太好了, 又可以做包包, 雖然近來不太如意, 但無論開心不開心, 做一爐包總令我有很幸福的感覺, 心情也好點.
材料很簡單........
高粉250g 可可粉15g 糖30g, 鹽4g 酵母3g 蛋大半隻+水共約170g(靠手感) 牛油約10g植物油約10g
搓滑成團, 想不到金像粉好好搓呢, 發酵45分左右, 分割成50g~70g小球, 滾圓靜置10分左右, 再排氣滾圓, 記得底部收口捏緊點, 撲少少高粉, 放入掃了植物油的矽膠模, 發酵30分, 掃上蛋液, 在麵團上黏上喜歡的小東西, 入爐170度焗12分鐘.
成功呀!!! 只是有些包包的底部收口散開左少少, 你睇唔到了, haha!
小東西中, 最靚係合桃, 一定係我最喜歡吃的紹香園原味, 濕了水再黏上去, 否則會焗晒:p
粗粒砂糖都幾好味........
新買的入爐朱古力, 點焗都不會熔, 不知加了什麼化學東西........雖然是法國製, 有點恐怖 *皿*
-----------------------------------------------------------
近來毒食品風波越演越烈, 原本以為安全的台灣, 也令我失望了........
在"尾森"買了些包糕, 早就知道加了很多添加劑......再看真點.........
最普通的牛油卷, 非密封包裝, 即日賣的, 也加了三種化學o野..........
密封包裝的"雪芳蛋糕", 竟加了........32種!!!!!!
其實這間店子已經是跟足法律, 實話實說......其他不老實的, 更加食死把就........
人類都係自取滅亡.........
你用手搓呀, 搓左幾耐呀, d E咩咩, E物物都幾得人驚
回覆刪除[版主回覆06/09/2011 07:52:00]係呀, 我是手搓的, 大約10-15分鐘左右啦.
嗰d EEEEEEE, 不知食了多少, 都好無奈.
好可愛嘅合桃朱古力包包!
回覆刪除依家所有食物或多或小都有化學野,
就算所謂有機食品都係商人搵錢籍口,
地球都污染哂我地點會獨善其身!
[版主回覆06/09/2011 07:55:00]合桃和朱古力的味道幾夾呀!
化學嘢呢, 人類化工科技越進步, 我地食的化學嘢越多, 為左各種假的口感, 保存期, 外觀, 加得就加, 增加利潤.........不過好無奈, 它們打低晒成個市場, 冇乜方法避.
唉，呢d野由細到大都唔知食左幾多落肚， 咁落去，人類真系會自取滅亡。
回覆刪除[版主回覆06/09/2011 08:41:00]呢個係追求市場利潤, 濫用科技的結果, 可惜呢個大勢已經好難抗拒......
終於見到你搓吓包啦~ 金象粉? 咩牌子~ POST出黎睇吓~ 我又想試吓用~
回覆刪除你講得啱, 一D普通麵包都要加好多化學野~~~~ 真係唔知可以點選擇~~~
[版主回覆06/09/2011 08:43:00]百佳有售, 本地土炮.
除非自耕自食, 桃花源記........:p
食開自家做(麵包機)的麵包不想買街外的 。
回覆刪除添加劑太多太可怕。以前我們吃的全是有機食物,
現在吃的都是色素化學添加劑 ! 無奈!
[版主回覆06/09/2011 08:44:00]冇法子, 唔買麵包, 都會買千百樣街上的食物.......冇計.
依家真係食乜都驚
回覆刪除[版主回覆06/09/2011 08:46:00]冇法啦, 全世界都係咁, 唯有盡量避開d最差的, 仲有係, 各安天命.
真好恐怖..食乜都驚,自從自己做麵包之後,一次都冇係外面買過了..不過我老公講,可能麵粉都有加化學野.. 避無可避
回覆刪除[版主回覆06/09/2011 08:49:00]我做自家麵包, 都唔係為健康, 係為興趣, 順便有可能的話, 健康一下都無妨. 街包我照吃, 冇時間日日自家製包......街包又真係幾多味道選擇.
現在食什麼都有問題啦, 做現代人真不易。唔睇就算, 睇左有排驚........
回覆刪除[版主回覆06/09/2011 08:51:00]冇法啦, 睇唔睇都係食, 只係得個知字, 同埋寫得出都叫做有法例監管吓咁啦, 我又唔驚嘅, 只係無奈.
自家製當然係安全d....
回覆刪除[版主回覆06/09/2011 08:52:00]係呀, 不過我都係食街包多d :p
一时都是自己做来吃好d...
回覆刪除[版主回覆06/09/2011 08:53:00]係呀, 可惜冇時間整, 又冇街包咁多選擇, 所以我都係買包多d.
唉~我就係一早知,因為我都有留意個包裝袋! 山X, A1都一樣......
回覆刪除而家最大劑係D原材料都唔見得安全呀!
[版主回覆06/09/2011 08:54:00]唯有靠個信字, 希望歐洲呀, 加拿大呀, d人守法d, 冇咁狼死.
過年時都有一盒佢的cookies, 嘩! 我都嚇一跳, "材料"之多, 佢又唔係整得好吃過人.., 乳化劑, 香料, 色素, 防腐.. etc, 太足料, 所以賣貴些, 仲要沽清光, oh! 都無自己整可靠一些
回覆刪除[版主回覆06/09/2011 08:57:00]所以我明白點解街買的糕餅, 又鬆軟, 又綿, 又放得耐, 自家製的永遠都做唔到那些郊果. 冇計, 間間都係咁, 人地有成team人研究加乜添加劑的.......
"人類都係自取滅亡........." 講得啱呀.
回覆刪除[版主回覆06/09/2011 09:01:00]有一日, 我在citysuper麵包店, 聽到兩位人士的對話......
"買唔買麵包呀?"
"睇吓, 哇, 咁鬼貴.......哇??? 保鮮期得一日, 咁都得, 人地d放到成個星期呀! "
"係啦, 都係唔好買了"
..........唉, 人類, 又唔止d商人.........
自取滅亡.........
回覆刪除[版主回覆06/09/2011 09:02:00]唉, 都冇法扭轉了, 唯有自求多福......
做乜你個包包,,咁靚架?? O...實在忍唔住啦~~
回覆刪除[版主回覆06/09/2011 09:03:00]吃左兩日早餐, 裏面的朱古力粒攪到手和口好易啡左. haha
此終都係自已做的最安全又健康!
回覆刪除[版主回覆06/11/2011 23:14:00]但又冇時間成日整, 冇法啦, 都要買街包的.
無良的商人為了金錢；喪失良知，為市民帶來無數的災害。可憐我們這班無力抗拒的市民，被逼的吃下無數的毒藥，使到身體的細胞也受到折磨。 數數現代世上的食物哪一樣冇有防腐劑、添加劑??? 什麽什麽塑化劑、防腐劑、添加劑、乳化劑、軟化劑，人類越來越多奇難雜症，統統都是人爲的！感得慨嘆和無奈，真是可悲可泣。 兩年前，一家臺灣蛋糕點正式開業，非常好生意，媽媽們都到店裏買麵包、蛋糕之類，給小孩帶便當。曾經，韓國鄰居告知，她朋友也同樣到店裏買麵包給兒子，可是兒子忘了帶，遺留在車庫裏已經有一個禮拜，包包並沒有任何腐化和發黴。當時，這位智慧媽媽已經感到不對勁了，不敢再到囘去買了。 食物要保質；其樣面貌與長壽，必定要有一套保存的秘訣。作為現代聰和敏的消費者，購物之前認清楚，食物的真與假；和放進口裏前，認真判斷它的傷和害。千萬別掉了金錢，卻換來傷害。 之前還為你慶幸；你能找到代替故鄉的地方。雖是短暫的高興，也感到失望。不過，塑化劑的出現，也令你這個聰明人；知道怎麽去選擇，你該謝天謝地啦~~~
回覆刪除[版主回覆06/11/2011 23:24:00]
為左商品好看好吃耐放, 大部份的商業食品都加晒料.......其實全世界都係咁, 包括日本, 只係相信那些法例容許的添加劑, 不會令我死得咁快........:p
可恨的是無良商人, 加的是工業添加劑和毒劑........
我地香港買的街包, 都係放大半禮拜, 都係咁柔軟, 冇發霉, 只有一些高級麵包店, 放一兩日就老化........相信那會好些.......
.
我相信台灣大部份商人都ok的, 只係今次事件太大, 等一段時間, 清除晒d塑化食物, 都可以再去的........希望冇下次啦
妳知嘛, 不只是台灣, 香港人9成人的血液中都有不同程度的塑化劑.......死未.
搓包的確係減壓的好方法.
回覆刪除[版主回覆06/14/2011 21:29:00]係呀, 專心的搓包, 漸漸什麼也不用想了.......
我自從自己整包包、蛋糕之後，已經好少去買 嚟食喇！
回覆刪除[版主回覆06/14/2011 21:30:00]我有買呀, 天天吃包, 可惜不能天天做包.
天天造包！？呢個應該只係一個奢望，就連家庭主婦都唔可以啦！如果真係想天天造包，睇怕都要轉行做麵包師傅至得喇！
回覆刪除[版主回覆06/19/2011 18:56:00]哈! 總有一天..............