我和元朗都有一段緣, 幼稚園, 初中階段都住在元朗, 過時過節又會到姑媽屋企過節, 留下很多記憶.........
那時的元朗, 樓宇整齊, 大馬路很寬廣, 人流適中, 民風純樸, 附近鄉郊處處, 雖然有很多老舊的平房區, 整體的生活環境, 比現在的元朗更好.........
-----------------------------------------------------------
1960年代的谷亭街班馬線, 那時竟然有交通警察指揮亭! 路中心的分隔竟然放左兩個雞籠, 有位婦女穿的是客家人服飾, 大人細路, 都是拿一個籐餸籃去買菜, haha, 依家不會有了......
還有什麼有趣的細節呢???
大棠路口的"美亞辦館"竟已出現了, 我時時去買牛油和麵包.......現在已不存在了
2000年代的同一個地點, 噢, 好擠迫, 周生生金行.........竟然是唯一屹立不倒的.
1960年代的大馬路和大棠路口(當時叫大新街)俯瞰圖, 元朗的新市鎮已成形了,左下角的斜頂, 難道是以前光華戲院的屋頂? 丫? 呢幅相是在那裡取鏡的呢? 元朗那時已有高樓了.
----------------------------------------------------------
70年代的大馬路, 近元朗大廈, 哇, 那時的學生look真係......hahahaha, 好威咁喎, 中都國貨傢俬部........正式的中都, 在同樂對面, 那時係shopping的好地方呀! 元朗餐廳, 未吃過添......
2000年代同一地點, 唉, 今日想在大馬路找間可以坐吓的餐廳真難. 那天去完南生圍, 由大馬路頭行到大馬路尾都冇得吃.........
-----------------------------------------------------------
1980年代的大馬路, 在康樂路口拍攝, 相中仍見到好相逢酒樓, 以前冇乜機會飲茶咖......丫, 當時還有一間在教育路的酒樓, 叫咩名呢?
相中仲見到章記大藥房, 現在仲存在嗎? 同樂戲院仍未拆, 後面高高的元朗貿易中心已經出現了.
2000年代. 噢, 好迫狹, 同樂已改建成開心廣場, 一d都唔廣.
1980年代尾的同樂戲院, 雖然老舊, 但有一種地標式的氣勢.......留意到她其實已結業了, 後面的元朗貿易中心剛起好.....
2000年代已變了開心廣場, 又係那種感覺, 好迫狹.......
同一地點, 我估係80年代初.......
有心人在同一地點, 2000年代, 都係那個感覺......迫.
----------------------------------------------------------
大馬路"元朗差館迴旋處", 應該是80年代尾90年代初........那時大馬路一頭一尾都係一個大迴旋處, 道路設計簡潔寬廣. 另一個係"雞地迴旋處", 同樣已消失了.
2000年代, 輕鐵是前政府的搵笨之作, 很多城市都有路面電車, 但沒有這麼霸佔路面(港島電車就是好的例子)
很多很多的名字........同樂戲院, 光華戲院, 元朗戲院, 美亞辦館, 章記大藥房, 啟明書局, 光華書局, 好相逢酒樓, 許留山, 中都國貨, 陳光記百貨, 五合街, 雞地, 明珠樓, 新區, 下高埔新村, 鳳池村, 大橋村, 擊壤村, 攸田村, 西魚涌.......每處都留下一點一滴的回憶......
後來搬了不少地區, 住過屋村也住過私人樓宇, 也沒有像元朗和大澳那種感覺, 這些重重疊疊的印象, 也許就是對一個地方的歸屬感吧.
-----------------------------------------------------------
無意中找到一些討論區, 原來很多元朗地膽分享他們的照片和回憶. 我又借那些照片來緬懷一返.......
http://www.uwants.com/viewthread.php?tid=4894657&extra=page%3D1&page=1
http://www.y1.hk/disz/viewthread.php?tid=50&page=3
http://hk.myblog.yahoo.com/old-hk/index?l=f&id=23
http://hk.myblog.yahoo.com/jw!k6SnFmiaHxnlrfYSAR27My6Scdun81F6/article?mid=2994
No 1 ! 很喜歡細味昔日的相片。
回覆刪除[版主回覆07/18/2011 15:07:00]我都係, 尤其係睇到接近自己細個生活的地方........很懷念.
香港人多地小環境擠迫,
回覆刪除無辦法唯有將建築物"起"密D高D,
交通警察指揮亭童年時都好似見過!
[版主回覆07/18/2011 15:11:00]其實香港仲有好多地, 不過政府高地價政策, 留晒比d地產商起豪宅, 可惜呢d豪宅不是普羅大眾住的. 偏遠的郊區就剷晒起樓了, 普羅大眾住遠d, 住迫d.
真係好正呀! 而家既元朗人多車多, 好煩呀! 有d似旺角嘞!
回覆刪除[靚媽劉師奶回覆04/26/2012 07:32:11]而家試下入元朗再睇下就知迫唔迫嘞！
[Soldier回覆04/25/2012 14:41:53]冇輕鐵, 其實行人路感覺冇咁迫.
[版主回覆07/18/2011 15:14:00]妳講得好o岩呀, 元朗真係發展過度, 不好住. 沙田, 粉嶺, 上水都好似好d.
沙田、上水都係麻麻地,
回覆刪除元朗以前夜晚9點就會好靜架嘞, 點會好似而家咁吖! 好鬼討厭呀!
[版主回覆07/22/2011 19:00:00]係啦, 其實香港好住的區域都唔多.......人口, 土地和房屋規模出左問題, 都唔係近十年的事, 而係幾十年的事了.
離開元朗後, 我都有間中回去, 但近年已不是太想回去, 好煩.
咁你都搵到 d 相比較，有心機！
回覆刪除[版主回覆07/22/2011 19:01:00]好好玩咖, 但大部份都係"偷"人地的:p
淨係買餸個街市人多到得人驚呀, 車又多成個旺角咁, 好彩我住村既返到屋企都仲有小小靈靜空間啫!
回覆刪除[版主回覆07/23/2011 23:39:00]元朗看來已經過度發展overload了, 以前適中好多咖, 香港好多新市鎮都係咁了.
周生生真係好犀利喎, 咁多年都無搬. 同樂戲院同開心廣場都係用圓角, 一定同風水有關嘞, 哈哈!
回覆刪除[版主回覆07/23/2011 23:40:00]係啦, 我細個都冇留意有周生生.......梗係啦, 我那時都唔會買金啦haha!
元朗而家比D大陸人霸佔晒啦, 街頭街尾都係大6人, 搞到D環境差晒, 真係好煩呀!
回覆刪除[版主回覆07/24/2011 22:35:00]:o 點解呢, 元朗不是北區市鎮喎......
元朗近住關口嘛, 好多妓女、新移民, 又近住天水圍.....情況係點係都可以想像啦!
回覆刪除[版主回覆07/26/2011 15:50:00]icic,原來係 o甘
(Empty)
回覆刪除教育路果間係好似叫嘉好定嘉城
回覆刪除[yip回覆12/30/2012 17:00:07]恆樂結業去嘉誠,嘉誠結業去大榮華.
[地球人回覆04/25/2012 21:10:18]Soldier 果然係元朗通
[Soldier回覆04/25/2012 14:40:25]七八十年代, 元朗有嘉好,嘉城及嘉麗華酒樓, 又有元朗酒樓及新樂酒樓, 榮華(大馬路)和大榮華酒樓(元朗安寧路).
[版主回覆08/16/2011 18:23:00]呀, 好似係嘉好呀.
嘉好係而家的Daiso
刪除教育路那間係嘉城，是而家的嘉城廣場
刪除你好, 我由出生到現在都是元朗人, 老婆都是元朗人.可以說是城市與鄉村之間的夾心人.至少兩面都認識, 亦不似以前大學同學講元朗又遠又通處是牛.
回覆刪除[版主回覆04/25/2012 22:38:23]我在元朗渡過幼稚園和初中階段, 他們不只, 幾十年前, 元朗已是一個完備和優美的小市鎮, 現在, 反而通處是人呢!
元朗真係一個令我回憶好多好多的地方,我從出生到現在都係呢個地方.
回覆刪除我諗係大榮華酒樓的頂樓天台位置去影的啊 》》》1960年代的大馬路和大棠路口(當時叫大新街)俯瞰圖, 元朗的新市鎮已成形了,左下角的斜頂, 難道是以前光華戲院的屋頂? 丫? 呢幅相是在那裡取鏡的呢? 元朗那時已有高樓了.
回覆刪除