終於放假了, 好嘢, 又可以做包包! 不做法包了, 做個可以中途出街吃lunch的慢酵包.
只要不是法包, 就成功了!! 看, 斜界技術又進步了少少, 爆得不錯呢.
材料 : A (高粉200g 裸麥粉25g 全麥粉25g 速酵母1g 鹽5g 糖6g 水155g ) 牛油10g(試試加牛油, 係香d, 不過都係不加油或者橄欖油好d), emmenthal cheese切20小粒
做法 : 1.A材料混合成團, 放雪櫃15分鐘自我降解, 取出搓滑.
2. 初發酵 - 夏末了, 天氣不太熱, 要減少放雪櫃的時間了, 出街前先放雪櫃1小時, 到了出街, 取出排氣, 放在室溫中, 然後外出lunch, 2.5小時後回來, 剛發好, 排氣對摺, 放回雪櫃, 睡午覺, 2小時後拿出來, 排氣, 滾圓, 靜置15分鐘.
3. 壓平, 捲入芝士粒, 做長形, 保留少少捲的頭尾痕跡, 不太工整.
4. 放在溫暖處, 末發酵45分鐘至膨脹2倍
5. 入爐250度噴水兩三次, 焗約20分鐘至啡黃. 出爐吹涼.
看, 界斜刀, 麵團不可太濕, 否則一界就會黏合, 看, 在爐中膨脹得不錯呢!
麵包質地很好呀, 雖然放了半天, 包殼已淋了, 但很香! 我很喜愛emmenthal cheese, 覺得味道很鮮, 又淡口, 又香, 不過太太說又苦又大味, 很難吃.........hehe, 每人的口味都是不同的呢.
早晨......moon....喜歡吃麫包的你.....蝦餃也一樣喜歡吧!
回覆刪除[版主回覆10/26/2009 11:36:00]早呀, 當然喜歡啦!!! 哇, 好靚的蝦餃呀!! 在那裡吃的呢?
哇, 你d包做得愈來愈好啦....
回覆刪除[版主回覆10/26/2009 21:15:00]田園包都有D上手了.....
個包好靚喎﹗加多d芝士仲好味
回覆刪除[版主回覆10/26/2009 21:16:00]好的好的, 今次第一次捲芝士, 唔敢太多, 驚漏餡
真係爆得好靚呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
回覆刪除[版主回覆10/26/2009 21:17:00]係呀! 咁睇我個爐的溫度都幾均勻呀, 但係我個雪芳.............
嘩，靚到好以街買咁！
回覆刪除[版主回覆10/27/2009 07:39:00]hehe.........
好鬼靚，個皮淋左唔緊要，反焗一下就一樣脆，但要用多士小焗爐，吾則花電花時間。
回覆刪除[版主回覆10/27/2009 07:39:00]唔係脆皮都好好食, 放了兩日仲係好ok呢!
果然好靚~~ 我試左你之前既慢版包, 出黎真係唔錯~ 你今次個程序好似多好多既!! 依個係完全版? 之前個係簡易版?
回覆刪除[版主回覆10/27/2009 20:10:00]好呀, 妳又做了慢酵包. 今次我係排氣翻麵多一兩次, 都係好隨意, 翻麵多一兩次, 包的質地會更好呢!
你這種爆口我最愛, 可惜我做吾到. 照睇你個爐都好夠火, 漲爆得好勁架呢!!!
回覆刪除[版主回覆10/27/2009 20:15:00]只要界刀盡量放斜, 就可以了, 不過斜刀好難切得深呢!
我個爐, 溫度都ok, 但係d"迫力"唔夠, 係d熱力保持恆溫, 四周熱力逼"包"的熱力不夠.........
仲有d凹陷雪芳, 真係冇計......
嘩～個爆口爆得好好呀！如果呢個係法包的話，一定會開心到暈。
回覆刪除[版主回覆10/27/2009 20:16:00]個爆口真係ok呀, 不過要做到大孔孔, 仲係冇計呢!
It looks like so yummy. Wow..仲有我鐘意的芝士。但係點解 moon嫂話苦呀？芝士應該鹹鹹地好香，就算唔喜愛芝士，都唔會苦！
回覆刪除[版主回覆10/27/2009 20:21:00]emmethal係有少少苦味.......我覺得苦得好好味呢!
爆口爆得勁靚喎 !
回覆刪除[版主回覆10/27/2009 20:21:00]我都好開心呀!
羡慕屎人啦~ 這種爆口.....我永遠都做吾到的~
回覆刪除[版主回覆10/27/2009 20:22:00]點會呀! 妳個方包都好靚呀!
嘩, 我好鍾意食呢隻包呀!!! 好靚仔!!
回覆刪除[版主回覆10/27/2009 22:24:00]質感仲好好添, 好食呀!
嘩 ! 吸引死人喇 (個包) ! 又有食譜又有詳盡做法, 唔做到對不住你喇 ......... 不過真的未有時間又未有好的工具.... ! 唯有......對不起了。
回覆刪除[版主回覆10/28/2009 07:28:00]只要一個爐, 和一個搓包用的板就可以了. 暫時睇住先啦, 唔緊要.
就是找不到合適的搓包板, 點算呢 ?
回覆刪除[版主回覆10/28/2009 22:17:00]一塊鉆板就ok了.
死喇~ 我個爐最高只係去到250℃，減埋低温症30℃，唔知掂唔掂tim=.="
回覆刪除[版主回覆10/28/2009 22:21:00]我個爐都一樣, 我就係谷到250度, 我個爐都係唔夠火力呢! 我估都係減20-30度, 情況都ok.
好靚！好靚！外觀十足似買回來，但我相信一定好食過街買！
回覆刪除今星期一定要試做。
[版主回覆10/28/2009 22:21:00]一於試吓啦! 記得分享吓.
「自我降解」是甚麼意思？
回覆刪除[版主回覆10/28/2009 22:27:00]autolyse, 麵團放一段時間, 讓它的麵粉和水溶合得更好吧........
剩包已經好正, 仲要加埋芝士...
回覆刪除[版主回覆10/28/2009 22:28:00]芝士少左d, 下次加返多d.
焗得非常之靚呀！不過唔講仲以為係舊式豬仔包呢！
回覆刪除[版主回覆10/28/2009 22:30:00]朱仔包都好食呀! 我都未整過呢!
咁你快 啲試 吓整豬仔包啦，依家都已經無得賣啦！
回覆刪除[版主回覆10/29/2009 21:51:00]我冇配方呀, 朱仔包不同法包, 它鬆鬆脆脆的, 可能加了一些成份呢. 可能是低粉, 也可能是.....不知呢!
真係爆得好靚呀.... 我一直都掌握唔到 . 係咪界好後立即入爐呢? 請賜教
回覆刪除[版主回覆10/29/2009 21:53:00]我都不是掌握得好好, 爆口靚更不是我的功勞, 可能係麵粉或爐溫........
係呀, 界完不要等太久, 三幾分鐘內入爐, 否則我試過d界痕會黏埋的 :p
咁靚, 走芝士得唔得呀. 我要牛油
回覆刪除這個星期在女兒家, 還好可以睇包(寫唔到中文 )
[版主回覆10/30/2009 07:33:00]冇問題, 下次整個冇芝士的.
妳女兒好了嗎?
我反而有本書教整豬仔包呀！不過睇幅相似係有少少 "令" 面，唔似我心目中果隻豬隻包咁 "啞" 面，你有冇興趣睇睇？有的話你俾個 e-mail 我，我send 俾你睇呀！
回覆刪除[版主回覆10/31/2009 07:48:00]好呀, thx
moon哥， 請問發酵麵糰的溫度範圍是幾多度c？
回覆刪除[版主回覆11/06/2009 23:48:00]你好呀newnew, 好耐冇見了.
我初發酵是在雪櫃裏是幾度啦, 不過天氣涼, 要提早拿出來.......末發酵30幾40度, 我現在多是預熱焗爐, 再勁噴水之40多度.
moon哥， 收到，原來30-40度c。唔該!咁超過幾多度酵母會死？ 就係之前我遇到天冷室溫發酵溫度的問題，天氣涼麵糰難發起，而家好似有些微目，所以問moon 哥，麵糰係邊過溫度範圍發酵會好d 。 最近我跟廚房男個食譜玩corisannt，好好玩。:)
回覆刪除[版主回覆11/07/2009 08:11:00]秋涼發酵好難呢, 尤其是末發酵要一氣呵成, 所以我會坐暖水和焗爐噴水, 不過要好小心, 50-60度已是太高, 70度就死了, 好簡單燙手就死了, 它們和我們一樣係生物細胞呢.
croisant我未識玩呀, 酥皮好難的吧!
moon sir,
回覆刪除請問你的爐溫是否由始至終都是用250度來焗此包包呢？
[版主回覆11/24/2009 22:07:00]我的小爐子, set了250C, 可能只有230度........我的不是石層爐那麼穩定.
eeer.......大概係啦, 我都有睇包包的顏色, 先放下層焗, 然後移上中層........每個爐都係要調節的.
moon,請問若這部份正常做法應是如何?我不太明白,請指教!
回覆刪除2. 初發酵 - 夏末了, 天氣不太熱, 要減少放雪櫃的時間了, 出街前先放雪櫃1小時, 到了出街, 取出排氣, 放在室溫中, 然後外出lunch, 2.5小時後回來, 剛發好, 排氣對摺, 放回雪櫃, 睡午覺, 2小時後拿出來, 排氣, 滾圓, 靜置15分鐘.
[版主回覆01/10/2011 13:51:00]因為這包包是少酵母和放雪櫃, 所以發酵時間長.......其實鱈不定要多少時間, 最主要是看麵團發大的程度, 初發酵3倍左右, 末發酵2倍左右, 很講個人經驗呢!