在小鎮渡過我的童年歲月, 期間我住過兩個地方, 由於老屋有一段時間不夠住(那時人丁可興旺呀!) 大約在小學三四年班時, 在表叔表姑姐的屋子二樓住了兩年, 這裏也是我的舊居.......我們都叫她做"生泰樓上", 可能是表叔祖輩仍在大澳開店時, 店子叫生泰吧.......
這幢木樓梯, 不知留下多少腳印,
四妹, 妳一定記不起, 但妳一定要看, 那年妳還是bb, 我看著妳連人帶學行車滾到樓下.......妳竟瞪著眼不懂哭, 嚇得我們!!!!! 媽媽帶妳到市區留醫.......那段情境仍記得很清楚......幸好妳今天已是做了媽咪, 婷婷玉立, 青春活潑, 只是跌一跌做不了天才科學家或財經女強人, haha.
表叔家把生泰保樓子維修得很好, 幾十年後再見舊居, 勾起兒時幕幕回憶.......媽媽追住弟弟餵飯摔倒.......班主任家訪出現在騎樓我拼命逃跑......對面細喜叔生插鹹魚送我們白花魚春........
閣樓的小房子永遠鎖著, 裏面是.........原來是很多百年舊物, 看! 這是生泰號的古董收銀機吧........
這張西式書檯, 我小時候在這裏做功課......
不說你不知, 我的第一個做蛋糕體驗, 就是在這個廳子呢!
這是我渡過童年的百年祖屋.......長輩說, 二百年了!!!
仍然泉水不斷的老井, 已是碩果僅存了, 可惜現在不肯定水質, 已沒法再飲用.
今年井牆長了一棵蕨, 從未試過, 不是正常現象.......小時候夏天, 我們會打乾井水, 我也試過爬到井底洗井.......
老屋已垂垂老去, 漸漸失修, 我都希望可以出一點力, 希望它長命......三百歲.
我都有朋友由細住到大的, 可能你都識佢呀!
回覆刪除[版主回覆03/03/2010 20:01:00]真的.........不過我識好少人咋, 兒童對面不相識, 笑問客從可處來 ^_^
好有 feel........................
回覆刪除Moon爺, 你換咗爐未呀 ???
[版主回覆03/03/2010 20:01:00]haha, 未呀 , 遲一步先啦!
嘩~ 你家的傢俬仲保留住呀???好勢利!!!
回覆刪除[版主回覆03/03/2010 20:03:00]那些傢俱是表叔家的呢.........係犀利, 唔係勢利, haha!
嘩, 原來你間祖屋是這麼的大, 還有'走馬騎樓'. 好喜歡那閣仔, 木樓梯, Suen Zi table & chairs, 和那些大 water containers. 請問你的祖屋是否有開放給遊人參觀.
回覆刪除[版主回覆03/03/2010 20:10:00]上面的的表叔祖屋, 下面是我家祖屋呢! 我以前唔可以隨便去騎樓咖, 要得亞媽批准.......那個缸不是水缸, 我也不是載什麼的.
祖屋是私家住宅, 不開放的呢.
我最鍾意就係你舊居2樓的陽台，好靚啊
回覆刪除[版主回覆03/04/2010 07:40:00]有這種走馬騎樓的樓, 在大澳已剩下很少了.
昔日的物件 , 總是令人引起一段段的回憶。有甜的, 有酸的, 有苦的。
回覆刪除[版主回覆03/04/2010 07:47:00]漸漸淡去, 但回味尤有甜酸苦辣滲出........今天的我不斷向前走, 驀然回首, 那些才是我真正生活過的呀.........
曾經看過芥川龍之介的"斗車"........我有幸可做少年時的良平.
好有大户人家嗰種 feel 呀!!
回覆刪除[版主回覆03/04/2010 08:03:00]我的祖輩都算係當年的小康之家啦, 不過我是捱騾仔一族, haha
那些雲石椅子依家好少見啦...2樓我怕自己'論盡'無上去呢, 原來又別一番天地.
回覆刪除[版主回覆03/04/2010 15:17:00]二樓才是居室呢! 真係保存得好好呀, 好難得.
嘩
回覆刪除簡直是古物古蹟
可以做博物館呀！
[版主回覆03/04/2010 22:50:00]希望好好保養它們
你間祖屋都算 keep 得幾好呀，可以租俾人拍戲都得呀！
回覆刪除[版主回覆03/06/2010 00:43:00]嘩, 唔制, 拍完戲通常都甩皮甩骨咖.