2011年5月29日 星期日

電腦與癲佬

唉, 要走的始終都係會走.......


前幾天剛剛讚用了7年的骰仔電腦耐用, 話口未完, 星期四晚突然開不到機, 底板buzzer長鳴.......certified了!!! 死因 : 底板玩完.......等於人類的腦幹死亡, 冇得救 >_<...


不幸中之大幸係我的data全部做晒backup(慘痛經驗的教訓:p)



由於在下的電腦已屬於上兩代的老人家, printer, scanner已經和新一代有嚴重代溝 : 接不上口(parallel port 冇人用啦), 冇法啦, total loss, 全系統更換...... 嗚嗚~~~~ >_<.......


破財呀!!! 好肉痛呀!! 換來的就係呢舊嘅嘢喇.........中低檔intel core i5  2.8G  4核心, 我發覺呢10年cpu速度冇乜大提升, 只係一味加核心, 電腦科技似乎冇乜突破, 只係大堆頭谷高速度........


 


一不做二不休, 換咗大 d 的mon, 取代我可憐但耐用的14吋mon仔.......


金錢已經係慘, 仲有更慘的係時間的損失........重新set up 個system, plug_and_play永遠係騙人的, 到今日仍然係plug_and_pray.........



仲有.........抗拒左好耐, 終於都要離開我最親切的XP, 換windows 7了........全新的64bit, 所有ICON 和用慣用熟的功能都執晒位, 好多用開的軟件又用唔番........


哎, 害我成個週末冇晒.........冇覺好訓, 不要說做糕糕包包........成個癲佬咁.


---------------------------------------------------------------------------------


能夠做吓包包的日子, 是最幸福的!!!


仲有敬告各位, data一定要backup, 電腦係玩突然死亡的. harddish 平均3-4年壽數咋.


Read More, 繼續看 »

2011年5月25日 星期三

台北2011 - 這裡的百貨公司

一個城市的店子, 是她生活質素的反映, 歐洲城市的重點是精緻的小店名店, 美洲是超級巨型的supermarket, 亞洲是大mall和百貨公司........尤其是百貨公司, 是高級中產階級的指標呢.......



不會忘記第一次到大阪梅田Hankyu阪急百貨買的一件櫻餅和柏餅的往事........難以忘懷的感覺直到現在......


然後發現更高級味的難波高島屋, 梅田大丸, 東京銀座三越, 松屋, 還有已經消失的松坂屋和借殼還魂的心齋橋Sogo......


台北又怎樣......之前也不相信, 三越, Sogo, 每間都有自己的分店群, 龐大得不得了, 連高島屋, 甚至阪急百貨也有呢! 不要以為它們虛有其表......看Sogo復興館.......



哇, 中庭寬闊宏偉, 毫不吝嗇的浪費空間.......專櫃貨品都是很精緻高級的........



中庭的另一邊, 竟是一個日本庭園園景, 人們可以在旁邊坐坐休息........又想起香港Sogo........人多地狹轉身也難, 實在寒愴......


                          


日本百貨公司頂樓都是高級餐廳, 台北的雖然沒那麼吸引, 但突然令我有一種回到故鄉的感覺......



這天來到信義區, 道路寬廣, 好光鮮呀! 有點走在東京都廳附近的感覺.



竟然發現這裡有Hankyu阪急百貨, 好懷念呀, 怎麼連入口大堂也是重現梅田阪急電鐵入口......甚至比原裝的更光鮮........



食品層竟有雪芳蛋糕專櫃!!! 這只是日本才見過呢!



看三越的氣派更利害, 5棟大樓, 分別是豪華, 時尚, 青春, 家居..........



綠化的環境, 廣闊的空間........真係令人有好幸福的感覺......雖然百貨公司shopping不是我杯茶........



wow, 入到來, 人也覺得高級一點.........



我行日本百貨公司, 目標只是一個 : 地下的食品街, 可以買買買買好多好吃的東西, 可惜台灣百貨公司沒有地下食品街, 只是高級超市.......吃food court, 也很不錯呀, 人少, 地大, 食物好, 價錢合理!



還有mall, 這是民生東路的微風廣場, 以為不外是什麼新城市, 新世紀 or 又一城之類........



哇, 原來不是呀! 低座名店林立, 高座是時尚店子, 人流疏疏落落的很舒服.......10:00開店的頭5分鐘, 所有店員都在店門前鞠躬, 這是日本的質素呢!


 


再看店子, 哎, 怎麼滿眼像是到了日本.......可能只是我又思鄉病發吧.........



行得累了, 坐在行人路旁吹吹風, 一面想起, 香港的百貨公司一間一間的執笠, 剩下的Sogo.  連卡佛, 永安, 其實不能算是真的百貨公司.........香港的中產階級發生了什麼事......都衰竭了? 再看看草根階層被壓得更慘, 其實我都明白的.......



Read More, 繼續看 »

2011年5月23日 星期一

便便日記

今日有
  ...
...
Read More, 繼續看 »

2011年5月22日 星期日

紅豆綠茶杯杯包

好嘢, 今日又可以做包包, 做個平時少做的, 兼清吓雪櫃中的紅豆蓉......地震前的 :p


丫, 用個杯杯矽膠模做型都喎.



食譜都係自己修改咋......


高粉195g 抹差粉5g 糖30g 鹽1g 速酵母3g 全蛋20g 水約90~100g 植物油20g


紅豆蓉約220g(冰格雪硬)


搓滑(油後下), 至拉起膜, 初發酵50分, 分割, 小包30g x 6, 大包 55g x 3, 灑手, 粉壓平, 包入紅豆蓉, 小 20g x 6, 大 30g x 3, 收口搓成球形, 薄薄撲上高粉, 放入模子/紙杯內(須預先掃植物油), 入爐180度焗12分鐘左右, 出爐脫模待涼.



哇, 嫣紅嫩綠, 好少女feel :p :p :p.


加了茶粉的麵團好黏好難搓呢 :p



好軟熟喎, 不過綠茶味不太濃, 下次落10g抹茶粉至得.



Read More, 繼續看 »

2011年5月21日 星期六

台北2011 - 士林夜市

到台北, 夜市是不可少的節目, 夜市, 就是香港政府要殺之唯恐不絕的熟食小販區了. 人家台北的夜市已成為特色文化, 又唔見吃壞人!!!???


台北的夜市真多, 有饒河街, 士林, 師大, 永康街, 華西街........數之不盡, 華西街是不用去了, 就選最有名氣的士林夜市吧, 捷運不是士林站, 而是劍潭站, 不要落錯車啊.


一出站, 便見到一個很大很大的熟食市場, 入去八吓先.......



廣東粥, 天婦羅, 官財板.......



虫可仔煎, 臭豆腐, 台灣腸, 魯肉飯.......其實興趣不大, 加上已吃了晚飯,



 所以喝了一杯蜂蜜白苦瓜汁, 好清好好味呀!



其實真正的士林夜市, 不只是熟食市場, 走出外面, 整條基河路, 大南路, 大東路, 密密的排滿了吃的, 玩的, 買的小檔.......好利害, 可是人潮更利害, 又不是假日, 怎的人頭湧湧, 人山人海......





今次來夜市, 其實有一個目的, 就是吃正宗的胡椒餅, 可是找了很久, 原來胡椒餅不是很流行的, 找了很久, 終於在大南路找到很出名的"福州世祖"胡椒餅, 聽說是胡椒餅的元祖.....



就是用這碳桶烤的........



可是呢, 不算好味, 酥皮酥不開, 濕了, 裏面的豬肉結成一塊, 似是機攪的, 也不夠胡椒香........哎, 失望.



後來走到基河路尾, 發現這間老張碳烤, 賣各式烤餅, 熱騰騰的, 好, 再吃!!!



哇, 高溫碳燒的餅, 熱辣辣, 很香呀!



一口咬下, 酥皮鬆化, 裡面的豬肉有剁肉的口感, 胡椒味濃郁, 好吃呀!


這晚不枉此行!



後記:2011年5月, 就在我們離開台灣後個多月, 這裡就爆發了"塑化劑"毒食品風波, 利用工業劑毒害市民15年, 相信那杯苦瓜汁都難以例外了. 台灣短期內也不能去了, 雖然我肯定早已成為塑化人........


大陸又係咁, 台灣都係咁, 中國人, 你地想點呀???


Read More, 繼續看 »

2011年5月19日 星期四

輕油可可雪芳

外甥仔上個月來港探親, 回國的那天早上, 他說 : "唔知舅父今朝會不會整蛋糕呢."


我笑說 : "大少, 想試什麼味呢?"


大少說 : "咁......試吓朱古力味啦, 今次" ...... hahaha


可是打開雪櫃一看, 哎喲........


"大少, 原來雪櫃得返兩隻蛋, 冇得食了" .......hehehehe


外甥仔生日, 又剛好ot完還算有命, 整返個可可雪芳, 生日快樂呀, 大少.



從前可可粉是蛋漿殺手, 消泡消到得人驚, 自從知道用暖蛋漿後, 消泡的問題完全解決了呢!!


蛋黃4隻 砂糖35g 植物油5g 冧酒25g 熱水25g 可可粉15g 座熱水徹底打勻


蛋白4隻 砂糖35g 打發至企身


低粉60g拌入蛋黃漿,  蛋白霜分兩三次拌入, 幾乎一點也沒消泡, 正呀!!! 入爐前撒入葡萄乾(地捫葡萄乾, 這牌子真的好香, 比什麼法國山葡萄乾, 日本巨峰葡萄乾香得多)


170度焗25分鐘, 出爐待涼. 小提子乾沒怎麼沉底呢, yeah!! 葡萄乾和可可的味道真夾呢!


可是水份太少了, 可可粉很吸水的, 蛋糕有點乾, 下次多下10g rum.



這次用的是最後半包森永可可粉, 老友前年託人從日本帶回來, 真香濃, 可惜bakingware house去年已斷了貨, 加上日本輻射事件, 唉.........


難怪bakingware house的老闆說 : 香港就快冇好東西吃了.



為最後的森永可可粉, 乾一塊蛋糕吧.


Read More, 繼續看 »

2011年5月15日 星期日

台北2011 - 淡水

這天乘捷運到市郊淡水, 淡水老區大街已經很遊客化, 很多手信呀, 小吃呀........



早年一定會掃街, 但經過香港, 日本, 澳門的掃街經驗, 漸漸發覺小吃其實不一定是好吃的, 臭豆腐, 羊肉串, 燒鳥蛋, 阿婆鐵蛋, 綠豆糕, 倒沒又太大興趣......



這間老店的魚丸似乎好好吃呢, 去吃個豬肉包, 吃碗魚蛋湯........噢, 魚蛋淡而無味, 裏面的爆漿油膩味很重.......普通啦.



哇, 這超長冰淇淋好出名呀, 來一客, 幾好味喎, 而且冷到口也麻痺, 熱天好爽呀!



信步走到海邊, 完全唔同feel呀, 很幽靜, 大榕樹下涼風習習, 涼氣沁人, 和大街上熱氣騰騰是兩個世界, 好一個"金色水岸"....





沿岸走, 有數間別緻的小餐廳, 令人感覺很好.



就在這間叫"淡水堤岸"的餐聽坐下, 叫一杯latte, 一壺玫瑰茶.......



一份三文治.......



吹吹海風, 漫無目的地坐坐..........



真是難得的空間.....



對淡水的感覺, 也由此變得很不錯.



 




 


Read More, 繼續看 »