哈哈, 今天清早起床, 又是一個不用ot的早上, 太好了, 玩什麼好呢.......
吖 , 好久沒做我的老拍檔---雪芳蛋糕了, 手勢也生疏了......哎, 會唔會又係凹陷收場???
今次用普通的Maxim instant coffee咖啡粉. 咖啡雪芳, 好怕凹啊~~~
4黃 4白, 60g糖, 50g熱水+1 tbsp咖啡粉, 70g低粉......
早起, 懵懵吓, 忘了下油 :p :p , 還有---打蛋黃時, 一下子把60g糖倒入 :p :p 打了好一會才發覺......哎呀~~~~!!! 打蛋白時唯有齋打不加糖 x____x
170度焗25分鐘........待涼脫模.......好貼模呀, 也沒有收縮凹陷結層, 好滿意呀!
雖然忘了加油, 蛋糕也十分潤澤鬆軟, 口感絕佳, 既是這樣, 下次做雪芳可以大量減油, 哈, 真是意外發現!
還有最大的證明 : 蛋糕要是凹陷, 怎小心做也會凹凹凹 ; 要是不凹, 懵懵吓亂做也不凹......人生亦復如是, 信乎?
我一陣都諗住試咖啡戚風, 我次次都凹, 希望今次好d啦
回覆刪除[版主回覆02/27/2011 16:23:00]祝你成功!!
整餅和人生, 都有得咁full luck, 次次都咁得心應手就好啦!
回覆刪除我果d次次都有沉澱, frustrated!!
[版主回覆02/28/2011 21:13:00]係, 越來越覺得, 人生就係咁, 只要努力過, 做得開心, 就去做啦, 成敗從來不是和努力成正比, 心裏明白就好了.
沉澱.......係咪即係結層呀, 近呢年我試得多, 實驗過無數次, 最後都係冇結論.......最近忽然乜事都冇.......包括今次亂咁來......算啦, 惦左就算了, 等我得閒再玩過實驗........純粹係玩, 不期望解決什麼 :)
都叫你下次係我做雪芳，睇吓佢凹唔凹﹗冇油雪芳好吖……
回覆刪除[版主回覆02/28/2011 21:29:00]haha, 一定來試爐啦......等妳兩個小寶貝settle好晒先 :)
係呀, 原來冇油完全不會影響蛋糕的軟滑, 仲好似好食左.
很多時做蛋糕都好難解釋倒 !
回覆刪除上個月, 在 misto餐廳訂了一個misto出名的心太軟蛋糕為朋友慶祝生日,
當日 misto 竟然失手, 要重焗多一個, 我立時想: 連專業廚師日日做都有
失手的時候, 更何況我們呢 !
整雪芳真係唔到最後都唔知結果,
回覆刪除有時驚喜有時就驚駭囉!
我也馬上做了實驗，祇下了10g油，兩黃四白，都無問題! Anyway, thank you for pioneering.
回覆刪除[版主回覆02/28/2011 21:40:00]係呀, 放左一日, 仍然係咁軟滑, 一d都冇乾或"鞋", 好正呀, 少油都行呀!
我只係懵左, 不是pioneer呀:p
我都要玩下雪芳先
回覆刪除係!同意,人生都係咁~係你就係你,唔係你就梗係唔係你啦!!(我嘅肺話!)
回覆刪除[版主回覆02/28/2011 21:46:00]冇錯, 就係咁勒
唔﹗等我下次試吓先﹗
回覆刪除[版主回覆02/28/2011 21:48:00]一於試吓, 又好食, 又唔會油淋淋, 唔知除左咖啡味, 其他味道係咪都ok?
呢期又整包，又整雪芳，肯定公司唔忙，唔駛 OT 啦！ 睇 嚟你都真係未 瞓醒喎，糖又唔記得留起，油又唔記得落！ 不過你呢次又懵得好正喎，一來蛋糕靚靚無凹陷，二來俾我知道原來唔落油都整到，簡直係天大喜訊呀！ 我以後整雪芳都唔落油，健康 啲之餘，清洗工作都快 啲，正！ 一茶匙咖啡粉夠濃味嗎？
回覆刪除[版主回覆03/01/2011 07:39:00]冇ot時玩多d, ot時冇人可憐.
冇油雪芳好ok呀, 一樣咁鬆軟潤滑耐放, 昨晚放入雪櫃, 今晚試吓仲係咪咁好食.
哎, 我懵到, 應該係 1 tbsp咖啡......改了:p
唔落油都得，哩個真係一個好大的意外發現吖
回覆刪除[版主回覆03/01/2011 20:32:00]哈哈, 真係誤打誤撞, 冇必要的油, 不用吃落肚.
我老公成日都話要求唔高, 問題唔大, 好似好啱用啊 ~
回覆刪除[版主回覆03/01/2011 20:35:00]哈哈, 都o岩嘅.
我呢, 要求都高高地咖(食了左嘴), 不過當冇得要求時, 求求其其我又得.
信…命運其實唔係掌握係自己手！
回覆刪除[版主回覆03/01/2011 22:16:00]自己隻手, 邊有咁叻, 整蛋糕都未必次次得......haha
命運其實唔係掌握係自己手！
回覆刪除即是用平常心去做，反而會成功.
[版主回覆03/02/2011 07:55:00]嗯, 平常心去做, 可能成功, 也可能失敗,
可以的話試吓做好d, 做不到也要放下.
我最愛的咖啡味!
回覆刪除[版主回覆03/06/2011 18:09:00] 好味呀, 以前次次凹陷, 唔係好敢做, 依家唔怕lu
雪芳和戚風有咩分啊?????
回覆刪除[版主回覆04/17/2011 09:42:00]都係........chiffon