近日沉迷於把玩大相機, 每晚都拿著相機拍拍拍, 它的各種功能, 和優點缺點都幾乎徹底發掘了. 冇辦法啦, 很久沒玩這種大玩具.
星期六以為是全日ot, , 那知看錯了時間表, 原來第二節是在下個星期六, 好像無端端多了半日假, 阿Q喜出望外, 又動手做一個慢發酵田園包.
因為中間隔了半天ot, 下午回來又要午睡"叉叉電", 結果這個麵團在低溫下, 一共發酵了24小時才入爐......手勢生疏, 做形差勁, 幸好用了phlee的山合桃, 麵包好香.
因為幫了少少手, 收到一期"今日烘焙"
見返熟悉的場面, 和一些新奇漂亮的西餅
高粉250g 裸麥粉25g 全麥粉25g 水190g 速酵母1g 水約190g, 山合桃一大把.
麵團搓好, 17度室溫放1小時, 翻麵, 放入雪櫃, 第二天早上, 再翻麵一次, 放回雪櫃, 中午回來, 取出室溫中繼續發酵, 晚上回來, 取出稍按扁, 包入山合桃, 做成橢圓形, 30度發酵1小時, 入爐200度焗約25分鐘.
在家慢慢的做一個包, 實在感覺太好了.
焗暖了, 用靚到起晒珠的vintage balsamic vinegar加橄欖油蘸來吃, 好味呀!!! 飯也可以不吃 :p
我想問吓呢...係咪做咩包都要翻麵架?所有乾果都要咁遲先落?
回覆刪除[版主回覆01/18/2010 15:09:00]一般做水份較高, 較長時間發酵的包會加入翻麵, 可以令麵團筋性好d.
果仁最好是做形時包入, 太早加入, 會比麵團的水份攪到淋晒的.
我今天與新寵去了流浮山，十多年沒去過，感覺卻是完全陌生
回覆刪除[版主回覆01/18/2010 15:12:00]流浮山已變成一團一團人入去旅遊的地方了, 再入d白泥ok 一d.
找天選個地點實影一下.
好勤力呀, 個麵包好香, 正.
回覆刪除[版主回覆01/18/2010 15:12:00]做包係我樂趣, 所以好勤力呢!
次次見你整親慢酵包都好想整 ，但係始終都的唔起心肝
回覆刪除[版主回覆01/18/2010 15:13:00]唔緊要, 隨心啦, 興到自然會動手.
偷得浮生半日閑， 瞓下覺又可以整吓包， 真係好寫意喎 。
回覆刪除[版主回覆01/18/2010 21:45:00]我好喜歡呢種生活.
抖夠了再出去逛逛玩玩, 就完美了, 可惜未抖夠已上班了.
都真係要發好耐 wor~我怕入爐前掌握唔到!!係咪總之見佢發大至2.5倍就ok?
回覆刪除[版主回覆01/18/2010 21:50:00]因為這個包的酵母很少, 所以發得很慢很慢, 加上放入雪櫃一段時間, 所以發得好耐, 正常這個包的初發酵是6-10小時的.
末發酵發到大約2倍啦, 用手輕輕拍, 感到裏面充了氣, 就可以入爐了.
咦，收到今日烘焙，莫非今期有你的大作？恭喜恭喜！
回覆刪除個麵團翻麵一次, 放回雪櫃, 中午回來 , 取出室溫中繼續發酵.......如果在雪櫃的時間再耐些，有沒有影響呢？
這個包如果未夠兩倍便入爐入爐後會不會繼續升呢？
[版主回覆01/19/2010 07:48:00]只係小作來的......:p
可以放雪櫃耐d, 它會發得更慢, 冬天個雪櫃好冷, 它幾乎不發酵呢. 所以要放室溫
室溫要小心, 只要過度發酵, 它就會有點酒味了
這個包一般初發酵6-10小時就ok了, 今次24小時, 係第一次, 仲有d過度發酵添, 下次都係10小時以內好d.
你做的包包真的很有水準啊！
回覆刪除[版主回覆01/19/2010 07:48:00]今次冇咁好了, 膨脹得不夠勁呢!
多謝曬你o既 提醒 ,如果唔係我整柚子雪芳個時根本唔會諗到要落baking soda o黎中和番,
回覆刪除我的劣作: http://hk.myblog.yahoo.com/hey-baking/article?mid=231
[版主回覆01/19/2010 07:52:00]做得好鬆呀!!
有機會幫我做個實驗........不加梳打粉, 但係用暖麵漿.......唔知點呢?
呀, 糕面的交叉是怎弄出來呢, 好得意.
點油醋食簡直一流呀...你支vintage balsamic vinegar好似好貴咁喎...隻碟都靚過人
回覆刪除[版主回覆01/19/2010 16:58:00]係呀, 意大利人都係咁吃的. 兩樣都係好野黎咖........兩樣都係朋友送的 :p
好啊,一定有機會,因為d柚子皮就過期
回覆刪除個叉叉係呢,一早放d柚子皮落個模到,跟住先倒個蛋糕糊落去,焗出o黎就會變成咁嫁喇!
[版主回覆01/19/2010 17:02:00]icic, 原來係咁樣, 好得意呀!
我係"好吃xxxxxx"個本書到見到佢咁整個櫻花戚芳幾令咁,咁埋照樣搬落去呢個蛋糕到
回覆刪除不過個皮唔係太痴實個蛋糕,有少少gap嫁!
[版主回覆01/20/2010 21:43:00]ICIC, 呢個做法好創意, 我估d皮會黐模多d吧 :p
有機會我又試吓.
其實麵包餐真係唔錯架, 仲可以有好多選擇,好多變化.
回覆刪除[版主回覆01/20/2010 21:44:00]係呀, 我完全ok咖, 太太就一定唔得, 有時一個人, 我會買好多麵包回家當lunch, 好enjoy.
嘩, 好長時間, 如果過左其中一個時間咁點算呢?
回覆刪除[版主回覆01/20/2010 21:46:00]盡量不要啦, 我就係有一part發過左, 有少少酒味......幸好不太過份.
翻麵即係咩意思？呢個係軟包定硬包？
回覆刪除[版主回覆01/20/2010 21:48:00]呢個包, 軟咖.
翻麵有好多手法, 我用係趁個麵團發大一點, 取出摺兩三摺, 也可拉長摺信封.
造包、吃包，對我們這些包迷來說，真是可以說，每天是不可以缺少，不吃飯是可以，但不吃麵包的話，真是不習慣，就算唔整，也要買些好吃的來吃，來滿足下自己。
回覆刪除[版主回覆01/21/2010 07:39:00]我主要都係吃粥粉麵飯-----中國四大發明嘛, 但係間中我lunch我可以全吃包的, 當然壽司都好ok!
翻麵即係醒發？
回覆刪除[版主回覆01/21/2010 07:45:00]我估唔係太相同, 醒發係好廣泛的意思, 而翻麵係歐包發酵過程中的特定程序.
vintage balsamic vinegar好正，好鬼識歎喎~~
回覆刪除[版主回覆01/21/2010 07:46:00]d friend 教識我的呢!
咁即係話翻面係歐包獨有 嘅 製作程序，將麵糰摺疊，係咪？
回覆刪除[版主回覆01/21/2010 17:24:00]對了!
多謝A moon 為今日烘焙撰稿。下一期目標Blog友係…
回覆刪除[版主回覆01/22/2010 08:17:00]我都好開心可以寫吓做包........粗糙之作咋.
下一期.........我都想知呀, 記得開估呀, haha!
恭喜恭喜!
回覆刪除不過我睇唔到你嘅文章啊!
[版主回覆01/22/2010 22:32:00]其實都係好似寫blog咁, 好平常的呢.......當然每篇blog我都好用心寫 :)
我都睇左啦, 好掂
回覆刪除[版主回覆01/25/2010 13:39:00]妳睇到了.......獻醜獻醜.