2007年11月11日 星期日

我, 是一定要做包餅的 - 摩卡雪芳 , 紅茶麵包

平靜安閒的一天, 可忙著呢, 和太太步行去吃個午餐, 攪攪音樂, 做做包餅, 寫寫blog和大家分享, 這是我生活的中心.


好耐沒做個雪芳蛋糕了, 做什麼好? 朱古力? 咖啡? 就來個Mocha吧


超危險的蛋糕, 份量也是隨意的, 大約是15g可可粉, 不知多少espresso咖啡粉(約6-7g吧), 以50g牛奶代替水......快手拌好的麵漿, 不出所料, 必必卜卜的不斷爆破, 嚇得我立刻入爐, 結果也升得很高, 質感鬆軟, 但爆破的結果, 大家也看到了.


蛋糕的可可咖啡味很濃, 下次我會增加糖份, 減少咖啡粉, 和用點奶粉增加奶味.



做完雪芳蛋糕, 再做做包包, 盡地一煲.......做了咖啡, 可可......不如做紅茶麵包吧!

這是下午做的.

高粉400g 鹽 8g 黑糖35g 奶粉8g 速效酵母5g 牛油25g Assam紅茶 270g 紅茶碎一茶包 葵花子適量

搓滑, 初發酵50分, 靜置15分, 整型, 末發酵45分, 劃痕, 入爐200度蒸氣焗12-15分


上午用了一位老朋友的長時間中種配方, 但很難搓呀, 做 出來的麵包, 氣息較濃, 但發酵得不好, 麵包發得不高, 較重身和軟糯.

很想比較直接法, 所以下午再做, 麵團好好搓, 麵團發得很好, 入爐後膨脹得很好呀! 麵包很輕身和鬆爽呢! 不過香氣較淡......


 


24 則留言:

  1. 都掂喎, 整色整水係一個好好嘅減壓良方
    [版主回覆11/11/2007 22:50:00]手慢d都死, 可可永遠是蛋糕的大敵,
     
    除了整色水, 睡覺, 聽音樂, 行山, 攝影, 和朋友相聚, 玩水上活動, 踩單車, 看書, 旅行.......都是呀, 可是要放多幾日假了

    回覆刪除
  2. 這個Mocha Chiffon好大洞洞﹐感覺水份太多﹐會不會沒肉吃的感覺呢﹖﹖﹖
    [版主回覆11/11/2007 22:57:00]Tastebug, 不是水份多呢!, 是因可可粉這高脂粉粒令麵漿爆破呢!
     
    幸好吃下都唔覺, 只是不夠綿密呢!

    回覆刪除
  3. 最緊要太太懂得欣賞…加油!
    [版主回覆11/11/2007 23:00:00]係呀, 太太竟說好食, 好彩

    回覆刪除
  4. 噢﹗超危險的蛋糕呀﹗敢冒險,就有好野食。哈哈﹗
    [版主回覆11/11/2007 23:01:00]下次我又再做, 做好d!!
     
    Angel, 不如妳又幫手做實驗丫

    回覆刪除
  5. 果然是雪芳高手!我近排無mood整包包,因為忙於整理我的小花園呢!看見你的作品,我已很滿足!
    [版主回覆11/11/2007 23:34:00]謝謝呀貓姐, 謝謝, 希望妳也可一起做包, 交流交流呢!
     
    妳的甜餐包也不錯呀!

    回覆刪除
  6. 你的mocha chiffon 一定好香!!你今天做了多產一族, 是否很滿足呢???兩種包, 那一種合心意??老化程度又如何???你做了那麼多, 這星期的早, 午餐也吃它??剛巧我亦是昨天預備了長時間的中種, 麵檲很濕, 發酵亦化了很長時間, 所以包包才剛出爐, 晚一点才可以放上網, 你有空去看看, 我尚未知內部如何
    [版主回覆11/13/2007 18:00:00]係呀, phlee, 雪芳蛋糕好濃味呢! 不過苦左少少, 不過太太話好食
    個包好好呀, 直接法的, 隔了兩日還是很柔軟有彈性呢!
    好, 我去看吓先.

    回覆刪除
  7. 包包看來像很好吃啊﹗下次等我跑到你樓下,你就掉個包比我喇﹗
    [版主回覆11/13/2007 18:02:00]今次個包好好呀, 係茶味仲未夠, 下次重手d先.
    請妳食冇問題, 接住啦

    回覆刪除
  8. 很好吃的樣子...
    moon哥~下次我也要跟小六一樣, 跑到你那邊等你掉個包包下來給我呢~ 哈哈~
    [版主回覆11/13/2007 18:04:00]好的好的, 等我再做練好d先, 第一次整, 有缺點呢!
    妳不要學小六跑呀, 她是鐵人來的

    回覆刪除
  9. 見你每次的雪芳都咁吸引, 下次我練習時, 一定要來向你請教請教~
    仲有紅茶包包~ 好正啊~
    [版主回覆11/13/2007 18:05:00]好呀! 快快加入雪芳一族啦, 多一個同道好好呀!
    不要說請教, 一起研究啦

    回覆刪除
  10. 你好叻因為你識搵原因, 而我呢啲錯咗都唔知因為乜!
    [版主回覆11/13/2007 18:07:00]erica, 是我夠八呀, 和死心眼呢!
     

    回覆刪除
  11. Moon哥:我剛剛做了綠茶雪芳蛋糕,相比上次的香橙雪芳,今次的綠茶雪芳有否進步呢?聽取了你的建議,我已把蛋漿及蛋白霜充分的打起,但為何今次也升得不夠高呢??俾d意見我呀~ 謝謝!
    http://hk.myblog.yahoo.com/kkl928/article?mid=2332&new=1
    [版主回覆11/13/2007 18:07:00]好的好的, 等我來看看, 有蛋糕食呀!

    回覆刪除
  12. Moon師傅,謝謝你的提點,我會努力加油的!其實今次成功d,還是之前那個呢?
    [版主回覆11/14/2007 17:43:00]哎呀, 千萬不要咁叫我呀, 笑大人個口呀, DIY界高手林立呢!
    我見到了, 糕還可再發一d, 主要是蛋白再打企d, 放膽吧!

    回覆刪除
  13. 除意都整得咁好呀!!
    包包都好正,但我就永遠都失敗呀!
    [版主回覆11/14/2007 17:51:00]yy,
     
    我都係生生地手呢(年半, 一星期做不到一次), 所以還是試試下呢!
     
    不要緊的, 玩多幾次大家交流下便成了.

    回覆刪除
  14. 遲到也......哎呀......重有無呀.? 我喜歡那個欖形包包多些....大力D拋過黎我呢樹,.......等我接住達陣.
    [版主回覆11/15/2007 09:55:00]不遲不遲, 講真的, 我剛趙了半個做早餐

    回覆刪除
  15. phlee, 第四天了, 包包老化不嚴重, 小小啦, 不用叮熱仍是軟的呢, 但有中種和直接法的, 情況分別不大呢!

    回覆刪除
  16. Moon哥:不如下次做紅茶雪芳啦,飲完Mocha ,飲milk tea喇
    [版主回覆11/15/2007 21:42:00]下次我可能掉轉, 做mocha麵包, 紅茶雪芳蛋糕呢!

    回覆刪除
  17. A_moon, 我的蘋果包到今早還可以吾叮, 現在下班回來吾叮都okay喎. 今日是包包出爐第五天, 都吾錯啦, 只是麵檲發酵是有待改善, 下次試吓等二個17小時食譜先.你知吾知道有brick oven賣呢???size 就像你用的差不多, 看看http://www.kingarthurflour.com/shop/landing.jsp?go=DetailDefault&ref=ti&id=5876&utm_source=google&utm_medium=cpc&utm_content=brickoven&utm_campaign=misc&utm_term=cuisinart+brick+oven&gclid=CK6XveyH4I8CFQ8nawoddStD8w 

    回覆刪除
  18. MOON,
    手搓17小時是比較難呀, 也較濕.
    1. 中種麵團係比較硬, 放入約 5度雪櫃, 17 小時後應變成一倍大麵團, 較軟身, 但乾爽.
    2. 中種麵團不用回溫, 是冷冰冰地切細加入
    3. 第一次發酵只是半小時-45分鐘, 不用等發起一倍呀
    4.麵團不應加太多手粉, 令願減水(減至25%), 所以做主麵團要就著水份加水呀.(如用手或坐檯機K.A.)
    5. ERICA 做得O岩, 大力撻多幾下, 或者用高速打多幾分鐘會好好多
    6. 雖然面團濕, 但離BOWL 及麵團光滑已可以了.
    7. 最後發酵, 你會發覺它後勁凌厲, 發起兩倍就可入爐了.
    8. 粉係日個好大問題, 我用的昭和NEON 粉吸水量比較多, 水份可落足, 用其他要自己看情況
    加油呀!

    回覆刪除
  19. 下星期留一個給你作比較吧, 和直接法包沒得比呢.

    回覆刪除
  20. 各位, 謝謝呀, 仍要OT, 今個星期冇得玩了.
    阿堅, 好的好的, 太好了, 那裏方便交收?

    回覆刪除
  21. Fatgarfield 肥加菲2007年11月17日 下午12:16

    The always popular chiffon! I got a chiffon book as well as some small chiffon moulds. One day... I'll use them.
    [版主回覆11/19/2007 14:03:00]好呀好呀, 有沒有買一個kai雪芳鋁模呀, 期待妳的雪芳蛋糕作品呢!

    回覆刪除
  22. Moon sir, 你個香橙chiffon recipe好得, 軟到我連甩模都甩唔到! 勁好味呀! 我要再努力!
    [版主回覆11/19/2007 14:13:00]好的, 繼續努力.
     
    雪芳蛋糕好得意, 超軟但可徒手脫模也可以的.

    回覆刪除
  23. 啋.....我地點會同一時間你留言比我, 我又留言比你嫁!
    [版主回覆11/19/2007 14:13:00](Empty)

    回覆刪除
  24. 蒸氣焗係點做法呀? 我都好想試整, 請指教吖
    [版主回覆11/25/2007 23:03:00]我的蒸氣焗很簡陋呀, 是麵包入爐後用唧壺向上下發熱線噴水幾下, 隔5分鐘又做一次. 共做3次.
     
    好少少的是放一盆卵石預熱, 臨入爐時倒入冷水, 便會冒出蒸氣了.

    回覆刪除