辮子包真是好好玩, 很有手藝感, 結得好真是很有滿足感.
今次向五手辮出發
今次做我很喜歡的黑糖提子合桃包, 都很煙韌好吃.
很巨形的一個大包呀, 我試吃也吃到飽飽.
主麵團材料
高粉280g 酵母5g(最好用金酵母啦, 我沒有, 只好用紅酵母) 黑糖40g 鹽1.5~2g 蛋1+水共約175g(要自己調節) 植物油25g(也可改用牛油, 水份可能要多一點)
配料
提子乾+碎合桃各約30g 飾面蛋漿+杏仁片適量
製法
主麵團材料搓揉至光滑起膜, 包入提子乾+碎合桃, 發酵約50分鐘至2倍大小, 分割成5份, 搓成紡錘形, 靜置15分鐘, 再搓長至約30cm.
結5手辮的方法是 : 1over3, 2overr3, 5over2, 重複至結完
末發酵約45分鐘至兩倍大, 掃上蛋液, 灑上杏仁片, 入爐200度焗25至30分. 這包包很巨, 要徹底焗透, 否則中間會不熟的呀!
5手包的形態和4手分別不大, 下次向6辮進發! 做什麼味道好呢!
(Android手機的Chrome看不到，其他browser OK)
大家可參考阿堅的網頁 :
http://hompy.netvigator.com/main/comments/kin4430/Weblog/p_img_src_http_netalbum20061?type=comment
嘩.....哈......!你你你你為了面包.....偷懶唔開ot!哈.......! 呢個好靚呀, 5辮子, 好似一抽提子咁款哦.....你日日唔開ot就好啦...好啟發我都要多多做包. 請問今次是用直接法嗎? 我也買了一大包黑糖.....還不知點用好啦.
回覆刪除[版主回覆12/06/2007 12:53:00]係呀, 我一得閒點就手痕呀, 我都想成日都好得閒呀!.
黑糖, 可做黑糖薑汁雪芳蛋糕, 黑糖做的muffin........
你造的辮子包實在太靚了~ 可惜提子乾不是我杯茶~
回覆刪除[版主回覆12/06/2007 12:54:00]我就好鍾意提子的味, 下次等我做第二d味道先.
嘩！我好鐘意有提子的包包架！仲有健康的黑糖添！我諗我都應該試吓整。乜 yeast都有分金和紅嗎？有乜分別呀？可以告訴我知嗎？唔該！
回覆刪除[版主回覆12/06/2007 12:57:00]Saf 和 Fermipan兩大牌子, 都出了紅依士和金依士, 紅依士是做鹹包, 金依士是耐糖的, 用來做甜包的.
不過我只買了紅依士, 乜都用佢的.
請問 yeast 5g是用instant定係active呀！我Sunday想整呀！可以告訴我知嗎？唔該！
回覆刪除[版主回覆12/06/2007 12:58:00]我用的是Saf Instant, 燕子牌紅依士.
好耐冇過來坐啦...因為我最近走咗去陪d懶蟲玩呀......
回覆刪除見到你整依款包包真係好吸引呀，如果依家可以咬一大啖就好啦......
[版主回覆12/06/2007 13:00:00]Shirley, 好耐冇見呀, 妳好嘛, 我前幾日都有去妳blog望一望.
懶蟲.........???????我都係噃
你的做包癮又起了, 學阿紫話齋, 你. 偷懶唔開o T 向到做包包. 你下班才做,咪夜晚先至有包包出爐??? 你的辮子手勢好好, 好均勻啊!!真係靚呀!!其實你地講的黑糖係吾係dark brown sugar??? 你睇你 偷懶唔開o T 幾受歡迎, 攪到 Cinderella Robot 好興奮好吾得閒
回覆刪除[版主回覆12/06/2007 17:37:00]懶, 偷得就偷了, 下星期是我死亡之週呢!
玩得就玩了.
黑糖, 我在百佳買的, 好像叫muscavado, 不過dark brown sugar都差不多啦.
你可唔可以唔好行咁快等吓我呢啲咁慢嘅小朋友呀? 我都唔知點跟!
回覆刪除[版主回覆12/06/2007 17:39:00]唔緊要啦, 慢慢玩, 阿堅的辮包, 我遲了一年才試呢!
好靚呀！仲好有聖誕氣氛ｔｉｍ呀！！Weekend 想跟著試做，到時再告訴你！
回覆刪除[版主回覆12/06/2007 17:40:00]係呀, 有一款是瑞士辮包, 是聖誕節的食品呢!
整得靚 影得仲靚
回覆刪除我從未試過整包架, 搵機會都跟你試吓先!!
[版主回覆12/07/2007 10:17:00]一於玩下啦, 由小甜餐包開始都好呀
Hi, 你好! 你呢個黑糖提子辮包, 真係好型呀! 辮子做得好均勻, 好靚呀! 我又要跟你學吓先得!
回覆刪除[版主回覆12/10/2007 00:42:00]好呀, 一起分享吓啦, 不要客氣呢!
勁呀～我仲未試整添．．．
回覆刪除[版主回覆12/10/2007 00:42:00]快試啦, 等妳!
我被家人禁止整包包呀！因為我要考試，而且仲生病了
回覆刪除[版主回覆12/13/2007 15:43:00]祝妳早日好番, 早日可做包包呀!
整左啦！整左啦！包包雖然是直接法，但柔軟煙ｕｎ， 好味！（覺得像ａ－１的裸麥包質地）謝謝你！
回覆刪除[版主回覆05/22/2008 17:03:00]妳幾時再出山呀...........
wowowo...我昨日睇完你既blog,今日忍不住整左..你整得好靚呀,我偷師了..
回覆刪除[版主回覆04/05/2011 21:57:00]好耐好耐冇整辮子包了, 你令我好想整呀, 不過有排都冇時間了.
介紹一條好片子給你看
http://www.youtube.com/watch?gl=HK&eurl=http%3A%2F%2Fhk.myblog.yahoo.com%2Fgooceywong%2Farticle%3Fmid%3D81&hl=zh-TW&v=peBLtCEOlA0
謝謝你呀,岩岩睇完,好震撼呀,好完美,我今日辮既唔知似咩,亂七八糟..不過跟你食譜整,非常好味呀!真謝謝你呀..
回覆刪除