關西行2012(13)- 向那智勝浦出發 - 串本海中公園

別了白濱, 大伙兒向南紀最南方的那智勝浦(Nachi - Katsu ura)出發!

前一晚弟弟說 : "明天去串本海中公園吧!"........"吓, 天氣好陰冷喎, 去睇魚好凍喎......."

第二天, 哇, 天氣竟然放晴, 實在太好喇!!! 去去去, 去玩咯!!!

 Guido-san, 你真係識得好多窿窿罅罅的好地方呀, 這個本土景點都找到.........



天賜晴天, 大家的心情也放晴, 好happy呀!

一入館, 姐姐說替我們拍照, 我們正在猶疑.........會不會很貴??? 姐姐已取出一個紙板, 上面用中文寫著 " 不買照片也不要緊" .......看, 多老實, 多友善, 多體貼......然後為我們用私家相機拍照.

這就是日本, 我所喜悅的.

我的canon500D都算不負所望, 拍了好多美麗的海洋生物呀?

 隻寄居蟹好靚呀, 估唔到咁豔麗!

好開心見到d生猛的海龜, 可惜趕住搭船仔, 有d弟妹睇唔到, 就匆匆走左添, 哎, 下次來過!!!



呢架係半潛艇來咖, 海底都有d魚仔珊瑚睇.

海中塔......

想不到更多魚魚睇, 呢呢, 有條魚博上鏡.......

 出左展覽館, 見有一排自動售賣機, 好開心呀, 好多款式呀, 有粟米濃湯, 大納言汁粉(靚紅豆沙), 哇, 竟然有味噌汁(麵豉湯), 好得意呀, 買買買!!!

竟見到我最喜歡的"森永"可可, 但係可惜味道不是太濃........