第一次去日本的東北, 第一次那麼長的旅程, 由東京起步, 走遍了岩手縣, 青森縣, 經過秋田縣, 到山形縣, 福島縣, 宮城縣.......最後回到東京.
記得宮崎駿的"歲月的童話"那一幕嗎, 我們到了妙子和俊雄談心的藏王和"御釜"(大鑊), 好奇怪, 原來長的旅途, 真的回帶著不少回憶和掛念, 重疊加入, 成為旅情中的點點滴滴.
http://hk.youtube.com/watch?v=iZzoGaWPyP0
想不到東北日本是另一個世界, 本以為青森, 盛岡, 山形也是一些很大的城市, 卻原來城市雖大, 但是shopping和eating十分悶蛋, 有趣的地方全在山山水水之中......
當然還有旅程中的精華......溫泉旅管, 今次真的浸了個夠.
最後回到極度繁囂的東京, 太太shopping和eating的旅程才真的開始......
除了行了很多, 吃了很多, 看了很多, 和太太拿著行裝走遍大江南北的感覺真好.
你睇我幾有你心~知你返來﹐就立刻過來探你 ~唔知有無我心尼 ~手信。。。。。。。
回覆刪除[版主回覆08/14/2008 22:02:00]Tastebug, 妳真係.......hehe, 唔知點講, 送妳一個手信......全程最貴的白桃.
1。張相有天與地的感覺~係個火山溫泉﹖
回覆刪除2。相信在日本﹐已很難找到咁幽靜的地方~你們在這兒住幾天﹖
3。在香港忙于工作的你﹐來到這處﹐就應該儘量放松自己﹐疏忽~疏忽尼~
4。旅館還滿意吧﹖你唔係在旅館門口的大坑浸了嗎﹖﹖﹖﹖
5。東京的人真多﹐你當了東京的江湖佬丫 ﹖
6。睇來此行遊東京﹐你倆都好滿意咁渦~
[版主回覆08/14/2008 22:27:00]嘻嘻, 好, 等我答:
1. 那個是在山形縣, 藏王山區刈田山的一個火山湖, 叫"御釜", 考妳眼力, 見不見斜坡上點點的人, 還有, 湖邊有十幾個人(真咖)
2. 其實日本有很多鄉下地方的, 東北很多大山, 森林和田野的, 所以我們好像去了行山團.
3. 我在不同的溫泉旅館住了6日, 好relax.
4. 那裏是山形縣的銀山溫泉, 門口的坑是雪水嚟架, 唔浸得呀, 我住那條溫泉街, 大部份的旅館, 都有百年歷史, 好浪漫的呢!
5. 東京是超級大都市, 好多人好多姿彩, moon嫂好happy呀, 我就ok啦, 我喜歡人少的地方........江湖佬? 照片中冇我呀
6. 好玩, 好吃, 好享受!
第一張照片好漂亮！真的讓人好嚮往！
回覆刪除[版主回覆08/14/2008 22:30:00]係, 好開心呀, 原本不知有這個地方, 也沒計劃去, 是撞去的, 更驚喜!!!
可惜那天是星期六, 很多人.
a_moon兄！你歸來啦！好掛住你呀！有靚相睇真係好！Tastebug，手信咪就係靚相囉！a_moon兄！係咪玩得好開心呢！有無玩到個心，唔多想返香港呀？有無發現到啲乜新野呀？有無買好用的寶貝工具呢？有無買baking book呀？
回覆刪除[版主回覆08/14/2008 22:50:00]好多謝妳呀, 有妳們的掛念, 真好呀!
玩到天昏地暗呀, 不過都有上blog. 發現了少少啦, 不是太多, 也買了少少書和用具. 不是太多呀, 因為我的簡單工具都齊呀.
風景好美呀！尤其是第三張，真令人響往！
回覆刪除[版主回覆08/14/2008 22:52:00]第三張, 是青森縣的奧入瀨溪流, 奧入瀨, 意思是"深入的溪流".
我們在那裏沿溪行了一小時呢.......稍後再分享.
歡迎你回來﹗
回覆刪除[版主回覆08/14/2008 22:54:00]謝謝呀! 多來看看啦.
A moon, 唔怪得之唔見咗你咁多日啦!! 原來又去咗日本玩, 真係恨死我. 見你玩得咁開心, 我都好想去呀!!!
回覆刪除[版主回覆08/15/2008 16:29:00]hehe, 係呀, 要去玩吓呀, 一有機會就去, 祝妳也很快可去玩.
Welcome back, A moon! Did you lose weight this time again?
回覆刪除[版主回覆08/15/2008 16:35:00]有你們的welcome, 真好呀!
我的體重.......妳點知嘅? 我輕左5磅呀! 一來行得好勁, 二來我旅情中胃痛呀, 唉, 令我不敢放膽大吃.
A_moon, 終於等到你返來了!!! 個白桃好靚啊!!有幾大個呢???全程你都係自由行啊???犀利犀利!!!有冇買煮食用具呢????
回覆刪除[版主回覆08/15/2008 16:55:00]感謝感謝, o matase shimashita我令妳久侯了......這是在日本聽得最多的叮嚀語. 她們是禮貌上的, 我是真心感謝.
我們今次的目標, 是天天吃桃呀, 這白桃, 10cm直徑啦, 我本來想買再大一點的, 可惜最後去的百貨公司沒有了. 很香甜呀, 可是因為在百貨公司買的, 都稍生, 不夠流汁, 仍可以在房間吃, 平時我們不敢在房吃的呀........
日本是自由行的聖地, 安全, 方便, 整潔, 誠實, 不會一邊玩一邊驚, 最o岩我這些喜歡安安樂樂的人了.
烘焙用具, 少少咋, 因為簡簡單單都夠用了.
終於返黎啦 ! 實大有收獲啦 ! 除左白桃, 有無買青森蘋果 ??
回覆刪除[版主回覆08/15/2008 17:02:00]有呀, 吃了一次, 因不是當造季節, 不過那次吃了很多, 間接令我胃痛添.
嘩! 你同moon嫂終於返黎喇! Welcome back! 我好想去呢度...
回覆刪除[版主回覆08/15/2008 17:06:00]係呀my, 我回來了.
呢度係青森的奧入瀨, 都唔難去的,
這是我們覺得咁多次行山, 最靚的一處呢!
Nice to hear from u again. It is nice for your "感覺" travelling with your loved one- your wife. I think i shall try to plan and enjoy such travelling with my dear too.
回覆刪除[版主回覆08/15/2008 17:18:00]多謝呀.
是呀, 和太太兩枝公周圍"貢", 真是幾多回憶的.
moon, 你返黎啦， 看你post的相----好正啊 ！！
回覆刪除我的马来西亚人要去日本是好难申请到visa，仲要statement of a/c之类的文件, 以我依家的经济能力， 给我两年时间储钱 （因为消费很贵，一定要足够的子弹） --日本你等我！！
[版主回覆08/15/2008 17:50:00]以前香港都要呀, 好麻煩, 近年不用了, 才方便了好多.
日本的消費都幾貴, 但比起澳紐歐美, 簡直是便宜呀! 本來我們也想去澳洲的, 但嚇怕了.
淨係睇呢幾張相，估到你的行程應該好滿意。
回覆刪除期待你的遊記呀！
[版主回覆08/15/2008 17:52:00]好好玩呀, 又有山水, 又有溫泉, 又有城市的eating和shopping(呢part我就唔太o岩了)
我會慢慢分享了.
嘩我下個目標都係上去東北呀!
回覆刪除銀山溫泉你住邊間呀! 好full要好早前book喎!
[版主回覆08/15/2008 17:57:00]好呀, 10月尾去看紅葉丫, 好靚呀!
銀山我住能登屋, 好好feel, 下次我又想住"永澤八平"或者"古勢起屋", 都好有趣的.
白桃當手信 ?。。。我唔要丫~哇................. ~
回覆刪除我尼度的白桃,都多到不得了~最近﹐入口美國的"四方型"白桃.
其實,我極少買來食,嫌佢無什麼味道~
嘩........吾講吾察覺尼,少d眼力都唔添尼~
當你夫人引真幸福尼~難怪moon夫人咁happy尼~~~(亦都係機會俾你晒命喇~你要高調的同moon夫人講........ha~你老哥行開幾天,幾多fan絲日掛夜又掛~~~)
呵呵呵........仲以為被著背禳,背鏡頭果帥哥係你添~想話讚想你老哥.........
[版主回覆08/15/2008 19:21:00]日本的桃, 和其他的桃是原全不同的, 又大又香又甜又多水, 我們從不會在香港吃桃的, 但夏天去日本就天天要吃呢!
妳講"御釜"的人仔?........遲些我分享一幅, 火山湖邊也有人呢!
其實幸福的是我才真, 是她帶我去旅行呀! 我只是做吓d粗重功夫, 飲飲食的咋.
多謝妳們的掛念, 除了我媽子和我妹子, 有妳們的掛念, 我遠在加國的妹子, 已急不及待打了電話給我了, 我老媽....不在講, 唉, 還有妳們呢!
那背著背囊的......哈哈, 我不懂分身呀, 我那有那麼型呀, All Black!!
eee~~moon哥~ 你返黎喇>0<?
回覆刪除[版主回覆08/15/2008 19:34:00]回來喇......終於!! 唉, 玩的時間永遠比工作的時間過得快10倍
welcome home! 我遲左添. 白桃無剩喇
回覆刪除[版主回覆08/16/2008 18:41:00]有的有的, 我會稍後再分享.
日望，夜望，你回來了卻是我忙忙忙的日子，
回覆刪除白桃，我來晚了
[版主回覆08/16/2008 18:45:00]謝謝妳日望, 夜望, 據我知, 只有另外一個人日望夜望我呢!.......妳明咖啦
放心, 妳總會忙出來見我的
如果我無小朋友,我都好想同子曦爸四維走....看看世界.
回覆刪除[版主回覆08/16/2008 18:46:00]有小朋友是很大的付出, 也是大福氣.
第日一定有機會的.
A_moon:
回覆刪除我十月中會去東北,希望影到紅葉和你分享.