很久沒有做曲奇了, 今次要預習一下........
曲奇的材料
無鹽牛油: 75g
糖粉 45g
蛋黃半隻 (中蛋)
麵粉100g, soda粉1/4t小匙, 咖啡伴侶半湯匙, 杏仁粉45g
紅莓乾 20g (大粒的最好剪碎, 否則切片時頂刀)
1. 將牛油室溫放軟, 之後加入糖打成羽毛狀, 再加入蛋黃拌勻, 之後就可以加入篩過既粉類包括杏仁粉攪拌成麵團, 之後就加入紅莓
2. 將麵團均分兩份(每份約110g), 每份乾搓成13cm圓條或方條
3. 再冰格內雪硬(一定要夠硬!!!)後就可以切片
4. .溫度: 170度大概15-20分鐘焗啦, 每個爐溫度唔同, 自己調較
5. 出爐待涼即封好.
有紅莓乾，咁咪酸酸甜甜？係咪吃到收唔到口 ne~
回覆刪除[版主回覆05/02/2009 18:27:00]好食呀!! 不過唔敢多食呀, 我有牛油恐懼症呢!hehe
唔 ~ ~ ~ ~ 好想食呀 !
回覆刪除[版主回覆05/02/2009 18:28:00]好易整, 又好好食, 好鬆化呀!
你這個配方的成品如何? 鬆脆嗎?
回覆刪除看外表, 我鐘意四方的, 它面有粒粒糖嗎?
[版主回覆05/02/2009 18:30:00]好鬆化, 因加了杏仁粉.
ma都話方形好d, 好一於做方形, 裏面的是杏仁粉的粒粒呢!
我都係鍾意四方!! 睇黎, 大部份都係送人吧????
回覆刪除[版主回覆05/02/2009 18:43:00]好好, 一於做四方的.
當然啦, 我吃兩片, 好味就ok了, 我好不易才keep住我的重量呀! 可惜肚腩都係騙不到人
嘩... 好少見曲奇出現~~ 好得喎~~~ 做咩要預習? 因為之後有大project ??
回覆刪除[版主回覆05/02/2009 18:47:00]係呀, 妳真聰明, 所以一定要試做, 才能做品質管理
有機會再報導啦!
我上次整就係唔記得-----(大粒的最好剪碎, 否則切片時頂刀)
回覆刪除而且心急,雪得未夠硬,
你有否浸過D紅莓乾?
真係幾好味
[版主回覆05/02/2009 18:50:00]係呀係呀!
我初初嗰個, 切到爛晒, 不成餅形, 所以, 真係要預習吓呢!
我冇浸過呀, 不過焗完都ok!
好方wow!!!!! Cookie 有時雪完之後好難cut 呢~
回覆刪除[版主回覆05/04/2009 19:17:00]都係碌吓碌吓的做成的呢, 要雪得好硬呀, 否則一切就爛了, 我用把好利的牛肉刀切的(當然冇切過牛肉啦!!)
DIY cookies都0甘多牛油，外面賣的真不敢想象~ 餅家用白油更多，更怕！
回覆刪除[版主回覆05/04/2009 19:19:00]係呀, 越鬆的曲奇越多牛油, 甚至白油..........所以呢, 我一直都好少做曲奇, 牛蛋........所以妳見我好悶, 做來做去都係雪芳和歐包.
你咁怕牛油都整曲奇, 又估你唔到噃.
回覆刪除[版主回覆05/04/2009 19:19:00]哈哈, 任務在身呀!!
近來真的很忙呢, 日日返工接近20hrs, 星期日也要返工... 這三天假期只偷來2天可以休息一下呢~
回覆刪除等我下次再試試先, 你用的刀有沒有"牙"的?
[版主回覆05/04/2009 19:21:00]唉, 食人的工作, 剝削勞動人民呀!
我的刀是冇牙的, 很利的牛肉刀, 不過是專用的, 不切肉的.
想問吓你今次係用金桶牛油 or 普通無鹽牛油呀?
回覆刪除[版主回覆05/04/2009 19:21:00]老細order, 用銀寶無鹽.
方形，收到啦！方形容易造形D
回覆刪除[版主回覆05/04/2009 19:22:00]ok, 齊齊做方曲啦!
紅莓乾曲奇， 好吸引啊 !
回覆刪除[版主回覆05/04/2009 19:23:00]其實好好食的呀! 不過要忍口呢
我同你一樣,牛油曲奇怕怕,見到全坱牛油做怕怕怕!!
回覆刪除[版主回覆05/04/2009 19:23:00]冇錯呀, 所以今次乘機大玩特玩
一直我都無做過切片曲奇 ... 好似好難整咁, 但見你個食譜都好似好易咁, 所以, 尋晚即刻整左 ! 嘩 ! 好...好...好鬆脆呀 ! 整左 2 倍份量, 四個口味 ! 總用食左 8 片, 其他送哂俾同事食 lu !
回覆刪除不過下次真係要再雪耐 d (以為今次已經夠硬 !), 切時有 d 散呀 ! 焗後更加變型 ...
[版主回覆05/07/2009 08:01:00]係呀, 好鬆化呀!
切片曲奇要雪到好硬, 刀要很利, 否則一壓就變形呢!
您好 ~~~
回覆刪除你呢隻曲奇食落似唔似藍罐曲奇架? 我平時整開唧花曲, 但係我老公鍾意食脆D,無咁鬆既曲奇, 仲要有提子 (好似藍罐曲奇咁). 你呢款似唔似架?
仲有我想問 麵粉可唔可以用低根+高根溝架...咁個份量又係幾多?
蛋黃係生定熟? (因為我之前睇過有D話要熟)
無咖啡伴侶咁可以用乜代替?
唔用杏仁粉又可以用乜代替?
唔好意思我太多問題了 ~~~~~
[版主回覆05/19/2009 13:51:00]呢隻曲奇的特色, 是加了杏仁粉, 所以口感不是藍罐的咁鬆化, 而係比較鬆脆(當然要焗到我咁啡啡地色啦), 吃落沒那麼油(雖然都係高脂), 我是用all purpose的, 高粉加低粉的效果未試過呀, 一半一半卦........
蛋黃, 是生的呀!!
咖啡伴侶, 原本是奶粉, 我嫌奶粉臊味, 改了.
杏仁粉令曲奇更鬆化, 焗好其實沒有什麼杏仁味, 有少少啦(我用藍鑽杏仁粉), 如想改, 榛子粉或者都得, 未試過.
做了記得告訴我效果呀!
多謝你敎路...等我試吓.....
回覆刪除試咗話你知 ~~ :-))
[版主回覆05/19/2009 20:28:00]好呀, 試吓啦!
我無整你呢隻曲奇呀, 不過整咗朱古力杏仁曲奇呀......我上網見到個Tony Wong食譜, 見個樣好得咪試吓囉.....真係好味喎 ~~~~ , 雖然唔似藍罐曲奇, 但係唔多牛油, 又好濃朱古力味, 我老公都話好味 ~~~ kekekeke 我影咗相, 想比睇, 但係唔識比點send.....hehehehe
回覆刪除[版主回覆06/01/2009 12:20:00]朱古力曲其都好呀, 正呀! 藍罐太肥了, 自製的可冇咁肥, 和多d味道, 但曲奇不肥不好吃的呢........
依家惦了, 有相睇了
係我諗住再試芝痳曲奇呀, 諗住買你話好掂隻九鬼芝麻膏, 但係買之痳膏好定油好...仲有係咪citysuper有架喇, 咁吉之島 or 一田有無架? ...
回覆刪除我仲諗住加d炒香咗既芝痳....唔知好唔好食呢???
[版主回覆06/01/2009 12:22:00]可以呀, 曲其可以試好多味呀!!!
九鬼曲奇加芝麻粒, 正呀!! 九鬼在citysuper有, 一田就冇了, 吉之島不知呢, 很少去的. 沙田citysuper在日本罐頭紅豆蓉呀, 什麼mochi粉那格.
好等我得閒去citysuper搵吓先....
回覆刪除[版主回覆06/01/2009 15:03:00]睇吓啦
借用0左你依個譜~~> 依度
回覆刪除再自行加入朱古力粉同杏仁片~^^~
[版主回覆06/10/2009 07:31:00]好朱呀! 個食譜我都係借來的, 借花敬佛啦