離開了匈牙利, 我們到了巴爾幹半島其中一個最富裕的國家, 克羅地亞.
這裏的貨幣叫Kuna, 語言又完全不同, 我問當地導遊, 克羅地亞話的"克羅地亞"是怎讀, 她說, 是H~~~~r~~~~~vaska.....吓, 我傻了眼, h音加上捲舌顫音, 我怎讀也好像是吐痰......她說, 英國人也發不到Hrvaska這個音, 所以唔知點解叫了Croatia.
幾年前, 我們是沒有機會來這裡遊玩的, 1990年代克-塞兩族的衝突和其後的南斯拉夫內戰, 打了幾年, 直到1995年才開始和平.
![](http://lh6.googleusercontent.com/-ZeAZbgMUJeM/UohTJcGISgI/AAAAAAAAI3U/5wxXeshE5OA/L.5Bk.f_ABA_uWN0wy8XsQ.jpg)
這裏是舊城區Kaptol的廣場, 聖母像, 主教府......天清氣朗, 唯一是稍熱了點
恰好見下午的太陽在聖母像的頭頂, 有趣!
![](http://lh6.googleusercontent.com/--KzuZp1WyDA/UohpVtozRGI/AAAAAAAANuc/liJr5FkIB7E/21pfG8OVcGKdlwqqIreqVA.jpg)
大教堂和聖母柱都不是古物, 1880年一場大地震摧毀了整個城市, 這都是日後重建的, 雖然他們有新城區, 但舊城仍然保留昔日風貌. 大教堂是請威尼斯的建築師起的.
![](http://lh4.googleusercontent.com/-ytyOOSbA2KM/UohtiOlbgWI/AAAAAAAAPKw/ydZL8QxLMfE/m5V57x_NzzW9LGlBXYD9tA.jpg)
教堂聖壇前的玻璃棺中躺著大主教的真身........想不到歐洲人也興"毛主席紀念堂"的調兒.
![](http://lh5.googleusercontent.com/-WXLpDpgl9xI/Uojate_v5LI/AAAAAAAATa4/lB_VXKrVGeI/_ShNz1bRI9_mIZwnH.O8yA.jpg)
![](http://lh3.googleusercontent.com/-WuCPpSUkWOs/UomZC_xGt0I/AAAAAAAAW2w/PILzxj0q1G4/p_ac0WPOjHZPPUVxKMqa5g.jpg)
慢慢徒步到舊城區的另一邊Gornji Grad (upper town), 當年的古城門仍在. 昔日兩個城是由不同的城主管治, 運貨過隔鄰是要納稅的.
![](http://lh4.googleusercontent.com/-f8TZ_pFmrGM/UohrWHd_hyI/AAAAAAAAOcQ/zypQym4p5RI/R0.H109u9UMqZDnbXaBYkg.jpg)
古城門內的一個聖蹟, 相傳某年城門失火, 只有場上的聖母畫像沒有燒掉, 結果被封為聖蹟, 到今仍有很多教徒來敬拜.
![](http://lh5.googleusercontent.com/-D_Q6yEUEvDQ/UoeE5USAwGI/AAAAAAAAFck/wMGvrCovE7I/gInGW_raQk1lrFJRC01BnQ.jpg)
下面這條街是昔日分隔Kaptol和Gornji Grad的小河, 現在已埋在地底, 地上開了很多cafe.
![](http://lh4.googleusercontent.com/-1OlX2GSVqvk/Uohkkw08xGI/AAAAAAAAMf4/tbpfvzAY1rE/Wkfg403XvSfQMAibuFOF3Q.jpg)
一有空檔, 點都要坐下歎番杯, 不過又係冇嘢食的!!
![](http://lh6.googleusercontent.com/-VE8HYdRCSDI/UohijkmDTfI/AAAAAAAAL0Q/I8mOhKreZ1g/Hpn.iH4amuHdEL.WWAX.Mg.jpg)
這是 Gornji Grad(Upper town)的聖馬可教堂, 有冇覺得Zagreb的風貌有點意大利........因為這裏和意大利, 只是隔了一個亞德里亞海, 過了海的另一邊, 便是威尼斯, 這裏很多漂亮的教堂, 都是請威尼斯人來建做的.
屋頂上一個是克羅地亞舊國徽, 一個是札格勒布市徽.
![](http://lh4.googleusercontent.com/-PxXHrAN6a98/Uojdq2GsFNI/AAAAAAAAUF8/QhX0XOHNc6o/EHvDtg.UhwQTOuCoKBgMoA.jpg)
行完Gornji Grad乘坐相信是全世界最短的纜車下山, 等了10幾分鐘, 坐不個2分鐘, 好像時代廣場三樓坐子彈電梯到地面..........係咁架喇, 古董嘛, 還在運作已是奇蹟
![](http://lh3.googleusercontent.com/-nVLoR5oQaS0/Uohc4DyW1jI/AAAAAAAALJA/Y3M8nZpy5PI/hpYFsbqHGi3pn2_Rhd4qqQ.jpg)
到了市中心Donji Grad(Lower town)的外圍, 忽然覺得好像到了無線電視城的民初街......別說他們落後, 大街上汽車也不多半部. 當我們還在談發展增長沾沾自喜, 歐洲人早在二三十年前已開始環保大計了.
![](http://lh4.googleusercontent.com/-iLLhu_UJdd8/UoeEZCnslPI/AAAAAAAAFRw/vRtEJk3P1Q8/ccj5PI9drj8BtlOtVU8N6A.jpg)
是不是盧海鵬扮的........?
![](http://lh3.googleusercontent.com/-8VZ4l1eUbQc/UojX-oiw3pI/AAAAAAAASmc/N27qZ0LHCPU/53SIEa7TPQVzeymAf5cbsg.jpg)
去了好一些地方始終覺得, 就算是同樣富裕安全的城市, 最好居住的是30萬至80萬人口, 太小會很靜, 但超過100萬人口的城市就開始擠迫, 複雜, 繁囂了. Zagreb是70多萬人, 中形城市令人最舒服.
我都很愛住鄉郊, 例如日本, 加拿大或者德國瑞士小鎮(發夢的時候), 不過太太不接受太靜.
![](http://lh3.googleusercontent.com/-siJnVIImfDU/UohmA4ff0eI/AAAAAAAANAM/1dFsTMMhxsg/mMiu3k_bucBHtLPTzsA5yQ.jpg)
看過一集Discovery Channel, 人類學家找出了一對人類DNA, 控制了人的社交能力, 令人類幾萬年來都時適應100人左右的社群, 但幾千年前, 這DNA突變, 擁有這超級新DNA的人類很適應處理複雜的龐大社群生活, 因此漸漸出現了大城市......
如過一個人一對DNA都是舊式, 他們會很喜歡住在鄉間, 如果因某些原因住在大城市, 他們會很辛苦格格不入. 記憶中這類人大約佔人類的10%
相反如果一個人擁有一對新DNA, 他們在大城市裏簡直如魚得水, 越繁囂熱鬧複雜越開心, 記憶中這類人大約佔人類的20%
剩下的70%, 是一個新DNA加一個舊DNA, 那就中中等等了.
![](http://lh3.googleusercontent.com/-X29C86KiH7g/UojhViZUW5I/AAAAAAAAVQU/ATdaFbKOo_w/fgMuzM.RSxLV5bP7c25aUA.jpg)
我覺得我的DNA就算不是全舊, 也是一條全舊加一條半新的, 總之我到了這些人少少的城市, 就會覺得很舒服, 從來不覺悶的......
![](http://lh6.googleusercontent.com/-CM1axVc_GqE/UojXwqJzcuI/AAAAAAAASiI/4qDb5OxdDcI/4dZAKiP3xq2FmE1qHU.B1w.jpg)
午餐吃的是豬扒, 味道不錯但是一樣的死死實實........那塊是tiramisu, 無論看和吃都完全不對勁...........喝杯黑啤吧!
![](http://lh5.googleusercontent.com/-oUwuRRIpweU/Uohpz-8dhnI/AAAAAAAAN5o/Jkj-ZaRIJkU/8l5WAEPeSmVgvOw8IUL0Dg.jpg)
![](http://lh5.googleusercontent.com/-A_DnVoJj9Ik/UomhhAlLnEI/AAAAAAAAYAU/eIPlrcHrYQU/Z9UmezFyNbn_VODiOmQdFQ.jpg)
教堂, 大街, 小巷(有無放一個半個碎銀在結他盒給那位賣唱者呀?), 還有露天茶座..........生活好寫意.
回覆刪除天氣看來很清爽. 這樣悠閒的假期值得回味.
[版主回覆09/23/2009 15:03:00]這個小城都很寧靜, 那位賣藝者, 只是途中經過見到, 沒有停下欣賞.......
唉, 一日一日的返工, 我都開始忘了那種感覺了........寫寫網誌懷念一下啦!
風景很美麗 。其中一照片, 把聖母像頭上拍成一團光環, 像神蹟一樣喔 !
回覆刪除[版主回覆09/23/2009 15:03:00]哈哈, 顯靈呀!
呢度好靚呀, 我最鍾意漫無目的咁行呢D街道.
回覆刪除[版主回覆09/23/2009 15:07:00]唉, 可惜那天是跟著當地的導遊慢慢走, 慢慢聽, 幾乎走了2個幾小時, 我都好想說 : 我們可不可以離隊自己行呀? 算啦, 他介紹得很仔細, 唔好意思的........
........一完畢, 我們就自己竄走了......
第2張聖母相好神聖呀~~
回覆刪除[版主回覆09/23/2009 15:08:00]天天都有的顯靈, haha
一個非常整潔的地方,但街道上沒有太多遊人?
回覆刪除天氣好似很清爽,風和日麗,喝一口茶,優遊自在…
[版主回覆09/23/2009 15:11:00]那天有點熱和曬, 我都不客氣撐起傘子, 除此之外, 呢個城市都幾寧靜, 好好走.
求救呀...求救呀...
回覆刪除唔知係咪好耐冇整包....今日已經失敗咗個吐司...呢個我知道個原因係過度發酵,尋晚就係見個吐司最後發酵又冇嚟反應,咪由佢發啦....都發咗十幾個鐘..發到頂蓋...之後掉咗落個爐喥焗,成品變咗濕蛋糕....擺落口吞唔落吐咗,成舊掉咗
今日諗住整墨西哥包啦,之前都整過,第一次發酴唔知係咪出咗錯,我驚發過籠,唔記得做篤手指測試....好似發唔夠?發大咗都有大一倍,但係有啲潟身
分割滾圓勁黏,已經加咗手粉,成盤放落焗爐(先預熱,微暖)加兩杯滾水....發咗好耐...係發大咗但係好奇怪,先發現個麵糰發就發大咗啲啲,但係係好潟身,唔係一個大波,同我之前做嘅好大分別,諗住再排氣用手指整圓,啱啱睇過都係潟身,發大咗少少
請問我可以點呀?...個面糊整好,好唔好搏一搏呢...定係會連個面糊都浪費埋?個麵糰又要掉? 有冇計?唔該^^
[版主回覆09/24/2009 21:59:00]我估係個麵團的水份一開始便太多了, 因為發酵不會令麵團濕或瀉身..........我冇睇實物, 好難估計, 不過我估唔試妳都訓唔著了...... .......一會用高點的溫度焗透點吧, 唯有........
相影得好靚呀~~ 冇得去入黎欣賞都好丫~~~ 聖母像張相真係幾似顯靈喎~~
回覆刪除[版主回覆09/25/2009 16:36:00]謝謝呀, 多d來看看啦.
真係無 諗過克羅地呀係咁樣! Tiramisu!?點睇都唔似喎! 英國人就梗係讀唔到個 rolling "R" 啦,根本都無呢得發音!好多地方語言都有呢個 rolling "R",所以 "賓賓" 都識。不過唔難練,我咁鈍都只係練 咗半年到就識喇!
回覆刪除Did you go to Dubrovnik and Split?
回覆刪除[版主回覆03/01/2010 07:47:00]Not yet........just visit Zagrab and the lakes region. Did you go there? seems so beautiful.
I was in Zagreb and Spilt last year. I was planning to go to Dubrovnik during weekends, as it's only 3 hours away from Mostar, the place where I'm currently studying. Probably will go there when the weather gets warmer for swimming.
回覆刪除