很久也沒做puff, 那天和太太談起, 她想吃流朱古力漿的puff, 好, 玩了.
puff 6個------麵糊
低粉35g 淡牛油30g 水45g 蛋1.5~2個
牛油和水煮沸, 低粉加入迅速拌成乾團, 小心不要燒焦, 蛋打勻, 逐少加入麵團完全拌勻, 小心加蛋, 麵團不要太軟, 要挺身
麵漿放入唧袋, 唧成一篤篤, 噴少許水, 入爐200度焗約15分直至完全膨脹, 180度再焗至表面金黃.
朱古力漿
淡忌廉15g 黑朱古力10g 牛油2.5g
淡忌廉煮沸, 倒入朱古力拌溶, 加入軟牛油拌勻, 放入唧袋唧入puff的中空處......
朱古力漿不太流, 不過好罪疚.......
填入大量櫻桃醬, 酸酸甜甜, 更合我胃後, 下次加入檸檬醬, 更好吃.
見到就想食呀~
回覆刪除[版主回覆03/06/2010 12:29:00]焗出來好鬆化呀, 不過餘下的放了過夜就.......ohoh
櫻桃醬及檸檬醬都啱我呀. 好耐無整喇, 見到我口水流。。。
回覆刪除[版主回覆03/06/2010 12:31:00]係呀, 我喜歡酸酸甜甜多過濃甜的, 整返次比孫仔吃啦
好吸引哩, 我一次都未做過.........
回覆刪除[版主回覆03/06/2010 12:36:00]呢個好易成功, 最緊麵漿夠杰, 爐夠高溫.
點先可以整到好似街買果啲咁大呀, size好似漢堡包咁.
回覆刪除[版主回覆03/06/2010 12:39:00]其實我之前做左一爐更大個(漢堡包)的, 成功呀, 不過不夠圓, 要個爐溫夠高夠勁.
依家我的都ok大, 好似bb拳頭大的呢
我之前都整過呀, 都幾好玩呀!
回覆刪除[版主回覆03/06/2010 23:00:00]係呀, 睇住她由一篤.......慢慢脹成一個球, 好好玩.
你真係24孝hubby~
回覆刪除泡乎通常放過夜就鬆抛抛地~
[版主回覆03/06/2010 23:02:00]邊係呢, 12孝啦, 我有時都嫌自己太貪玩, 勞氣.
係啦, 夾硬吃多兩個, 其餘都......掉了.
1. 將牛奶, 香草豆莢和一半份量的糖加熱. 2. 將低粉, 玉米粉和餘下的糖混合備用. 3. 蛋黃打散, 將(1)續少加入打散了的蛋黃及攪勻. 過濾. 4. 將(3)之蛋醬倒回鍋中加熱直至濃郁, 放涼. 5. 將黑古力切碎, 將忌廉加熱後倒入黑古力中拌勻而做成朱古力醬. 6. 將(4)加入(5).
回覆刪除(唔使客氣!!!!!!!!)
[版主回覆03/06/2010 22:59:00]謝謝呀!!
我好鍾意食puff架
回覆刪除[版主回覆03/06/2010 23:02:00]整啦, 不難呀!好快攪惦.
在街吃的很香牛油味, 你做的呢 ?
回覆刪除[版主回覆03/06/2010 23:04:00]我的比較少牛油, 所以只有淡淡牛油味, 街那些, 行過店子, 也飽了........聞都聞飽, 不過他們做的真係好鬆化.
我只係做過一次咋! 整得麻麻地!
回覆刪除[版主回覆03/06/2010 23:05:00]只要麵漿夠挺, 爐溫夠勁, 就一定成功了.
其餘都......掉了
回覆刪除(唔係呀? 其實PUFF未吃的話, 可以先唧起PUFF皮的形狀先, 放在冰箱定型. 食的時候才焗, 當然焗的時間要比正常的多5分鐘左右啦!)
[版主回覆03/07/2010 11:37:00]吓, 原來可以咁.........我全部焗晒, 跟住淋晒, 只吃了一半.........
謝謝指教.
我今日都整左caramel puff.. 不過覺得個batter唔夠挺,...勁瀉..
回覆刪除[版主回覆03/07/2010 11:50:00]我上一次做都係呀, 第二次就ok了........要杰杰杰
Puff 你都整得好靚喎！不過 " 唧成一篤篤 " 呢句真係大煞風景囉！
回覆刪除[版主回覆03/07/2010 11:51:00]我想不出有什麼更貼貼切呀 wakakaka!
puff要下很多牛油，所以只做過一次，
回覆刪除我發覺我越來越懶開壇添
[版主回覆03/07/2010 11:53:00]比起曲奇/批/撻, 都算不太過份了, 好耐整一次都幾好玩.
我之前都整過 puff 俾同事食, 唧咗兩種餡: 吉士同朱古力, 吉士好受歡迎! 而我朱古力漿只係用黑朱古力: 打起淡忌廉比例 1:2 就做到流 o既效果 有空來睇睇
回覆刪除[版主回覆03/07/2010 11:55:00]整得好靚呀, 有冇流朱照片睇呀?
1:2, 好好好, 等我試吓.
仲有呢, 原來爐溫真係好大影响架! 我家的 Loyola 爐焗脹到好大個, 但上次去朋友 club house 用個大焗爐竟然焗得好細粒咋
回覆刪除[版主回覆03/07/2010 11:57:00]係呀, 個爐又要夠力, 但又不可太火..........我家的kenwood都ok啦.
真係名副其實的一篤篤
回覆刪除[版主回覆03/07/2010 11:59:00]一篤篤做成的螺絲紋, 令puff膨脹得靚些...
呀, 有冇第二個好d的形容, 告訴我.
puff 我喜歡用 fresh cream, 仲肥
回覆刪除[版主回覆03/07/2010 12:00:00]fresh cream, 好味呀, 但我不敢整, 整左冇人吃......一個人吃晒會死亡.
我都好鍾意puff, 但做puff要好多牛油, 我怕怕, 你呢個牛油份量比較少, 不會太膩, 配酸酸甜甜的果醬, 好味啊!
回覆刪除[版主回覆03/07/2010 12:01:00]呢個ok丫, 好鬆化, 不油膩, 焗得透d口感好好.
puff so cute，没玩过，觉得好难
回覆刪除[版主回覆03/08/2010 22:56:00]好易咖, 9成機會成功, 比做雪芳易
我都唔知點解,唔係好多牛油既食譜,我食落都會覺得成口油...
回覆刪除所以我曾經試過整puff減左d牛油,加番d奶, 個puff發唔起...
唔通唔可以用其他液體(水或奶)代替部份牛油?
[版主回覆03/11/2010 16:24:00]我呢個食譜都ok呀, 好吃, 可惜牛油是鬆化之神, 又是血管剋星
入爐前真係好似 "米田共" 呀!
回覆刪除[版主回覆03/11/2010 16:24:00]~~~我都唔講的了.......
.......係小雲雪糕.
HI, 無意中搵到你個blog, 跟住個食譜整puff, 但我整唔到d面漿杰身, 加完蛋後(只用1.5隻蛋), 已經係流得出嚟, 做唔到挺身.......... 唔知邊到出錯呢, 會唔會降溫太多呢? 仲有咩原因? 唔該指點下我
回覆刪除[版主回覆03/13/2010 22:24:00]最大的原因可能是....你的蛋是大蛋.
不要把蛋全部加入, 尤其是最後, 要逐少加, 加到照片中一團滑滑的杰杰的, 就停手了. 降溫是對的, 太熱會煮熟蛋漿.
再試試.