工作, 有時....呀, 應該是時時, 都會遇上令人灰頭土臉, 灰心喪氣, 臉若死灰的處境
這段日子, 做到灰灰地, 看著幾位前輩揮一揮衣袖退休去也........一位前輩說 : 都差不多了, 這種日子, 老闆叫我做什麼便做什麼, 我做好本份, 其餘的, 笑罵由人吧..........不知她們回望幾十年的工作生涯, 可會是色彩繽紛還是灰白一片? 舟搖搖以輕揚, 風飄飄而吹衣, 田園將蕪, 胡不歸? 祝福她們
我從不會將生命價值和工作掛勾, 世界上好玩和值得珍惜的事多著呢! 例如這個炭灰色的東東, 好應景的芝麻包,
你知道為什麼會這麼黑???
就是這寶物囉!
上星期六偶然發現這瓶黑漆漆的寶物, 名字很怪 --- "四日市 九鬼"純黑胡麻膏
打開瓶蓋, 是買錯了黑鞋膏嗎
一放工, 開工了!!!
高粉300g, 黑芝麻粉50g, 鹽6g, 糖35g(芝麻包是甜的好吃, 可是不夠甜呀, 下次放50g), 速酵母2g(我是過夜冷慢發酵, 普通發酵用5g吧), 水約190g, 九鬼黑芝麻膏20g(代替油份, 下次可下30g) 黏面白芝麻適量
材料搓滑, 初發酵(冷發12小時, 翻麵兩次 / 暖發1~1.5小時), 排氣分割5份, 靜置15分鐘, 做型, 末發酵45~50分鐘, 入爐180度焗15分鐘
加了50g芝麻粉, 麵團只是淡灰色, 再加入"九鬼"鞋膏, 黑了很多!
今天好想玩玩, 做了三四個型, 除了百看不厭的圓形, 還有Kaiser形, 一辮打結形.
一直很想做一辮包, 不過沒有書教這簡單的款式, 今早起床思考了一會, 用毛巾做了兩三次實驗, 成了! 雖然手勢不很純熟, 也ok啦, 好玩呀!
不過看著看著, 真係好似..........💩
本來是炭灰色的包, 令我的生活色彩繽紛!
噢﹗個包好黑啊﹗好吃嗎﹖
回覆刪除[版主回覆07/12/2008 22:04:00]哈哈, 等我食啖先, 好鬆軟呀, 幾香, 下次加多d"鞋膏"會更香!
唔夠甜呀, 甜d才像芝麻糊!
但係搓緊的時侯會很嘔心嗎？
回覆刪除[版主回覆07/12/2008 22:57:00]吓? 不會呀, 其實個麵團好香和好靚的呀!
快講 樽黑芝麻鞋膏係邊度領養既 .
回覆刪除未打成辮既幾條 , 似足牛屎
[版主回覆07/13/2008 10:32:00]是在沙田citysuper, 放日本紅豆餡呀, 什麼mochi粉呀那個架子.
都幾似呀, 不過就好香的, 現場就不覺的.
黑芝麻膏原本是用來塗麵包的嗎? 係咪幼滑過芝麻醬?
回覆刪除打工對我嚟講就係, 初時雄心壯志, 好有使命感, 做吓做吓就, 返工望收工, 收工望出粮, 出粮望放假.
[版主回覆07/13/2008 10:45:00]它不同另一款(好像叫"千金丹")的, 九鬼是沒有糖份的, 純芝麻, 好香的, 香過千今丹, 我想, 加糖用來做湯丸餡, 做芝麻糊, 或這做芝麻菜色, 不知可不可以.
其實哪個不希望工作中找到樂趣, 滿足, 和生活意義, 可惜這是一個極難得的緣份,
尤其在這十多年, 香港的工作環境變得越來越苛刻, 整天講成效, 評估, 增值, 外判, 好累呀!
我都係用呢種四日市 九鬼"純黑胡麻膏"整黑胡麻吐司。真係好香，好正﹗
回覆刪除[版主回覆07/13/2008 10:46:00]哈哈, 妳也是用"攪鬼", 呀, 有沒有想過用它來做雪芳?
芝麻醬真係黑得緊要，哈哈。
回覆刪除[版主回覆07/13/2008 10:48:00]仲香到好利害添呀!
跟著的日子還要ot嗎?? 冇錯, 我們的生活確實不可和工作掛勾, 工作歸工作, 自己都要 have a life. 可以想像你做包包時有多高興, 加上有新材料, 新造型. 你這個"鞋膏"可以用來做芝麻糊嗎?
回覆刪除[版主回覆07/13/2008 11:04:00]都開始好d了, 不過越來越多事之秋, 不理了.
係呀, 見過有些人一生做得很辛苦, 到退休之日, 又找不到自己的生活和樂趣, 後半生便一團糟了.........我的宗旨, 不是生活為工作, 一定是工作為生活, 家人, 朋友(妳/你地), 生活興趣, 自處, 才是生命中更長久的意義呀!
我都想試一試呀, 不過這芝麻膏油份很重, 不知可否和水份混和?? 呀, 是用粘米粉還是用鷹粟粉好呢??
黑胡麻, 黑胡麻~~~ (又羨慕到流口水中~) moon哥~~ 幾時整返個黑胡麻雪芳???
回覆刪除[版主回覆07/13/2008 11:05:00]一定會試呢, 或者找妳做白老鼠, hehe.
哈哈！睇相，我仲以為係墨魚汁包添！其實一瓣包係同三瓣包的原理一樣架喳！只不過是將兩條瓣連接成一條瓣。
回覆刪除[版主回覆07/13/2008 20:03:00]真係好黑呀! 有d次備長碳麵包.
三辮包是結辮的, 一辮包是打個8字結的, 還有其他漂亮的結法嗎?
你呢隻醬真係墨汁咁喎~~
回覆刪除夠味嗎﹖
[版主回覆07/13/2008 20:07:00]好鬼香濃呀, 不過我嫌下得不夠多, 下次再下多點!
果然歎(炭)得吓bor﹐鞋膏都可以做出美食﹐精彩啊
回覆刪除[版主回覆07/13/2008 20:18:00]呢隻鞋膏好好味呀! 結辮子和用kaiser印好好玩的, 不過今次印得不好. 下次印靚d.
你個包，0甘似。。。米田共
回覆刪除[版主回覆07/13/2008 20:28:00]是好吃的米呀
moon哥:人生本無奈,笑一笑忘憂! 給你無意中尋到寶呀"黑鞋膏"!
回覆刪除[版主回覆07/14/2008 11:09:00]對對對, 人生本多無奈, 最重要的是學會從小處得樂趣, 從自心得樂趣.. 鞋膏也是樂趣 , 昨晚擦鞋, 差點拿錯了
唔睇個名我仲以為係日本好流行既煤炭包
回覆刪除[版主回覆07/15/2008 14:32:00]係呀, 好似呀, 一樣是黑過墨斗呢!
哈哈。。。你係咪買到﹐咁0岩0岩上市場的毛筆墨汁丫﹖
回覆刪除[版主回覆07/15/2008 15:58:00]我打開時也打個突呀, 後來吃了一點才覺得, 正!!!
毛筆墨, 都好喎, 我可滿肚墨水呀!!
喂~你有試過用佢來做你最拿手果樣嗎﹖說不定有意想不到的美味渦~
回覆刪除[版主回覆07/15/2008 15:58:00]會呀, 我想做個墨盒雪芳蛋糕
令我回想起在阿蘇民宿食過的炭粉Puffy, 呢個可以用黎做代替品喎！
回覆刪除你試左用黎做雪芳未？
期待你的食譜呀！
[版主回覆07/15/2008 16:00:00]我未食過黑碳包餅呀, 新城市有一間叫Nobu的都有黑碳卷蛋食, 不過冇買呀
我都想試做雪芳蛋糕, 不過怕會黑過墨斗
我都好耐無做包包啦!!!好想開工............
回覆刪除[版主回覆07/15/2008 16:01:00]我都係呀, 好想玩玩玩呀!
後記, 個黑仔包好軟呀, 雪在雪櫃3天, 拿出來解凍吃, 都很軟.
回覆刪除