2007年7月31日 星期二

再戰朱古力扭紋包包

上次的朱古力包, 實在太不像話了, 脫模後碎成一片片......哎!

改變配方: 高粉由350g減至300g ; 做朱古力部份的麵團, 有50%減至40% ; 可可粉, 由原先的15g減至6g.....

結果, 都可以了, 味道平衡了很多, 質地很柔軟煙韌, 最重要是, 太太少有的說: 好吃呀!  成功脫模了, 可切出一片片完整的山形包

看這"鐘樓駝俠", 還是"甲殼恐龍"......仍是脹得那麼醜, 徹底明白了, 是那少少可可粉的效果 : 看上圖, 原本佔少量的朱古力色部份, 烘焗後, 竟佔了大部份面積

看它在爐中極度膨脹, 真嚇人呀, 下次要再將朱古力部份減至25%

19x10 cm 吐司模

高粉300g 速酵母5g 鹽5g 砂糖30g  奶130~135g 全蛋1個 植物油25g

1. 上述麵團搓勻後, 分為336g淨麵團; 約224g + 6g可可粉; 兩麵團分別搓揉至光滑

2. 初發酵50分鐘; 排氣摺疊靜置10分鐘, 用麵棒碌扁碌薄碌長, 將朱古力麵團疊在白麵團上, 捲起.

3. 放入塗油的方包模內, 最後發酵45~50分, 至模的9成體積, 表面塗奶, 有興趣的話, 用剪刀剪出花紋; 入爐180~200度焗30~35分鐘; 稍待涼後脫模.



24 則留言:

  1. 見moon嫂收貨,0甘就擔登仔霸頭位,小二哥,唔該厚吐司一塊....

    回覆刪除
  2. Fatgarfield 肥加菲2007年7月31日 晚上11:18

    Personally, I find your first try at this bread looked prettier in shape and colours (maybe it's only on picture?) but both look really soft! Yummmy!

    回覆刪除
  3. 好吃好吃.....十個都好吃.MOON哥整多D!

    回覆刪除
  4. 要接再勵呀 我今日整左卷蛋,也不太像樣。唉~~  

    回覆刪除
  5. wow....個山好高呀……

    回覆刪除
  6. 嘩!  連moon嫂都話好, 真係好想試下!

    回覆刪除
  7. MOON: 看完恐龍展的我..覺得像甲殼恐龍多d 不過呢個係好好味既甲殼恐龍 想請教一下你的step"1. 上述麵團搓勻後, 分為336g淨麵團; 約224g + 6g可可粉; 兩麵團分別搓揉至光滑" 你是如何做的呢?不怕正在搓主團,朱團又在發嗎?還是搓好了才分團呢?真的搞不清 還是你有4隻手一起弄 謝謝賜教

    回覆刪除
  8. 都幾好喎!!! 你老婆大人一定會讚啦!!! 你d出品咁好.... 如果我老公肯做...我都會讚呀!!!

    回覆刪除
  9. 我也買了jelly, 好食啊。 多謝推介 XD

    回覆刪除
  10. 小三, 好呀好呀, 要油占還是要奶醬. Fatgarfield, 上次的包包, 可可粉太多(下了三四湯匙, 15g), 有點苦和很散, 所以不很好吃, 今次朱古力部份的質感很煙韌和軟了, 朱古力味的確不夠, 下次再改善. Purple_purple, 我一定會呀, 好好玩的, 我也是包餅精, 對麵包有點不解的情意結呢!

    回覆刪除
  11. RAIN, 我會呀, 這個麵包, 足以吃到我飛的了......卷蛋, 很講技巧的呢, 我仍未還過, 未玩過的實在太多了, 幸好這一直可維持興趣. 小六, 係呀, 高到我O晒嘴呀, 有d似當日行象山, 行極前面仲有山(其實是那天又熱又渴:p) 藍藍, 這包質感很好的呢, 不過告訴妳, 昨晚moon嫂說肚餓, 我說吃少少我的包啦, 她說:嗯, 我都係keep吓fit, 明天吃別的

    回覆刪除
  12. Cman, 我是先把用來做朱古力的一份濕麵團放入雪櫃, 先搓好白麵團作初發酵, 然後拿出小麵團加可可粉快速揉搓約10分鐘便可成形, 然後一起發酵50分鐘. 朱古力麵團是發得沒那麼起, 但我也不講究了, 一起排氣靜置10分鐘, 便做型了, 結果, 朱古力完全脹力驚人呢!! YY cake, :p 其實不關事的, 是我貪玩而已, 太太給我亂攪廚房, 已很好了 RAIN, 係呀係呀, 真係好消暑的, 又好味呢!

    回覆刪除
  13. A moon 朱古力吐司發到咁高, 唔嚇人呀, 睇到我好high tim! 我又要整呀, 剛想到整3 色吐司, 綠茶朱古力和白吐司, 好不好?

    回覆刪除
  14. A moon, 你去邊呀?要話比我地知呀,唔好神神秘秘咁走左去玩wo 係呢,你知道邊度有加藤千惠的書賣嗎?thx =]

    回覆刪除
  15. 嘩...睇見都想食呀...整塊黎得唔得先??

    回覆刪除
  16. 整得好靚我好想試呢款包,妳係分開來搓嗎?

    回覆刪除
  17. 嘩﹗果然死心眼,不成功便成仁。今次已經邁進一大步,看見都很想吃呀﹗不過會有第三次呢﹗

    回覆刪除
  18. A moon: 好厲害啊~ 你常能在失敗後再嘗試、改善... 直至成功~ 呢種精神好值得學習呢~

    回覆刪除
  19. RAIN, 我怎會無啦啦消失? 其實之前已透露, 我會去溫哥華,探妹妹一家, 星期六出發, 兩星期後回來. 第一個星期會去了trip, 可能暫時消失, 之後會盡量和各位聯繫的呢! 加藤千惠的書, 還未見過呀, 不知其他blog友見過嗎? http://www.chiekato.com/

    回覆刪除
  20. Natalie: thanks thanks, 我這麵包真是升到超出想像, 不過手功仍是幼稚得很, 慢慢我會做好點, 起碼螺旋紋要靚些. 呀, 好呀好呀, 用綠茶做綠色, 唔........有沒有方法做紅色? 為食兵團, 好呀, 都幾好食的, 今天, 仍是柔軟 傻軒媽咪, 好呀, 大家研究吓啦, 不過不要甲殼紋呀, 劃直紋好看點呢. 搓法下面和Cman談了.

    回覆刪除
  21. Angel, 妳開始明白一半的我了, 我也相信會有第三個呢, 這次仍是不美, 冇法啦, 是土法煉鋼呢! 阿莉, 其實我是挺求其的人, 除了因為好玩的東西.........

    回覆刪除
  22. 好一句土法煉鋼﹗

    回覆刪除
  23. 哦 ,玩得開心D 係囉。日文版加藤千惠既書我搵唔到

    回覆刪除
  24. Angel: 係呀, 我都好懶出去學師, 唯又享受一下土法煉鋼啦 RAIN: 好的好的       呀,是日文版, 可惜他們通常只是國內發送啦!

    回覆刪除