手搓包包都6年了.....還記得由最初幾個餅友"也也烏"研究來研究去, 到各自發展; 由搓到一身汗, 到現在"舉重若輕"......一直都好享受手搓麵團,那份專注,手感, 自家感覺......
不過機搓的一些效果, 是手搓不能做到的, 例如起橡皮手套般的薄膜, 手搓是永遠也做不到的,
自從知道有KA, 雖然一次都未用過, 這個扭動蛇腰的dough hook麵團勾迷倒我多年了, 所以......終於......
本來是等出年大日子才考慮的, 但剛好老友識得人有折扣, 喂, 出年唔知咩世界喎, 買啦!!! 好啦, 死就死啦!
記得近年買很多個第一次, 也是老友推動的, 今次也是老友的慫恿(不知是否可以說是損友呢haha)
我都冇想過買部咁勁的機, Kenwood Kitchen Machine KM020 Major Titanium 哇,.......6.7L 容量, 1500W 大馬力......可以打 2400g 麵團, 嘩, 我個焗爐頂多焗500g麵團左右咋噃......好勁好勁......仲有三個高中低速外加機器接口......大才少用噃......
講靚仔, 就KA靚仔d, 但就算和KA7Qt的 970W 比, 我的KM020的 1500W 大力得多. 高速攪動時也不會扎扎跳, 體型也不算大, 找到一個角落安置它....
看, 250g粉400g的麵團, 小得多可憐
起初, 跟它的menu, 麵團用1速打5分鐘, 噢, 和手搓的冇乜分別, 冇薄膜喎, 後來另一位老友提醒, 不要理, 打到起薄膜為止啦, 打十幾二十分鐘咖!!!~~~吓??? 我手搓, 15分鐘咋喎.......
於是打打打, 真的起到和麵包書照片的一大片跟橡皮一樣的薄膜了!!! 手搓, 是永遠也不能做到的.......(有點懷疑麵包書說自己是手搓起膜, 是不是有"秘技"的呢?)
可惜冇手再拍薄膜照片.
試驗品1 : 甜餐包 - 打5分鐘, 麵團和手搓的差不多, 用了英國硬麵粉, 不對勁.
質感比手搓的煙韌少少......
實驗品2 : 綠茶包, 又是英國硬麵粉, 又是打5分鐘.....
質感更實, 不對勁呀! 可見機搓也不是萬能, 仍要配合好的麵粉和技術.
試驗品3 : 檸檬jam包, 改用了T55法包粉一試, 搓20分鐘, 第一次起到又大又薄的薄膜了!!!
膨脹得好勁呀, 好鬆好輕.....真像一個個氣球呢! 起膜起得靚的包, 不但鬆軟, 也更耐久, 放了3天仍很鬆軟.
試驗品4 : 朱古力包.
很奇怪的是, 如果用正常的水量, 麵團比手搓是軟得多, 出現黐缸的情況, 反而用60%水, 麵團的軟度剛剛好.......那知........
麵包很乾, 哎呀, 下次要用正常水了.
試驗了幾次, 才漸漸上手, 期望日後可做一些手搓不能做得好的麵包.
恭喜！恭喜！有個好幫手~ 幾銀呀？我好想賣我嗰KA，遲嚇同我講它的好與坏，等你~
回覆刪除[版主回覆10/01/2011 23:18:00]希望我多d用吓部機, 但我又想玩手搓......欠的是時間:p
hehe.....我都係用佢架
回覆刪除[版主回覆10/02/2011 22:01:00]前輩, 分享d經驗比我丫, 妳係咪麵團打到起薄膜咖>
我早幾個月前都買咗KM010，部機真係好得，當你見到個薄膜，真係開心死。特別係整17小時中種包，因為手搓係搓唔到。 你係用1度打20分鐘？我通常用2.5度打15分鐘。
回覆刪除[版主回覆10/02/2011 22:09:00]2.5度, 哇, 好高速喎........等我又試吓先.......呀, 我發覺麵團比手搓的濕, 會黐缸底, 你的會嗎?
我幾年前都買左部:
回覆刪除http://hk.myblog.yahoo.com/chinesecelery08/article?mid=1468
不過我又唔識整包, 又懶整, 用左都無十次 !
依家我每個星期用麵包機整麵包食! 你咁勤力, 一定會好好利用它了。
看看你用新機整包包，是否可以吸引到我再將部機攞番出黎用先 !
[版主回覆10/02/2011 22:10:00]hehe, 我就已經搓左5次了, 不是次次都咁成功. 練好d再整d高難度d嘅.
恭喜哂, 等你新作品.
回覆刪除[版主回覆10/02/2011 22:11:00]會呀會呀, 我都好想試多d.
我今日都用KA第二次搓包, 其實識手搓之後都可以用返機:P 有D好濕既麵糰都係用機搓好~雖則手搓可以減手臂~~~XD
回覆刪除[版主回覆10/02/2011 22:14:00]係呀係呀, 好些包都只能用機搓才有效果, 例如17小時, ciabatta, baguette......手搓不是不可以, 效果冇咁好. 不過, 我都喜歡手搓的.
恭喜你有個好幫手呀! ^^
回覆刪除[版主回覆10/03/2011 19:38:00]hehe, 仲要一段時間磨合一吓呢!
2.5度唔高，我通常係先用min-1把乾濕料完全混合成糰後轉2-2.5打至光滑就加轉回min-1加牛油，至牛油完全入晒後就轉2.5大概打多5分鐘，視乎麵糰狀態便收手........全程大約15分鐘啦，都要睇麵糰多少、水份等各樣架。
回覆刪除[版主回覆10/03/2011 19:43:00]icic, thanks for sharing. menu仲教用min拌勻d粉1分鐘, 再用1速打5分鐘.......唔怪得中衰過我手搓...... 2.5速, 好的, 等我試吓先. 係喇, 有一點好奇, 我用正常的水量(麵粉的63%),手搓冇問題, 但用機搓就好濕好濕, 仲會黐缸底添, 妳有這情況嗎?
原來手搓做唔到書中既簿膜!!!! 唔怪得啦!!! 我一路到覺得係咪自己搓得唔夠時間!!!! 聽你咁講, T55好適合用機搓~~
回覆刪除查實,,, 我都想買部機........
[版主回覆10/03/2011 19:49:00]係呀, 初時見到一些麵包書, 話就話手搓, 跟住一幅照片, 薄膜好似醫生手套咁......不過多左經驗, 就發覺手搓的薄膜根本不會那樣...... T55粉理論上不是高筋粉(粹取率低), 但筋性很強勁, 用來做法包就好, 但做軟包會顯得韌左d.
喂喂喂﹗你咁講係咩意思先，將我地CLASSIFY為損友系列…… 我部機每次用完都係入番盒，家中實在冇地方可以比個「長生位」佢
回覆刪除[版主回覆10/03/2011 22:12:00]哈哈~~~最佳損友呀~~~~ :D, 我僅僅搬左個狗竇比佢, 咁至可以多D用吓佢. 妳都快D搬返個位比佢啦.
Hi Amoon, 歡迎您成為Kenwood 的用家. 我都是因為要學做麵包, 見同學們都紛紛買機, 所以我都買了. 幾好用的. 以後我又可以在您這裡偷師了. 哈哈哈.
回覆刪除[版主回覆10/03/2011 22:16:00]我都係初哥咋, 你的包包都好靚呀! 多D分享吓經驗啦.
買咗KM，恭喜恭喜！有機方便好多！雖然有時都好享受手搓包的過程，但用機隻手唔會勞損吖嘛！ Enjoy！
回覆刪除嘩~ 一開始就咁多出品, 有排玩, 有排食呀! 原來係小六的好介紹.. 可惜我屋企真係無位!!!
回覆刪除太好了，你也加入KM行列，之後就又多一位明燈。 我覺得你說KM打麵糰比手搓濕， 可能是溫度的問題。 試過打含水量高的麵糰，明明材料都是對的， 越打越瀉，到最後差不多變成液體狀Slime一樣。 用手摸一下勾勾，發覺很熱， 不知道是高速打的問題還是機器容易傳熱， 也可能因廚房溫度高， 所以之後每逢天氣熱， 就把機器搬入開大冷氣的房間打，就沒有出現問題了。
回覆刪除[版主回覆10/04/2011 21:43:00]妳都係用KM嗎? 幾時分享吓呢? 十分同意妳的說法, 機搓麵團真係比手搓的瀉好多, 相信是高速打麵, 摩擦力令麵團溫度上升, 麵團就軟了. 嗯.......下次照打, 之後待涼就ok吧.
答訕﹕yc, 當你知幾錢，你就會有位擺架喇﹗
回覆刪除[版主回覆10/04/2011 21:44:00]haha, 妳好好找吓地方喇, yc
咁我執定個廚房先啦!
回覆刪除[版主回覆10/05/2011 22:06:00]heehee. 執得來就o岩o架喇.....:)
恭喜恭喜，又有新伙伴啦！！
回覆刪除[版主回覆10/05/2011 22:08:00]希望以後好好利用它, 和試驗一下手搓和機搓的分別.
手搓少變化，你用機與手搓分別不大是因為你沒掌握到(我也是)
回覆刪除有排你玩，有排你試，有時在炎熱的天氣要加冰打來降溫，你好學，我們等你寫報告.
ps. yc, 快些執吓個位
恭喜晒, 又有新玩具
回覆刪除哈哈哈, 你終於用機喇! 1500W好勁喎. 你做咁少麵檲好晒播, 不如做多点益街坊朋友同事親戚+損友都好啊, 哈哈哈! 外型我就覺得 Kenwood 靚過KA.
回覆刪除[版主回覆10/08/2011 08:09:36]破戒了, 本來我係"手搓派"的, 不過多個選擇都好丫. 部Major真係好大力呀, 唔怕燒機........可惜我個爐一次都係焗400g~500g麵團丫, 等焗兩輪又好難控制發烤時間.........第日試吓先.
KA樣子古典D, 又好多顏色, 不過部部都好似樣, 好易攪錯,. KENWOOD的KMix系列都好似KA咖, 又係好多顏色, 又大力過同級KA, 都唔錯的.
Moon 哥，你卒之都姣婆守唔到寡呀！係啦，都唔知啲麵包書係咪搵笨o架，成日都話用手都搓到薄膜，我用 food processor 加手搓都唔得呀！！你又唔叫你太太幫手影相，等我見識吓真正薄膜嘛！Sa 姐嗰部都好似係你呢部，但都唔覺佢搓到薄膜。
回覆刪除個綠茶包望落好乾好嚡咁喎！
[版主回覆10/10/2011 20:19:45]就係喇, 騙左我好幾年, 搓極都只係厚膜.........我好早起身做包的, 下次等她睡醒先啦.
其實我都係喜歡手搓, 好玩d, 但係有部機, 多d選擇嘛!
個綠茶包, 用左英國麵粉, 加上落左d綠茶粉, no good.
我都剛買了 但未識用 個幾個漿分別打咩嫁 ?
回覆刪除