十多年前的舊事......和同事冒著滂沱大雨登上險山西狗牙........少不更事
很想再試呀, 希望今次天氣好點, 可看清山景啦......那知......
2020太空漫遊？😦
-------------------------------------------------------------
由這裏開始......
<- 哈哈, 當年的我
手腳並用, 攀上第一坡 , 有點望而生畏, 是不是?
一峰接一峰......
一步接一步, 有時四腳爬爬......
一牙接一牙......
終於攀上最高最尖的大犬齒了.
西狗牙主峰和東狗牙主峰之間, 有一道小懸崖, 前輩叫它做"一線生機", 可見當年他們攀過這裏時的心情, 不過有了他們的經驗, 我再攀過就沒有難度了.
我們都躲在山石背風處, 大休兼吃午餐, share麵包和蘋果, 好飽......hehe.
這時, 風雲色變, 刮起有如八號風球的寒冷烈風, 雲霧四處合起來......
望著將被雲霧掩蓋的閻王壁, 趕快拍下, 然後, 是時候攀上去了, 四腳爬爬, 由那條線一般細的小徑, 爬到雲端.
一面爬, 一面回想15年前滂沱大雨上閻王的一幕 , 豪情似舊......
最後到達最高點 - 鳳凰山顛, 風聲霧影, 標高柱安然屹立, 有沒有企躉? 冇呀, 只是坐躉 ------ 太大風了, 企不穩......
最後由草坡路直奔東涌回程.......
竹杖芒鞋輕勝馬，誰怕？一蓑煙雨任平生......
......回首向來蕭瑟處, 歸去！也無風雨也無晴
.......西狗牙鳳凰連走, 真是很滿足呀!!!
見到都有d腳軟呀.....!但係風景幾好, 咁凍行又熱, 除衫又要狽住, 上到頂又凍...都係一次好好的行山經驗呀.
回覆刪除[版主回覆01/20/2008 21:37:00]好好玩呀, 不過我行到腳仔軟呀!
是難度高呀! 不過妳也可以的, 有我墊底呀! 下次4哥好番又來啦!
唉﹗我還沒有到過一線生機呢……
回覆刪除今次，我地又滿足了你一個願望，點報答我地先﹖
[版主回覆01/20/2008 21:38:00]下次一於過一過啦, 一場去到.
報答妳呀, 下次我帶包包, 一於以包相許啦
你好勁呀，我同阿紫一樣只睇相都有d腳軟呢．．．香港真係有好多靚風景，不過要行好遠好高才可欣賞到！
回覆刪除[版主回覆01/21/2008 07:46:00]我都覺得今次挑戰了極限呀, 膽量和體能, 但一班行友, 卻是如家常便飯呀!
香港真係有好多地方都好靚啊,可惜我有畏高啦
回覆刪除[版主回覆01/21/2008 07:46:00]我都有點怕高的, 不過有得玩, 一定去啦!
你地好勁呀! 我相信我未行到中段都要抬落山喇!
回覆刪除[版主回覆01/21/2008 07:48:00]行行吓, 一年行d, 一年行d, 就會適應了, 我也不是好勁呀, 我的行友才是超合金和鈦金屬人呀!
我尼果膽小之人﹐又怕高又怕跌又無咁的氣力﹗你們好野﹗
回覆刪除[版主回覆01/21/2008 07:49:00]我都係跟人去玩, 只是以前都有行開山, 有少少體力和經驗呢!
以前在HK學生時期去過鳳凰山睇日出, 那次真是難忘, 晚上爬上山, 看完日出下山, 實在又累又眼瞓, 那次算係我一生人的創舉!
回覆刪除[版主回覆01/21/2008 13:45:00]鳳凰觀日, 好勁呀! 我未試過, 這事一定要趁年輕, 過了就沒有這份心情了...
嘩！難度0甘高！對不起，入錯門口，我怕得要死！
回覆刪除[版主回覆01/21/2008 16:33:00]唔緊要啦, 請妳眼睛看, 坐行千里, 不用怕.
......我, 一怕冇得玩, 二怕行行吓抽筋啫
好吸引, 好想行啊, 我都想肌肉痛, 個d痛很快活的, 不過有排都未夠班. 蚺蛇尖我都未去過!! 等我set佢入 target list先.
回覆刪除[版主回覆01/21/2008 21:27:00]d痛很快活.........講得好呀, 行完山的酸痛, 真是很痛快的.....唔痛當然好啦!
蚺蛇尖, 也是我的至尊聖地呀, 我都想再上頂呀!
謝謝分享~ 呢 d 高難度的路段, 睇怕我都係行唔到~ 睇下你 d 相, 欣賞下 d 風景都滿足了~
回覆刪除[版主回覆01/23/2008 07:48:00]好的好的, 妳也能行到的, 最重要是體力夠和有信心.
妳看他險, 其實這是一條熱門行山路線, 有驚無險的呢!