年初二, 冷得我騰騰震......室內只有16度, 我的朱古力專用室, 只有10度!
突然想起, 咁冷的天氣, 正係做朱古力的好日子呀!
冰箱中還有一盒愛媛柚子汁, 早上煮了yuzu ganache, 好香呀! 下午取出Felchlin 72% Arriba黑朱, 勁香!
太太最愛的就係全黑又甘又苦的黑朱, 奶朱白朱總不是味道, 這點和我最夾, 加上酸甜的柚子餡, 很少那麼捧場!
朱古力上的花痕不是我擦花的, 而是它把模上的花痕100% copy出來.
冷的天氣做朱古力, 真係特別順利, 調溫好成功, 多光滑, 看朱古力上的小花倒影......
這個樹葉模真漂亮!!
今次做了雙層倒殼, 功夫多了, 但好成功呀!
脫模百分百成功!!
只是封底蓋轉印紙的手勢不太好, 刮除多餘朱古力漿時, 將一些餡擠了出來, 下次要改善了.
看這兩張絕版朱古力沙化, 那些星星不是貼紙呀, 是食用純金呢!
兩盤朱古力只得兩張咋, 和太太一人一個, 乾杯!!!
好靚呀 ! ^^
回覆刪除仲未取試做朱古力呀 ...
[版主回覆02/17/2010 15:41:00]我都係練習吓, 仲有好多手勢未純熟呢.
啊﹗好豪啊﹗
回覆刪除[版主回覆02/17/2010 15:43:00]金星係我弟弟去日本買來送我的, 其實每粒好細, 不是太貴, 朱古力和餡係好貴呢.
呢種天氣,真係做朱最好....
回覆刪除[版主回覆02/17/2010 15:43:00]係, 天然冷氣房!
好靚! 兩張沙化很有浪漫氣紛呢
回覆刪除[版主回覆02/17/2010 15:45:00]兩張沙化都係意外所得呀, 倒完殼, 硬了, 唧餡前, 它們卜卜的跌了出來, haha!
Moon 嫂望見已經心甜 !
回覆刪除[版主回覆02/17/2010 22:11:00]係酸酸甜甜 haha
呢排真係好鬼凍, 凍到手都赤赤痛啊!
回覆刪除好令, 反哂光呀
[版主回覆02/17/2010 22:14:00]真係凍得好利害, 要開暖爐才好過一點.
下次我都要整花盆仔. 但那裡找那麼多細細片薄荷葉........?
回覆刪除真係好 liang啊～lee 張相可以睇到啦～睇吓！古力面！liang到好似塊鏡咁樣！睇到花布的花紋呀～
[版主回覆02/17/2010 23:01:00]今次調溫好唔錯, 我好喜歡這個樹葉模, 好令呀!
嘩!!!!!!!!!!
回覆刪除[版主回覆02/18/2010 16:18:00]嘻!!!!!!!
實在太靚, 還有那個心形圖案, 真的很有心思. Good job!!! Well done!!!!
回覆刪除[版主回覆02/18/2010 16:20:00]今次整得幾靚, 心形圖案呢, 有d娘娘地呀, 不過那種轉印紙膠質很靚, 試吓啦!
(Empty)
回覆刪除[版主回覆02/18/2010 16:32:00]恭喜發財, 妳出來開年喇!
靚到勁令ar
回覆刪除[版主回覆02/18/2010 16:33:00]hehe, 謝謝.
好靚呀! 唔知d朱古力留得幾多日嘅呢?
回覆刪除[版主回覆02/18/2010 16:44:00]一個星期, 一定冇問題, haha!
好食呀!!我做過chocolate,但係都唔得呀!!
回覆刪除[版主回覆02/18/2010 22:35:00]我都係好生手咋, 有排練呢! 努力!
朱古力…朱古力…朱古力…朱古力…朱古力…
回覆刪除[版主回覆02/22/2010 07:50:00]試過, 味道怎樣呀?
閃閃星...好難放得咁靚,勁~
回覆刪除[版主回覆02/22/2010 07:52:00]用一枝牙簽就行了.
Ha,令得好誇張喎！D古力竟然可以倒影到D小花！好似印咗D花甘去咁呀！
回覆刪除[版主回覆02/22/2010 07:51:00]真係, 如果不是特寫鏡頭, 我都冇察覺呢!
實在太靚，加上又係 3D 朱古力，真係想攞粒食。
回覆刪除[版主回覆02/22/2010 07:51:00]哈哈, 3-d朱古力, 可能特別好味.
嘩~ 金星呀)))))))))
回覆刪除[版主回覆02/22/2010 07:53:00]幾年前我弟弟買給我做手信, 耐唔耐我就拿出來用的了.
即係整軟心朱古力？
回覆刪除[版主回覆02/23/2010 07:37:00]我估呢個係叫做bonbon chocolate, 你指的是裏面是軟朱古力的? 我都想學呀!
原來係 bonbon！軟心餡好似除 咗朱古力本身，仲會有其他味道，好似 rapsberry 咁。Johnny 度無得學咩？
回覆刪除[版主回覆02/25/2010 14:45:00]係, 我做過raspberry, passion fruit, 軟心朱古力暫時未見有得學呢.....
朱古力你都會做
回覆刪除[版主回覆02/27/2010 21:38:00]學過兩三次咋, 好少練呢