起初到歐洲, 總很嚮往路邊咖啡座, 喝一杯飲品, 吃一件精緻的小點或蛋糕, 所以一有時間, 總會偷看他們吃些什麼......
可能被日本寵壞了, 隨處都可以找到一間可以吃到精美糕點的咖啡座.......
到過不少國家城市, 偷看過很多咖啡座, 最後死心了, 因為歐洲人 基本上是不吃糕點的, 檯面上永遠只是一杯啤, 一杯啡, 一支煙, 就坐三數小時了.
下面是維也納的街頭咖啡座, 吃些什麼呢? 也是一杯啤, 一杯啡.......
lunch time他們也會吃個快餐, oh! 是正經八百的快餐, 原來我找錯了地方, 那麼那裡可吃蛋糕........?????
下面的糕點, 都是比較好的了........
上面兩幅是在Dresden的, 即是我吃sacher那間, 糕上總是很多芝士的(也可能是cream). 例如Himbeer-Mascapone Roulade(Raspberry-Mascapone Roll), Fruckttortchen(Fruit tarte)
下左是在Wien(Vienna)其中一間室內咖啡店連餅店見的, 不太多是賣這麼多糕點, 但看上去總不及法國或日本的精緻吧
下右的, 是在Munchen(Munich)的一間百貨公司地庫的包餅處, 都很不錯.......當然不能和日本的百貨公司比啦!
不過一般所見, 歐洲中部的人真的不太注重蛋糕的......見得最多的, 都是芝士餅, 蘋果酥, 朱古力蛋糕........
上左 : Berlin吃腸的Carbinette, 店裏賣的是德國很出名的bienenstich(bee sting)蛋糕
上右 : 捷克的Karlovy Vary溫泉一個露天咖啡座的糕點, 粗糙的, 蘋果酥, tiramisu, choco mousse, fruit tarte....
下左 : 維也納的一間露天咖啡座的糕點.....嗯......
下右 : Salzburg一間小小咖啡館, 熟口熟面的糕點......
最攪嘢係Salzburg一間不便宜的Mozart Cafe, 一上去, 見餅櫃有一種Mozart torte, 哇, 即刻走夾唔抖(落慌而逃).....想來想去也想不到這蛋糕和莫札特有什麼關係, 昨天終於給我想到了答案啦!!!
德奧一帶很出名的一種蛋糕, bienenstich(蜜蜂叮), 批底, 雲呢拿吉士餡, 上舖蜜糖杏仁........可惜我知它出名時, 已沒肚子吃了.........
我有沒有吃好的糕點, 有呀, 下次介紹.
[ Mozart cake的名字由來.......我估o架咋, 因為Salzburg有一種十分出名的手信, 叫莫札特朱古力.......大家看它的餡 : 一層開心果蓉, 一層榛子蓉, 外層是朱古力......
咦? 咁點解呢種朱古力叫莫札特朱古力???? ]
D外國人真係好愛COFFEE , TEA就算~~同埋佢地真係好寫意，好識享受生活﹗
回覆刪除[版主回覆08/18/2009 11:01:00]歐陸愛coffee, 英國人較愛tea, 他們的生活習慣不同, 很愛悠閒, 後生仔都愛曬太陽, 喝杯啡/啤, 坐一兩小時什麼也不做的, 但他們又好熱衷sports, 只係不愛吃糕餅.
回覆刪除這些款都已經很好了, 好過美式那些甜死人厚厚cream.........haha^_^
[版主回覆08/18/2009 10:56:00]cream .......cheese........好次食雪糕咁食.........我都唔係好敢吃.......
美國........我估喺super king size!! o_____O
比起澳洲的勝一籌呢!
回覆刪除[版主回覆08/18/2009 10:49:00]大家不分高低, 都係咁叮噹馬頭呢!
這些旦糕睇落又好有home-made的感覺，簡簡單單，但不知味道如何呢？！
回覆刪除[版主回覆08/18/2009 11:03:00]一部份啦, 其他的都好重cream呀, cheese呀, 味道好濃甜.......除了那熱情果蛋糕.......
咁.....果莫札特答案0即係乜?????
回覆刪除亞洲人同洋人的口味好唔同，我們喜歡的蛋糕輕而軟；佢地卻愛重和濃，我們不愛甜，他們愛死了。
所以，往往走入洋式甜品店，我都得果睇，見到佈得好似鞋地咁厚的icing，oh！no, no, no........
[版主回覆08/18/2009 10:49:00]hehe, sorry, 答案已post了
係啦, 我看精緻蛋糕只會在法國和日本出色, 尤其日本, 把精緻做到青出於藍呢! 歐洲的, 少嚐少嚐都ok.
mozart torte 的答案係乜??? 点解你走夾吾抖????
回覆刪除[版主回覆08/18/2009 10:46:00]賣個關子呢, 因為走左去做第二樣嘢..........答案在上面了
我猜: Mozart 中 Moz --> Mousse 剩返三個字母 art =Art of Mousse
回覆刪除[版主回覆08/18/2009 10:45:00]嗯, 你的文字創意很高呀!!
你似乎去了很多地方, 連糕餅都咁多.
回覆刪除[版主回覆08/18/2009 18:18:00]去左6個國家, , 加上每一餐都有甜品, 吃了很多很多糕點呀!!!
好多年前有同事去歐洲後買過莫札特朱古力返黎做手信, 味道真係甜到 , 食左一啖之後就BYE BYE啦!
回覆刪除[版主回覆08/18/2009 18:28:00]從前都買了一兩次莫扎特朱古力, 每次都咪埋眼吞半粒, 今次仔細一點吃, 除了甜, 它都幾有果仁香的, 仲有三種餡料的變化添, 雖然都係甜甜甜........
Mozart torte 賣想好唔吸引喎！
回覆刪除[版主回覆08/20/2009 14:26:00]我估好甜囉!
我唔制呀~ 睇唔到D 蛋糕相呀！！唉~~~~ 這就是令我冇上blog 2個多月既原因喇
回覆刪除唔得, 我天日再黎過先得
[版主回覆08/22/2009 22:48:00]唔關你事, 係yahoo!blog太廢啫!!! 我都在歐洲領教過, 谷到爆!!!
我遲d會放在jacso了.
真係好靚呀, 我想問食野係咪好貴架?
回覆刪除[版主回覆08/22/2009 22:56:00]比香港貴呀! 在餐廳吃東西, 通常一個普通的main dish比香港貴50%至一倍左右啦, 中菜就和香港差不多. 東歐的又比德奧的便宜一點.
最貴係在法蘭克福機場, 買了一枝Bonaqua, euro$3, 30幾港元!!!
今晚終於睇到相喇
回覆刪除蛋糕外貌同呢邊既蛋糕差不多，不過呢度賣既蛋糕多數頗甜，可能用黎送一杯啡啦！我都好小係蛋糕店買蛋糕食，食過幾次好把鬼~而我多數在市中心既KaDeWe百貨公司裡買蛋糕食(由勃蘭登堡門去車程約20分鐘)，真係好好好好味架；
其實德國人係最唔識食野既歐洲人，佢地好鬼求其就可以一餐，求其咬個飽，或者係超市買瓶腸仔就醫好個肚
係呀, 我真係夜晚上blog 流暢好多呀~~ 不過都老實，我部电電腦都夠期了~~~
另想請問, 如我照白鬼雪芳個食譜轉做黑鬼，是否都不用下油呀?? 唔該晒~
[版主回覆08/23/2009 09:51:00]係, 歐洲中部的人食物都係講究足料, 大件, 好實際, 德國未算, 瑞士, 英國的道地食物更加單調, 幸好有法國和意大利菜........不過每處食物都有他們的歷史, 最緊要天然和有益, d加晒化學品, 或者弄虛作假的, 點靚都係假, 我程願粗粗地了.
轉黑鬼是一樣的, 黑鬼的味有少少苦, 可加多d d糖........咦? 德國都有黑鬼??
蛋糕的外表不像日本人的講究, 真的想試一下內涵....
回覆刪除[版主回覆08/25/2009 22:44:00]係濃, 肥, 重......我係甜精, 但都怕肥的呢..........
日本的蛋糕......我未去過法國吃蛋糕, 所以不敢說它是天下第一.