網頁

▼

2008年5月1日 星期四

Pumpernickel 的 pumpernickel

這天, 終於可以一個人去lunch, 吃最好的pumpernickel sandwiches.



粗黑麥包, 吃來口感爽口細緻, 有點甜甜, 分不清是麥芽糖還是蜜糖的餘味.


慢慢的咬一口麵包, 一層層慢慢的吃......鮮茄, 青瓜, 煎焦的煙肉只吃一半, 最好吃是加了蛋黃醬的碎蛋, 下了少少意大利油浸蕃茄, 鹹鹹的刺激味覺......一直吃到最底層.



漫無目的地翻翻消閑的書, 慢慢的喝一杯Latte.......世界好像遺忘了我, 我也忘了的世界.......



誰想到, 在我吃這一餐時, 辦公室已波濤洶湧, 明槍暗箭, 等著我回去應付......


不知呢, 愛好吃包的人, 或許永遠也不會明白舞刀弄槍, 大籮大鼓的樂趣何在, 相反也是吧. 可惜偏偏刀槍永遠戰勝麵包.


at

11 則留言:

  1. Angel2008年5月1日 中午12:00

    可以一個靜靜享用午餐多好呀﹗可以躲避一下外面紛擾的世界。
    [版主回覆05/01/2008 21:28:00]對,  我都好享受孤獨的, 有時一個人孤獨一下, 感覺真好.......家人和朋友很重要........孤獨亦是最安全的堡壘.
     
    想起Simon and Garfunkel的 I am a rock .......

    回覆刪除
  2. CR2008年5月1日 下午6:31

    睇見你份三文治，攪到我都好想食，我 好鍾意lunch時食三文治飲coffee，又可以食麵包，又可以食飽飽，又唔會飯氣上腦攪到要釣魚，你話係咪幾好呢！唉.....！我今日五一都要返office作戰呀！真係好唔開心。
    [版主回覆05/01/2008 21:18:00]我呢, 雖是包包迷, 不過包包當午餐都只是間中一次啦.
     
    哎, 5.1是紀念勞動人民的辛勞呀, 連這日都要辛勞, 好慘呢!
     
    祝大家很快到達休戰區啦!

    回覆刪除
  3. Tastebug2008年5月1日 晚上7:27

    識得忙裡偷閑。。。。放下壓力﹑ 盡情忘我與外面的世界。。。 開工了喂~食精﹗
    食一塊三文治﹐都研究一大輪﹐你話你係咪食。。。。。
     
    [版主回覆05/01/2008 21:34:00]唉, 假期永遠是太短, 明天又是會去面對戰場時候, 希望快點退役回來做包.
     
    是呀, 活在當下, 吃包時吃包, 聽說是理想的人生境界.
     
    唉, 平時吃飯, 15分鐘倒下肚, 滾水碌腳, 連吃了什麼也不知, 很慘呢.

    回覆刪除
  4. Man Yin2008年5月1日 晚上10:36

    5.1 都要返office?! 好慘呢!
    [版主回覆05/02/2008 07:34:00]呀, 幸好不是, 我5.1睡了半天 ,很累.

    回覆刪除
  5. Chen2008年5月2日 凌晨12:54

    如果尼個世界鬧幾荒，我想你仲慘過辦公室里有明槍暗斗。。。哈哈！
    [版主回覆05/02/2008 07:40:00]我的目標是: 再粗茶淡飯也行, 平安二字已足夠.......不過世事是不由自主的.
     
    饑荒是另一個大問題, 往往資源不足的地方, 鬥爭會更劇烈 ; 把精力放在鬥爭的地方, 更令資源不足.......可怕.

    回覆刪除
  6. PHLee2008年5月2日 清晨6:23

    我想你係".... an island" 似D喎!!!   Simon & Garfunkel 辦公室政治......唉.....我最怕!!!!!!!!!!!!!好彩我有個大後盾和免死金牌 . 三文治好靚, 有時係需要靜靜地一個人, 那種感覺吾錯呢!
    [版主回覆05/02/2008 07:45:00]我都想我是Island, island也會受風吹浪打, 但扔屹立不動,
    哇, 有後盾和金牌, 太好了, 我冇呀, one man band, 我似一舊浮木多d, 浪一到, 我就會一仆一碌.
     
    有排都冇得安安靜靜食個包了.
     
     

    回覆刪除
  7. 小三2008年5月2日 下午4:56

    孤獨亦是最安全的堡壘~~~
    最安全的地方，就是最不安全，
    一個人可以孤獨，一群人中都可以孤獨~~~~心之孤獨~~~
    [版主回覆05/02/2008 23:11:00]對呀, 在一群人中, 我常易感到寂寞, 不知所措, 反而三兩知己家人, 反而自由自在, 獨處我也悠然自得
     
    畢竟寂寞與否, 在乎一心, 是否有~~~~心之連結.
     
     

    回覆刪除
  8. 毛豆2008年5月2日 晚上9:14

    孤獨並不可怕 , 懂得享受孤獨 , 此乃人生最高境界
     
    [版主回覆05/02/2008 23:15:00]孤獨的時候, 也是最安寧的時候, 我心可自由馳騁, 也可無為如枯木, 也知道孤獨過後, 有人連結我心

    回覆刪除
  9. 毛豆2008年5月2日 晚上11:52

    同意 !
    孤獨時 ,知道自己的方向  , 認定自己的所為 , 撫慰心靈........
    人羣中 , 才容易迷失.........
    [版主回覆05/11/2008 22:50:00](Empty)

    回覆刪除
  10. 豬小姐2008年5月3日 下午6:13

    唔好諗得咁慘啦... 返工最大既好處就係有份糧俾我地買中意既包食, 買面粉做中意既野, 其它都冇乜意義架了...
    [版主回覆05/03/2008 18:55:00]係呀, 返工的煩惱, 其實我都不入心的, 不過受的時候真是很難頂的.
     
    對對, 我的目標很清楚, 是為生存而工作, 不是為工作而生存, 當然我會努力做好我份工, 不過它不是我生活的核心.
     

    回覆刪除
  11. Cat2008年5月11日 上午11:52

    Moon哥，你自己去咗買pumpernickel？我仲諗住送個比你添．．．
    [版主回覆05/11/2008 22:48:00]多謝多謝呀, 其實我放工都經過這裏呢, 不過如果有好嘢食, 我都o岩的......

    回覆刪除