗 ^^
回覆刪除[版主回覆10/08/2008 21:33:00]係呀, 失敗乃成功之母.
再來一次改進版，預祝成功！
回覆刪除[版主回覆10/09/2008 19:43:00]會的會的, 不過先要去買北海道乳酪先!
moon, 会不会你一边做雪芳一边想法包， 所以就愿你所望！！
回覆刪除[版主回覆10/09/2008 19:44:00]hehe, 哎, 可能我一路做法包, 一路想雪芳, 所以洞洞很少啦!
moon好羨慕你總會做得那麼好.
回覆刪除momo近來試做麵包.
唔知點解又係. 實的的.
不知道跟過份發酵有關係嗎.
用多左4倍時間發酵.因為不在家 4個小時. """""""""囧
然後咬起來好硬的.像石頭一樣
[版主回覆10/09/2008 19:46:00]這個很麻麻呢! 大洞洞.....
實的的, 是發酵不足呀, 還有, 沒油沒蛋高溫焗的包, 是很快缺水變硬呢........等我過來睇下先....
我見過食譜書講過，急凍藍莓要沾上低粉才混入麵粉中，會否就是少了這步驟引致呢？
回覆刪除[版主回覆10/12/2008 19:36:00]我估係呀, 我忘了呢.........下次試吓先.
我睇書係咁講: 蛋白打發時, 最初用高速, 一打到泡泡咁, 就轉中速, 再低速, 蛋白霜才細緻及堅挺, 就唔會大洞洞! 還有蛋白霜不能打太硬, 可看這裡: http://hk.myblog.yahoo.com/meowylyric/article?mid=1944
回覆刪除[版主回覆10/12/2008 19:39:00]謝謝, 我知呀, 我都係咁樣打蛋白的呀, 不過一遇上乳脂或者乳蛋白, 如芝士呀, 乳酪呀, 到會出現大洞洞. 朱古力or可可粉仲犀利呀....
Moon你真係好好人呀!我睇過晒你所有雪芳既blog,你將好多整雪芳會遇到既問題都列出,又好詳細o甘解釋加分析果汁類/粉類/蛋黃漿/打蛋白/拌入麵粉等等,都係我遇過既問題,真係好正呀我整個7次都已經出現過以上所有問題,我發覺同一本書,成功整到一款,另一款點知又失敗,明明同一個作者,真係唔知點解.另外我整鮮橙味係成功的但一整藍莓或芝麻味,個麵糊本身已比較重身,當拌入蛋白時好像拌極都唔均勻,要拌多點時間唔知係咪甘又弄掉很多氣泡當拌好倒入模時已知會失敗,因整體好像好稀,份量又少結果個蛋糕升得一半但明明係出自同一本食譜架拉真係唔知點解
回覆刪除[版主回覆11/08/2008 12:06:00]不要這麼說啦~~~
我失敗太多次嘛, 久病成醫吧.......
藍莓的水溶性纖維多, 芝麻的油份很高, 都會令麵漿易塌, 唯一的方法, 是蛋黃打杰些, 蛋白打密些.....
做蛋糕, 是很講經驗和手藝呀, 變數太多, 包括食材, 爐具.....所以同一個食譜, 不同師傅做, 也是很大分別呢!
仲想請教你一個問題,可唔可以分享下點打蛋白呀?我見本本書都有出入:
回覆刪除1)用電動打蛋器以高速打至形成好多泡沫
2)調至慢至中速,分3次加入砂糖打至完全混合
3)轉回高速繼續打至企身(有d又教這step應用低速,使蛋白細緻堅挺)
請問你會打至7成企身蛋白尖端會呈勾形或成9企身蛋白尖端黏穩(硬角)呢?
而我自己就先用慢速,然後轉回高速打大約1分鐘o甘短時間係咪唔夠空氣入去呢?
唔好意思我問得o甘煩!!!
[版主回覆11/08/2008 12:13:00]我是先高速打發, 大致起了幼泡, 一次加糖, 高速打勻, 轉中速仔細將蛋白打滑, 至拉起呈小勾型.......由頭至尾我打大約5分鐘.
別客氣, 大家研究.
Moon多謝o甘詳細o甘解釋我聽呀我岩岩又整左個檸檬戚風點知 http://hk.myblog.yahoo.com/joylieling/article?mid=8 都唔知發生咩事,不過我唔會放棄架!
回覆刪除我琴晚做左藍莓雪芳, 用blueberry puree整, 用成150g, 都好出個味道.
回覆刪除而且我係先加1/3蛋白落蛋黃糊, 攪均之後再倒回2/3蛋白度(呢個方法好多書都有教, 不過一直粗心無留意 ), 嘩成品真係好鬆呀, 我而家明咩叫 "食風"喇!
不過, 明明焗的時候升得好高架, 一拎出黎我已經立即倒扣, 但都係塌下. 唔知因咩事呢?
仲有, 蛋白我打倒差不多好似cream咁, 但勾都係向下? 又係因咩事呢?
[版主回覆12/04/2008 22:12:00]哇, 150g藍莓果茸!!! 好多呀!!! 蛋糕好易塌縮噃, 竟成功了, 好呀, 可分享食譜嗎?
倒扣其實用處不大, 升得太好, 收縮越勁呢, 所以好的雪芳應該適中地升.
蛋白如加糖較多, 是很易形成彎鉤的, 只要夠滑, 是ok的.