上回用的紐西蘭日本南瓜, 那味道真的不像樣.....是我心理昨用嗎? 終於在一田見到日本產的日本南瓜, 忍不住又買了半個.......樣子和紐西蘭的, 或旁邊的韓國南瓜分不出, 但是內涵真的是天淵之別!!
回家用最簡單的方法----切件用微波爐叮6分鐘(別看它好像很硬, 其實極度易熟), 拿出來用匙羹起肉, wowwowwow, 真的不同呀! 又粉又綿又甜, 忍不住吃一片, 口感和蛋黃般有點起沙的, 連皮吃也是.......如果不是做雪芳, 根本不用去皮. 不信你一定要試試.
還有久違了的北海道雞蛋, 這個月終於再見了, 斷了日本蛋的日子, 用過台灣蛋, 北京蛋, 泰國蛋........不好, 索性吃不知什麼產地的百佳蛋算了..........看, 這些堅挺的蛋黃, 用手指輕戮也不會穿......
呀, 剛買了一包city的北海道江別薄力粉........哼, 除了砂糖和水和油, 全都是日本貨:p
今次加了南瓜的份量, 80g, 已經是極限了, 蛋糕回縮不少, 嚇得我, 以為又凹陷了.
蛋黃 4 糖20g 油10g 南瓜茸80g 水40g 打勻
加入 低粉 70g
蛋白4 糖40g 打發, 拌入
170度焗25分鐘左右
糕肉真的很輕很軟很綿, 不過真的已到了極限了, 再多南瓜, 會頂不順塌陷的了.
味道有南瓜的甘甜, 可惜南瓜是沒香味的.
加了南瓜, 卻沒減少其他, 所以多了一個小南蛋, hohohoh
|請閒是否用4隻蛋白及4隻蛋黃呢?
回覆刪除[版主回覆08/31/2011 22:08:00]係呀, 4黃香d, 也冇謂浪費了, 蛋黃是優質脂肪和膽固醇, 好嘢來咖.
整得好靚呀! 就因為你上次做得咁吸引嘅南瓜雪芳, 所以今日我都去左X田買左兩舊日本南瓜(一舊係日本南瓜, 一舊係日本栗南瓜, 唔知邊隻做蛋糕好, 味買左兩個舊囉!)準備試下整。請問小南蛋幾多cm 呀?
回覆刪除[版主回覆09/01/2011 07:29:00]嘩, 入左咁多貨, 做完蛋糕仲可以整埋餸wor. 我就用剩下的南瓜蓉做左南瓜布丁, 都ok.
17cm材料記得只用70g南瓜茸好了, 80g真的太危險了.
小南蛋大約10cm左右啦.
上次去日本買左個小雪芳, 好似 13 14cm, 請問你知唔知用量比例?
回覆刪除[版主回覆09/01/2011 21:39:00]我冇特別量料呢, 今次係用剩餘麵糊, 倒到大約6成滿便算了.....
我估呢, 一份17cm的料可以做3-4個 小模.
太好了, 這個不會浪費蛋白.
回覆刪除[版主回覆09/01/2011 21:41:00]我覺得多d蛋黃好吃點.......索性用晒d蛋黃,
hello, i used to see ur blog & i'm very appreciate ur cookery & travel experience (especially japan coz i love japan so much). thanks for ur sharing that u made me always want to make a chiffon cake. it's so attractive of this japanese pumpkin chiffon cake.
回覆刪除[版主回覆09/05/2011 20:58:00]hohoho, Japan is my most favorite touring place!!!
Try try, chiffon is really delicious and healthy!
好吸引呀
回覆刪除[版主回覆09/06/2011 20:12:00]幾好吃呀, 不過係太軟左d
大同小模，有幾大呀？ 薄力粉，係泡打粉？
回覆刪除[版主回覆09/06/2011 20:14:00]大模是17cm, 小模是12cm左右呢.
日文薄力粉即是低筋粉. 沒有泡打粉的呢!
咁你下次去日本, 吾駛再買雪芳啦, 你自己做的仲好味.
回覆刪除[版主回覆09/06/2011 20:14:00]係啦, 除非見到新產品又試吓.
Your chiffon has a perfect shape. Really pretty!
回覆刪除[版主回覆09/06/2011 20:15:00]I like the shape of my chiffon mould!
用南瓜、紅蘿蔔、番薯等整蛋糕麵包，通常都係得個色靚，食落口味道完全失真！
回覆刪除[版主回覆09/10/2011 17:39:00]係啦, 色香味全的雪芳配料不多呢!
蛋黃好靚呀~
回覆刪除[版主回覆09/10/2011 17:40:00]日本蛋......冇法代替你地位.
仍然好靚仔呀，唔知點解日本南瓜，蘿蔔印都甜過人，用咩肥料，我都鍾意食日本米，喺日本啲特別好食添
回覆刪除[版主回覆09/10/2011 17:42:00]主要是日本人花了很多工作在品種改良吧, 他們的農業研究投下不少資源.
你做這2個時, 一齊打一齊焗?
回覆刪除[版主回覆09/28/2011 16:15:00]係呀!
Hi A Moon,
回覆刪除我剛剛做左個好好味的戚風,桂花圓肉,我用原味的食譜,將桂花用熱水浸幾分鐘,之後隔左D水待用,我好Lazy唔想打成個食譜,但我想同你分享這個好好味的戚風,希望你會試下!
[二二回覆10/25/2011 13:29:14]A moon,
我用左第二個a/c 水同渣都用,我月左4g桂花,圓肉只係隨意,可用多d桂花如你好喜歡桂花的話!
[版主回覆10/24/2011 22:07:38]都好味喎, 是用水不用渣嗎? 夠唔夠味呀?
Hihi mr a moon:- 我又整咗喇！cut to 3 white 3 yolk, 其他材料照cut 25%, 糖就只cut 10%, 剛好整1個17 KAI, 有成8.2cm高！我想請教下，如果加椰漿有d椰香得唔得呢？配方又應如何改變呀？我之前整椰汁南瓜糕，兩者個味勁夾呀，所以好想應用係戚風，thx and cheers!!!
回覆刪除[siu sin 小仙回覆04/05/2012 02:05:32]答案係無分別，以後用水鋥喇！
[版主回覆11/19/2011 14:51:02]妳的南瓜糕做得好靚呀, 比我的還好呢!
我未試個落椰漿呀, 應該取代水份了吧, 當它是水份般用好了, 但椰漿是否對麵糊有影饗呢! 請妳試吓告訴我丫 :)