班主任, 班會主席, 我們又開壇了, 今次有一位新同學.......合三人之力, 三人之材料, 三人之器材, 才能做晒d功課!
今天的主力, 是熱情果餡bonbon........天意安排, 我們做了熱情果餡, 好香呀, 酸酸甜甜, 正呀! 都算皮薄餡靚啦!
![](http://lh3.googleusercontent.com/-d_BCMjH6d7w/UohQPO7G0-I/AAAAAAAAH28/8Kuo5dVz9A4/.zNyorihDUohmGgeC53i.g.jpg)
好復古的做型, 有d似以前的金盃朱古力........
![](http://lh4.googleusercontent.com/-yB3P42oE-2U/UoeKM4IRrCI/AAAAAAAAGa0/H53Y5q4UqIQ/DBtMtr0kFJpBJSrY4gj7uw.jpg)
這朱古力模好多紋, 所以我們做殼時倒了兩次朱古力 - 第一次set了一半, 再倒多一次, 否則好易穿.
![](http://lh4.googleusercontent.com/-7gcqfWBOitI/UoeD4Xk7nzI/AAAAAAAAFHU/eE8fqwkzUYs/_F8LsGSNmUTjRgMk5LAyKQ.jpg)
還有半球模, 一樣是全新的, 都有黐模現象, 不過成品好靚, 掃了今粉更加閃閃生輝!
![](http://lh5.googleusercontent.com/-LeUbyJ-iEQc/UohY8UePa3I/AAAAAAAAJ3o/t1ImyviZCNo/8e2WanLSPMMJ0HzL2.Rz4A.jpg)
千里而來的矽膠貝殼模, 哇, 原來矽膠模都可以咁"令", 金粉是先掃在模上的, 效果好出呀, 金光閃閃.
![](http://lh6.googleusercontent.com/-a8u-pNWAldM/UohUyI9JGQI/AAAAAAAAJZw/9Vs-tzN1l3s/h4xuU6yTc2xFAuhnoeghxA.jpg)
![](http://lh3.googleusercontent.com/-sZSLKtkBbEo/Uomg_cOwx4I/AAAAAAAAXyw/jyFPJ_Z2Yvw/XNq0VvNUGEhaWOEt_1kX_Q.jpg)
![](http://lh5.googleusercontent.com/-THloxuaPW94/UojarIw8V_I/AAAAAAAATaI/BlHb97wIJvQ/_PfBp28cASuujnoIpQzdHg.jpg)
見它們一直都令臘臘, 都唔知set左未, 忍不住用手指一碰, 哇! set好了, 看set好的杏粒脆脆多光亮, 正呀!!!!
![](http://lh4.googleusercontent.com/-5FCBKQfr9X0/UohpodauzwI/AAAAAAAAN1U/A2GxU2ogqGw/69RzuEI5n1Mwm0MkwUmYeA.jpg)
兩種texture sheets, 怎麼有孔孔, 可能是撈撈撈的後果, 也可能是我用了新玩具blender, 但是朱古力漿太少, 淹沒不了blender頭, 結果入了空氣吧.
![](http://lh3.googleusercontent.com/-V7VHX_fnHJE/UomWv5FewFI/AAAAAAAAV-c/lbLv2hcA59M/Q9.9iLJjkixQeHNEVpsGaQ.jpg)
![](http://lh4.googleusercontent.com/-OiGCXwVGuOE/UoeM1t3u0-I/AAAAAAAAHS4/B-qVvhdNM7k/f6atkGJIbKRcqA6If8WIeQ.jpg)
剩下的朱古力漿, 不停的3秒3秒3秒........的叮來keep at working temperature, 下次又試下用暖水keep溫度先.
當做到最後, 小圓片真是最佳選擇, 不過越倒, 朱古力漿越杰, 算了不理了.........已經是第三鍋朱古力漿, 到這時已好累了, 是但啦.
set得好好呀, 掃了一層金粉的texture paper, 令d紋好靚!
![](http://lh3.googleusercontent.com/-BUAz_-_cDKw/Uoi7vhFMCcI/AAAAAAAAQAc/RLZtxn5tG50/Mdxncob7W5j6dhh6bwSx0w.jpg)
草笠隨風舞 風に舞ひたるすげ笠の
飄搖落道旁 何かは道に落ちざらん
我名何所惜 わが名はいかで惜しむべき
唯願惜君名 惜しむは君が名のみとよ
(我當然睇唔明日文啦!!)
![](http://lh6.googleusercontent.com/-KQF7MBxENyw/UomiBKUQ7EI/AAAAAAAAYM0/loS7DJGFcNQ/vToHAJNpAGP7wvMHzipbTg.jpg)
同學仔的金裝禮盒, 相信收到的人會 : 哇!
![](http://lh5.googleusercontent.com/-zJBKqxm1x3Y/UoeJS3TiiuI/AAAAAAAAGHU/KuGToh3KhSQ/5w322a5KX4r53i3wr5OzcA.jpg)
熱情果餡...
回覆刪除我之前實習時 就想煮呢隻味既餡...
但太懶, 用左現成餡...
結果...
[版主回覆02/24/2009 14:09:00]現成都冇問題呀, 好味就得啦, 不過煮餡不難的, 今次我們用的不是最高級的材料, 不過初初試, 都幾好味.
嘩,好正呀,下次我都想參加,可預先排定隊嗎?
回覆刪除個熱情果餡bonbon好吸引噢,一定好好味^^
是不是跟koo sir 的做法,將果餡轉左熱情果便可以?
[版主回覆02/24/2009 14:12:00]我家的工場, 真是太簡陋了........
係呀, 我地都只係買普通的熱情果茸, 如果買好的品牌, 已經好香. 相信更香
多謝 你 們 的製作 和 小三慷慨相贈 . 真的 吾捨 得食.
回覆刪除[版主回覆02/24/2009 14:13:00]妳千里帶來的模, 令我地歡呼呀!
食啦食啦, 映了相就捨得食了
WOW~~口水流了~~~^_^
回覆刪除[版主回覆02/24/2009 14:14:00]hehe, 咁整番次啦, 好玩又好食呢!
唔怪我唔得閒整包包啦, 原來努力朱古力~~~
回覆刪除熱情果bonbon , 好想食呀~~~~
[版主回覆02/24/2009 14:14:00]係呀, 妳真明白了, 我又好想整包了............
嘩!盒古古力好靚好高貴呢!食咁多古古力,moon哥你唔怕肥咩?
回覆刪除[版主回覆02/24/2009 14:16:00]個盒在.......好似係kaka在上海街......萬記買到的, 好似係.........
d朱古力? 大部份都分晒了. 現在知道乜野叫 : 坐地分肥
超靚!好成功呀! 天氣熱又潮濕,係未開空調做呀!下次做預埋我來幫手喇!
回覆刪除[版主回覆02/24/2009 16:32:00]係呀, 那天開大冷氣, 都係僅僅咋, 好濕熱呀!
做得好好,好靚!今次很成功呢! 我覺得用半圓模做出來既效果最正,有太空feel嘛
回覆刪除btw,我上咗古sir堂啦,教得好生動,我仲有raspaberry ganache剩,睇怕呢兩日又要開工整先得啦!
[版主回覆02/24/2009 17:02:00]謝謝呀!! 我地都有好多蝦碌, 主要是器材不夠, 和新模, 不過都玩得好開心, 同實踐了Johnny和Coo sir的一些技巧, 例如tempering和脫模我用了Johnny, "dun"模和封底用了coo sir的方法, 都好順利.
我用晒d raspberry ganache了, 下格雪住, 兩個星期都ok冇問題, 狀態良好呢!
半圓和鑽石, 都是最經典和耐看的呢!
好靚,好吸引!真係流哂口水!
回覆刪除[版主回覆02/24/2009 17:03:00]哈哈, 多謝呀!! d朱古力本身是很靚呀!
估唔到我盒朱古力可以俾moon哥你影得咁靚呢~~~ 呢隻朱古力盒都算係好高貴呀, 我相信要搵日出去入返幾個貨~ 哈哈哈哈~~ 今次朱古力同學日真開心呢~~
回覆刪除[版主回覆02/24/2009 17:06:00]hehe, 邊係呢, 係d料靚啫 ^_^
今次很開心呀, 下次我可能要買個大兜........不過也可以等妳的新儀器.
嘩, 睇到加菲流曬口水..
回覆刪除[版主回覆02/24/2009 17:07:00]hehe, d朱古力真係好靚呀, 加埋d餡, 唔錯!!
同學仔一齊整朱古力好開心 wor...
回覆刪除期待你地下次嘅製成品呀...
熱情果餡好好味咁 wor,我都未整過 tim...
[版主回覆02/24/2009 20:16:00]係呀, 一個人做唔到咁多款, 熱情個餡就係koo sir的raspberry ganache, 換了passion fruit puree
嘩你又係度引人喇, 我最想學呢個餡, Koo Sir都未有空教我, 係咪同raspaberry餡的做法一樣架,只是轉味?
回覆刪除[版主回覆02/24/2009 20:18:00]係呀, 就係啦, 仲可以士多啤利, 藍莓等.........
哈哈~ 可能你試完部新機之後就唔想買大兜, 改買部機呢~~
回覆刪除[版主回覆02/24/2009 21:06:00]哎呀 ..........有機會都係借用住先啦.
詁唔到你用矽膠模都可以做到咁"令"喎
回覆刪除[版主回覆02/25/2009 15:40:00]我都好喜出望外呀, 效果不下於硬模.
哎呀 , 我 沒 有 ” 千里送模 ” 呀 . 是誰給 我這 [ 光榮 ]?
回覆刪除[版主回覆02/25/2009 15:41:00]hehe, 原來小三說已是很久前寄給她的小玩意. 謎底要小三打開了.
嘩!超級製作, 犀利呀.
回覆刪除[版主回覆02/25/2009 15:42:00]都唔係丫, 都係同學仔之作.
好聰明呀, 先嚟倒模, 跟住撈撈撈, 之後再整餅餅, 一D都唔浪費呀.
回覆刪除[版主回覆02/25/2009 15:44:00]hehe, 其實實際次序有d不同, 是撈撈 -> 倒模 ->餅仔........因為唔夠膽一開始就倒模.........所以都剩番不少碎朱, 找次用.
大師曾經講過,多坑紋既模折射面多,會好靚,但係光身冇坑紋既模就見真功夫!
回覆刪除粒半圓整得咁靚........Moon哥好快除得個P牌啦
[版主回覆02/25/2009 15:46:00]玩我都係鍾意光身的, 同意妳說, 一目了然.
不是呀, 有不少是有瑕疵的, 如果做到每次都9成ok, 才可甩P牌吧.
你D朱古力越來越得了!你們真係好好心機呢!
回覆刪除做左咁多次朱古力你食左幾多呀?小心肥呀 下次留返粒俾我啦。我記得上次吃的係浸了酒的櫻桃餡,好味呀!
[版主回覆02/25/2009 15:49:00]其實都好初階咋, 不過跟住師傅的步驟做, 買d靚朱古力, 多數都ok的, 好好玩呀, 好次做勞作.
d朱古力, 梗係絕大部份分晒啦, 我留番十粒八粒, 每日吃一粒兩粒咁啦, 都怕肥呀! 妳又不在, 否則可以找妳分肥
好正呀~~ 我都有第一個模,不過沒你說的那麼sticky. 我都想上下Koo Sir 果班看看呀~~
回覆刪除[版主回覆02/25/2009 15:51:00]可能是新模啦, 同埋我覺得今次買的65%callet冇咁脆, 可能天氣已回暖啦, 冷d會易脫模d.
妳聯絡Eva啦, 看看有沒有堂.
真勤力! 係時候買康寧碗...
回覆刪除[版主回覆02/25/2009 15:53:00]玩呀, 當然勤力啦
康寧碗.........又有同學仔說買小調溫爐喎, 唔知幾是有得試.
""我最鐘意食果仁朱古力 熱情果嘅果餡...我又喜歡 食邊樣先好呢 "" 唉吔....唔好意思,又發開口夢添,見 d 朱古力咁靚,發夢都想要番盒
回覆刪除[版主回覆02/25/2009 16:36:00]嗯, 下次我想整bonbon, 入面是原粒杏仁呢!
Oh, can I have a box?
回覆刪除[版主回覆02/25/2009 16:37:00]Haha, you're welcome. But the golden box is not for me
在小三處見咁靚唔捨得食, 你的一樣都是捨不得食. 睇下睇下越睇越開心.
回覆刪除[版主回覆02/25/2009 16:39:00]Johnny sir說 : 好睇唔重要, 最跟要好食. 唔緊要啦, 影低相就可以食晒佢呀!
真係佩服您既精神 ~ 哈哈﹗可能我第時都會係咁 ~ 不過應該唔係依家。
回覆刪除我覺得最靚係半圓模 ~ 款款都咁靚 ~ 收到果個人實開心屎啦
[版主回覆02/25/2009 16:42:00]哈哈, 玩我最熱心, 我估我都鍾意做勞作.......
我都喜歡呀, 鑽石模我是最喜歡的, 又簡潔又有型, 依家未到呀, 希望到的時候再玩一次.
嘩, 你地真係做咗好多喎, 聽聞要開冷氣做 唉, 用眼睇, 好冇意思呢!!! "鑲"咗金果D 真係會吾捨得食架!!
回覆刪除[版主回覆02/25/2009 16:47:00]要開冷氣呀, 香港依家開始濕熱了.
d 金粉, 好靚呀, 而且不太貴, 好好用呀! 等我都買番d先.
真係高級制作呢, 見到都想食呢~~ 好勁呀~~~~
回覆刪除個熱情果餡,真係好想試下呢~~
[版主回覆02/25/2009 16:51:00]唔係呀, 我地都係柴哇哇, 練習吓, 唔算好熟手的. 熱情果配黑朱古力, 好夾呀, 而且好香添.
用callets係咪因為方便D呀(因為唔洗切)?加可可油要加幾多ga?我都想試下咁令呀~
回覆刪除[版主回覆02/25/2009 17:09:00]係呀, 細細粒, 粒粒大小一樣, 熔起來好方便.
今次用65%黑朱, 我下了10%可可油, 不過事後覺得可以落多d, 因為我想再脆d
嘩!好厲害呀!做朱古力好似好難渦!見得你們玩得好開心,好想參埋一份尼!
回覆刪除[版主回覆02/25/2009 22:53:00]易學難精咁啦, 不過有難度至好玩呀, 妳幾時來一齊玩.
越來越多JOHNNY朱古力同學會O既會員勒!
回覆刪除[版主回覆02/25/2009 22:54:00]好東西當然越來越多人分享啦, 快d來發揚光大啦!
哗!!好靓啊!!
回覆刪除[版主回覆02/26/2009 22:38:00]都ok啦, 失敗的冇影呀!
有同學一起做朱古力,好開心啊~
回覆刪除我這星期做了兩個戚風,一個還可以,一個就...失敗了!哈~ 我要再試試合我的蛋糕模份量!! 不過我有一問題,便是拌蛋糕漿的方法,我知道不要大力消氣,看你說兩三下便把蛋糕漿拌勻,我要拌很多下才可把蛋白與蛋黃糊拌勻...其實是怎樣做到呢?!請指教!
[版主回覆02/26/2009 22:38:00]等我睇下先, 唔緊要的, 我都久病成醫了......
哎, 那裏是拌兩三下 , 是拌一兩分鐘, 我手快, 一分鐘已可拌三幾十下.........打得好的蛋白, 是怎拌也不破的, 當然不要太久(如5分鐘).........遇上可可更是例外, 爆到七彩.
嘩...你不停地交功課....真係越來越好呀!!!
回覆刪除[版主回覆02/27/2009 23:09:00]係, 一玩, 收不了手, 玩玩玩玩........我怕一天會怕了.........
嘩﹗真係做得越來越靚喇﹗相信出年你又可以做古古力送比人做賀年手信了﹗熱情果那種酸撘了古古力的甜,諗起都想食呢
回覆刪除[版主回覆02/28/2009 22:27:00]hehe, 我仍是在p牌仔level, 好多蝦碌的呀, 自己玩吓就得, 有機會搵妳做白老鼠啦.
嘩,好似出面買咁,真係好靚...好想食
回覆刪除[版主回覆02/28/2009 22:39:00]點會呢, 外面的師傅, 個個功力高強, 天外有天, 人外有人, 我連吃都未吃得晒呢, 現在有了初步認識, 下次吃起來更識欣賞了......只要唔怕肥.
圓形個粒古古力真係好靚,又滑DO DO,批批古古力都咁正,點捨得食呢!
回覆刪除[版主回覆03/03/2009 10:43:00]圓形模是最耐看的, 不過由於它沒承托力, 也是最難甩得靚的, 其實有很多廢品呀, 未成功的..........
你真係整得好靚,閃閃生輝
回覆刪除[版主回覆03/03/2009 10:45:00]謝謝呀! 調溫調得o岩, 加上個模好, 就會閃的了.
So so so so beautiful ar... Can you pls. tell me where did you learn it? thanks..
回覆刪除[版主回覆08/31/2010 09:45:00]I learn from Johnny Chan, you can see this web.
http://hk.myblog.yahoo.com/adg-hk
moon,請問"把朱古力callets+可可油加熱到30幾40度, 然後不停加callets, 降到32-33度"降温後需要再坐熱水升温嗎???thx!
回覆刪除[版主回覆08/31/2010 09:15:00]跟據其中一個品牌的朱古力網頁,
callet加熱到48-50度, 1000g的朱古力漿加入350g 20-23度的callet, 令它降溫至32-33度, keep住就可以了, 不用再升溫.
明白喇!多謝你分享心得
回覆刪除